तक्रारदार : प्रतिनीधी मस्करन्हस(A.M.Mascarenhas)
यांचे सोबत हजर.
सामनेवाले : एकतर्फा.
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
निकालपत्रः- श्री.ज.ल.देशपांडे, अध्यक्ष ठिकाणः बांद्रा
*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*
न्यायनिर्णय
1. सा.वाले हे विकासक/बिल्डर आहेत. तक्रारदारांनी सा.वाले यांचे प्रकल्पामध्ये रो हाऊस मधील आर-47 हे रो हाऊस खरेदी करण्याचे ठरविले. व त्या बद्दल तक्रारदारांनी सा.वाले यांना दिनांक 11.4.1987 रोजी रु.25001/- अनामत रक्कम अदा केली. व त्यानंतर दिनांक 18.5.1988 रोजी रु.25,000/- अदा केले. सा.वाले यांनी प्रकल्प पूर्ण केला नाही. व तक्रारदारांना रो हाऊसचा ताबा दिला नाही. तक्रारदार सा.वाले यांचेकडे त्या बद्दल सारखा तगादा लावित होते. परंतु काहीच परीणाम झाला नाही. अंतीमतः तक्रारदारांनी प्रस्तुतची तक्रार दाखल केली.
2. सा.वाले यांचे दोन्ही पत्यावर नोटीस पाठविण्यात आल्या. सा.वाले यांना विरार, जिल्हा ठाणे येथील पत्यावर नोटीस बजावण्यात आली. पोच पावती दाखल आहे. परंतु सा.वाले गैर हजर राहील्याने त्यांचे विरुध्द प्रकरण एकतर्फा करण्यात आले.
3. प्रस्तुत मंचाने तक्रार, शपथपत्रे व कागदपत्रे यांचे वाचन केले. त्यावरुन तक्रारीचे निकालीकामी पुढील मुद्दे कायम करण्यात येतात.
क्र. | मुद्दे | उत्तर |
1 | सा.वाले यांनी तक्रारदारांना रो हाऊसच्या संदर्भात सेवा सुविधा पुरविण्यात कसुर केली ही बाब तक्रारदार सिध्द करतात काय ? | होय. |
2 | तक्रारदार सा.वाले यांचेकडून तक्रारीत मागीतल्या प्रमाणे रक्कम वसुल करण्यास पात्र आहेत काय ? | होय. अंशतः |
3. | अंतीम आदेश ? | तक्रार अंशतः मंजूर करण्यात येते. |
कारण मिमांसा
4. तक्रारदारांचा व्यवहार वर्षे 1987-88 सालामधील असल्याने तक्रारदारांनी तक्रारीसोबत विलंब माफीचा अर्ज दाखल केला. त्या अर्जाची नोटीस सा.वाले यांना पाठविण्यात आली होती. नोटीस बजावून देखील सा.वाले गैर हजर राहील्याने तक्रारदारांचा विलंब माफीचा अर्ज मंजूर करण्यात आला. त्यानंतर तक्रार दाखल करुन घेण्यात येऊन सा.वाले यांना नोटीस पाठविण्यात आली. तक्रारदारांनी इंडीया पोस्ट चे प्रमाणपत्र दाखल केलेले आहे. त्यावरुन सा.वाले यांना नोटीस बजावल्याचे दिसून आले. त्यावरुन सा.वाले यांचे विरुध्द प्रकरण एकतर्फा करण्यात आले.
5. तक्रारदारांनी तक्रारी सोबत सा.वाले यांना दिनांक 11.4.1987 रोजी रु.25001/- व दिनांक 18.5.1988 रोजी रु.25,000/- अदा केल्या बद्दलच्या पावत्यांच्या प्रती जोडलेल्या आहेत. त्यावरुन तक्रारदारांनी सा.वाले यांना रो हाऊसच्या किंमती बद्दल रु.50,001/- अदा केल्याचे दिसून येते. सा.वाले यांनी तक्रारदारांना एक पत्र दिले होते, त्यामध्ये प्रकल्प लौकरच पूर्ण करण्यात येईल असे आश्वासन दिले होते. सा.वाले यांनी तक्रारदारांना दिनांक 29.5.1992 रोजी एक पत्र दिले त्यामध्ये तक्रारदारांनी रो हाऊस बद्दल रु.50,001/- जमा केल्याची नोंद आहे. सा.वाले यांनी तक्रारदारांना बाकी रक्कम मागणेकामी वेळोवेळी पत्र दिले होते. त्याच्या देखील प्रती तक्रारदारांनी दाखल केलेल्या आहेत. या वरुन सा.वाले पूर्ण करीत असलेल्या प्रकल्पामध्ये तक्रारदारांनी रो हाऊस खरेदी करण्याचे ठरविले व सा.वाले यांना रु.50,001/- अदा केले ही बाब सिध्द होते.
6. सा.वाले यांनी हजर होऊन आपली कैफीयत दाखल केली नाही. तसेच तक्रारदारांच्या तक्रारीतील कथनास नकार दिलेला नाही. त्यामुळे तक्रारदारांच्या तक्रारीतील कथने अबाधित राहातात. सा.वाले यांनी प्रकल्प पूर्ण करण्याबद्दल काहीही निवेदन केलेले नसल्याने सा.वाले यांनी तक्रारदारांना रो हाऊसच्या संदर्भात सेवा सुविधा पुरविण्यात कसुर केली ही बाब सिध्द होते.
7. तक्रारदारांनी तक्रारीमध्ये सा.वाले यांचेकडून संपूर्ण रक्कम 9 टक्के व्याजाने वसुल करुन मिळावी अशी मागणी केलेली आहे. त्या व्यतिरिक्त नुकसान भरपाईची मागणी केलेली आहे. परंतु तक्रारदारांना अदा केलेली रक्कम व्याजासह प्राप्त होणार असल्याने वेगळया नुकसान भरपाईचा आदेश करण्याची आवश्यकता नाही असे प्रस्तुत मंचाचे मत झाले आहे.
8. वरील चर्चेनुरुप व निष्कर्षावरुन पुढील प्रमाणे आदेश करण्यात येतो.
आदेश
1. तक्रार क्रमांक 375/2012 ही अंशतः मंजूर करण्यात येते.
2. सामनेवाले यांनी तक्रारदारांना रो हाऊसच्या संदर्भात सेवा सुविधा पुरविण्यात कसुर केली असे जाहीर करण्यात येते.
3. सामनेवाले यांनी तक्रारदारांना वसुल केलेली रक्कम रु.50,000/-
शेवटची रक्कम अदा केलेल्या दिनांकापासून म्हणजे दिनांक
18.5.1988 पासून 9 टक्के व्याज दराने अदा करावी असे आदेश
सामनेवाले यांना देण्यात येतात.
4. या व्यतिरिक्त सामनेवाले यांनी तक्रारदारांना तक्रारीच्या खर्चाबद्दल
रु.10,000/- अदा करावेत असाही आदेश देण्यात येतो.
5. आदेशाच्या प्रमाणित प्रती उभय पक्षकारांना विनामुल्य पाठविण्यात
याव्यात.
ठिकाणः मुंबई.
दिनांकः 05/07/2013