Dated the 15 Mar 2017

न्‍यायनिर्णय       

     द्वारा- सौ.स्‍नेहा एस.म्‍हात्रे...................मा.अध्‍यक्षा.       

1.    सामनेवाले नं.1 ही इमारत बांधकाम व्‍यावसायिक संस्‍था असुन सामनेवाले नं. 2 व 3 हे त्‍या संस्‍थेचे भागिदार आहेत.  तक्रारदार यांनी सामनेवाले यांचेकडून विकत घेतलेल्‍या सदनिकेचा ताबा सामनेवाले यांनी तक्रारदार यांना दिला नसल्‍याने प्रस्‍तुत वाद निर्माण झाला आहे.

2.    तक्रारदाराच्‍या तक्रारीमधील कथनानुसार सामनेवाले यांनी दिलेल्‍या जाहिरातीवर विश्‍वास ठेऊन, सामनेवाले यांनी मौजे वसार, ता.अंबरनाथ जिल्‍हा-ठाणे, येथील सर्व्‍हे नंबर-148, हिस्‍सा नं.3 या भुखंडावर विकसित करावयाच्‍या प्रायोजित इमारतीमध्‍ये 1 आर.के. 250 चौरस फुट क्षेत्रफळ असलेली सदनिका, तीचा लेखी करार ता.29.07.2013 रोजी केला होता.  सदर करारास सामनेवाले यांनी खरेदीखत असे संबोधुन तक्रारदार यांचेशी सदर सदनिकेच्‍या विक्रीचा व्‍यवहार केलेला आहे.  सदर  सदनिकेचे सदर खरेदीखतामध्‍ये नमुद केल्‍यानुसार (पॅरा क्रमांक-4)  एकूण  विक्री मुल्‍य  रक्‍कम रु.3,20,000/-  इतके उभयपक्षांत ठरले होते, व त्‍यानुसार तक्रारदार यांनी सदर रक्‍कम रु.3,20,000/-, धनादेश/डी.डी व्‍दारे सामनेवाले यांना दिली, त्‍यानुसार सामनेवाले यांनी पावती क्रमांक-866, 898, 844, 884 व 901 दिल्‍या असुन त्‍या अनुक्रमे पान क्रमांक-18, 19 व 20 वर तक्रारदार यांनी अभिलेखात दाखल केल्‍या आहेत.

      तक्रारदार यांच्‍या म्‍हणण्‍यानुसार, कालांतराने तक्रारदार हे सामनेवाले यांचेकडे त्‍यांना देण्‍यात येणा-या सदनिकेचा ताबा घेण्‍यासाठी गेले असता, त्‍यांना सामनेवाले यांनी सदर सदनिकेचे बांधकाम पुर्ण झाले नसल्‍याचे कारण सांगितले.  यानंतर बराचकाळ सामनेवाले यांनी बांधकाम केले नाही.  त्‍यामुळे तक्रारदार यांना आपण फसवलो गेलो असल्‍याचे ज्ञात झाल्‍यावर त्‍यांनी सामनेवाले यांचेकडे दिलेली रक्‍कम परत मागितली, परंतु प्रत्‍येक वेळी  सामनेवाले यांनी टाळाटाळ केली. यानंतर बराचकाळ सामनेवाले यांनी बांधकाम केले नाही.  त्‍यामुळे तक्रारदार यांना आपण फसवलो गेलो असल्‍याचे ज्ञात झाल्‍यावर त्‍यांनी सामनेवाले यांचेकडे दिलेली रक्‍कम परत मागितली, परंतु प्रत्‍येक वेळी त्‍यांनी टाळाटाळ केली.  त्‍यामुळे तक्रारदार यांनी सामनेवाले यांचे विरुध्‍द वरीष्‍ठ पोलिस निरीक्षक, महात्‍मा फुले चौक, कल्‍याण (प) जिल्‍हा-ठाणे यांचकडे सामनेवाले यांचे विरुध्‍द  ता.03.12.2014 रोजी घर फसवणुकीबाबत तक्रार  दाखल केली आहे (पान क्रमांक-22), परंतु सामनेवाले यांनी तकारदार यांना त्‍यांच्‍या सदनिकेचा ताबा देण्‍याबाबत कोणतीही कार्यवाही केली नाही.  त्‍यामुळे प्रस्‍तुत तक्रार दाखल करुन तक्रारदार यांची रक्‍कम रु.3,20,000/-, 24 टक्‍के व्‍याजासह परत मिळावी, मानसिक त्रासाबद्दल रु.1,00,000/-, तसेच तक्रार खर्चाबद्दल रु.20,000/- मिळावेत  अशा मागण्‍या तक्रारदार यांनी केल्‍या  आहेत. 

तक्रारदारांनी सामनेवाले यांचेकडे बुक केलेल्‍या खालील तक्‍त्‍यात नमुद केलेल्‍या सदनिकेचा ताबा लवकरात लवकर देण्‍यात येईल असे आश्‍वासन तक्रारदार यांना दिले होते.  त्‍याचा तपशील खालील प्रमाणे.....

3.    सामनेवाले यांना पाठविण्‍यात आलेली तक्रारीची नोटीसचा अहवाल समाधानकारक नसल्‍याने, तक्रारदार यांनी  सामनेवाले यांना जाहिर नोटीस देण्‍याची परवानगी घेऊन सामनेवाले यांना जाहिरप्रगटनाव्‍दारे सुनावणीची नोटीस देण्‍यात आली.   तथापि, जाहिरप्रगटनामध्‍ये नमुद केलेल्‍या सुनावणीच्‍या तारखेस तसेच त्‍यानंतर संधी देऊनही सामनेवाले हजर न झाल्‍याने, त्‍यांच्‍या विरुध्‍द तक्रार एकतर्फा चालविण्‍याचे आदेश पारित करण्‍यात आले.

4.    तक्रारदार यांनी पुरावा शपथपत्र व लेखी युक्‍तीवाद दाखल केला.  तोंडी युक्‍तीवादाची पुरसिस दिली.  तक्रारदार यांनी दाखल केलेली तक्रार, कागदपत्रे, व लेखी युक्‍तीवादाचे वाचन मंचाने केले.  त्‍यावरुन प्रकरणात खालील मुदयांचा विचार केला.

मुद्दे                                                                 निष्‍कर्ष

अ. सामनेवाले यांनी तक्रारदार यांच्‍याकडून वरील तक्‍त्‍यात नमुद

   केल्‍याप्रमाणे सदनिका विक्रीबाबत मोठयाप्रमाणात रक्‍कम

   स्विकारुनही तक्रारदार यांना सदर भुखंडावर इमारत बांधुन तक्रारदार

   यांनी सामनेवाले यांच्‍याकडे बुक केलेल्‍या सदनिकेचा ताबा न

   दिल्‍यामुळे तक्रारदाराप्रती सदोष पुर्ण सेवा दिली आहे का ?........................होय.

ब. तक्रारीत काय आदेश ?.............................................तक्रार अंशतः मंजुर करण्‍यात येते.

5.कारण मिमांसा-

मुद्दा-अ. “सामनेवाले यांनी वसार ता.अंबरनाथ येथील सर्व्‍हे नंबर-148, हिस्‍सा नं.3, या भुखंडावर विकसित करावयाच्‍या प्रायोजित प्रकल्‍पातील 1 आर.के. 250 चौरस फुट क्षेत्रफळाची सदनिका रक्‍कम रु.3,20,000/- एवढया  किंमतीस सामनेवाले यांचेकडून विकत घेण्‍याचे तक्रारदार यांनी निश्चित केले, व तक्रारदार यांनी अभिलेखावर सादर केलेल्‍या खरेदीखतावरुन सदर सदनिकेच्‍या एकूण मोबदल्‍याची किंमत रक्‍कम रु.3,20,000/- उभयपक्षांत ठरल्‍याचे दिसून येते.” त्‍यानुसार तक्रारदार यांनी एकुण किंमत रु.3,20,000/- सामनेवाले यांना वर नमुद केलेल्‍या  तपशिलाप्रमाणे दिल्‍याचे दिसून येते. त्‍याबाबत सामनेवाले यांनी तक्रारदार यांना रक्‍कम रु.3,20,000/- मिळाल्‍याबाबतच्‍या पावत्‍या 866, 898, 844, 884 व 901 दिल्‍या असुन  त्‍या पान क्रमांक-18, 19 व 20 वर अभिलेखात उपलब्‍ध आहेत.

सामनेवाले यांनी, तक्रारदाराशी वसार येथील प्रकल्‍पातील इमारती मधील सदनिका विकण्‍याचा व्‍यवहाराबाबत दि.29.07.2013 रोजी तक्रारदार यांचेशी केलेल्‍या करारनाम्‍यास सामनेवाले यांनी “खरेदीखत” असे संबोधुन  सदर सदनिका विक्रीचा व्‍यवहार केलेला आहे.  सामनेवाले यांनी तक्रारदारकडुन रक्‍कम रु.3,20,000/- स्विकारुन कोणतेच बांधकाम केले नाही, व तक्रारदाराचे पैसेही परत केले नाहीत, हे तक्रारदारांनी दाखल केलेल्‍या कागदपत्रांवरुन स्‍पष्‍ट होते.

वर नमुद केलेल्‍या भुखंडावर इमारत बांधुन त्‍यामध्‍ये तक्रारदार यांनी आरक्षित केलेली सदनिका विकल्‍याचे सामनेवाले यांनी मान्‍य केले आहे, व त्‍याचा एकूण मोबदला तक्‍त्‍यात नमुद केल्‍याप्रमाणे उभयपक्षांत ठरल्‍याचे मान्‍य केले आहे. त्‍यापैंकी तक्रारदार यांनी सामनेवाले यांना तक्‍त्‍यात नमुद केल्‍या प्रमाणे धनादेशाव्‍दारे रक्‍कम अदा केल्‍याचे दिसुन येते. त्‍याबाबत सामनेवाले यांनी तक्रारदार यांना दिलेल्‍या पावत्‍या (पावती क्रमांक-18,19 व 20) वर अभिलेखात सादर आहेत.  परंतु असे असतांना देखील सामनेवाले यांनी तक्रारदार यांना सदर मिळकतीवर इमारत बांधुन त्‍यातील सदनिकेचा ताबा संबंधीत तक्रारदार यांना अदयाप दिला नाही.  तक्रारदार यांनी त्‍याबाबत तक्रारदार यांनी सामनेवाले यांचेकडे खरेदीखताव्‍दारे खरेदी केलेल्‍या सदनिकेची मागणी केली, परंतु सामनेवाले यांनी त्‍याबाबत अदयाप कोणतीही कार्यवाही न केल्‍याने तक्रारदार यांना बेघर व्‍हावे लागले असे तक्रारदार यांनी नमुद केलेले आहे. 

सामनेवाले यांनी तक्रारदार यांना त्‍यांच्‍या सदनिकेचा ताबा दिला नाही, व तक्रारदार यांचेकडून वर नमुद केल्‍याप्रमाणे मोठयाप्रमाणात सदर खरेदीखतामध्‍ये नमुद केलेल्‍या सदनिकेबाबत स्विकारलेली मोबदल्‍याची पुर्ण रक्‍कमही अदयाप तक्रारदार यांना  परत केली नाही. अशा प्रकारे सामनेवाले यांनी तक्रारदार यांची फसवणूक केल्‍याने, सामनेवाले यांनी तक्रारदाराप्रती सदोषपुर्ण सेवा दिली हे सिध्‍द होते.  सामनेवाले यांनी तक्रारदार यांच्‍याकडून वरील तक्‍त्‍यात नमुद केलेली रक्‍कम स्विकारुनही तक्रारदार यांना आश्‍वासन दिल्‍याप्रमाणे व खरेदीखतामध्‍ये नमुद केल्‍याप्रमाणे सदर भुखंडावर इमारत विकसीत करुन त्‍यातील सदनिकेचा रितसर व कायदेशीर ताबा संबंधीत तक्रारदाराशी सदर व्‍यवहार पुर्ण करुन दिला नाही, त्‍यामुळे तक्रारदार यांना आर्थिक नुकसानीस सामोरे जावे लागले, व सदनिकेचा ताबाही अदयाप तक्रारदार यांना मिळाला नाही.  म्‍हणुन सामनेवाले यांनी तक्रारदाराप्रती सदोषपुर्ण सेवा दिल्‍याचे जाहिर करुन तक्रारदार यांनी सामनेवाले यांना सदनिका खरेदीबाबत अदा केलेली संपुर्ण रक्‍कम सामनेवाले मे.ओम साई ड्रीम होम्‍स व त्‍यांच्‍या तर्फे दर्शविलेले भागिदार श्री.सुनिल पोटे, व श्री.अनंत शिंदे यांनी वैयक्तिक व संयुक्‍तीकरित्‍या सदर एकूण रक्‍कम रु.3,20,000/- (अक्षरी रुपये तीन लाख वीस हजार) तक्‍त्‍यामध्‍ये नमुद केलेल्‍या खरेदीखताच्‍या तारखेपासुन (ता.29.07.2013) पासुन, 12 टक्‍के व्‍याजासह तक्रारदार यांना आदेश पारित तारखेपासुन दोन महिन्‍यांत परत करावी असे आदेश सामनेवाले मे.ओम साई ड्रीम होम्‍स व त्‍यांच्‍या तर्फे दर्शविलेले भागिदार श्री.सुनिल पोटे, व श्री.अनंत शिंदे यांनी वैयक्तिक व संयुक्‍तीकरित्‍या यांना देण्‍यात येतात.

सामनेवाले यांनी तक्रारदार यांना त्‍यांच्‍या सामनेवाले यांचेकडे खरेदीखताव्‍दारे खरेदी केलेल्‍या सदनिकेचा ताबा न दिल्‍याने तसेच सामनेवाले यांना मोठया प्रमाणात मोबदल्‍याची संपुर्ण रक्‍कम अदा करुन देखील तक्रारदार यांनी सामनेवाले यांचेकडे खरेदीखताव्‍दारे खरेदी केलेल्‍या सदनिकेच्‍या ताब्‍यापासुन वंचित रहावे लागल्‍याने झालेल्‍या मानसिक त्रासाची नुकसानभरपाई म्‍हणुन तक्रारदार  सामनेवाले मे.ओम साई ड्रीम होम्‍स व त्‍यांच्‍या तर्फे दर्शविलेले भागिदार श्री.सुनिल पोटे, व श्री.अनंत शिंदे यांचेकडून वैयक्तिक व संयुक्‍तीकरित्‍या रक्‍कम रु.20,000/- (अक्षरी रक्‍कम रुपये वीस हजार), तसेच ग्राहक मंचात वकीलाकरवी प्रस्‍तुत तक्रार दाखल करावी लागल्‍याने झालेल्‍या न्‍यायिक खर्चापोटी सामनेवाले यांचेकडून वैयक्तिक व संयुक्‍तीकरित्‍या (वर नमुद केल्‍याप्रमाणे) तक्रार खर्च रक्‍कम रु.10,000/- (अक्षरी रक्‍कम रुपये दहा हजार) मिळण्‍यास पात्र आहेत.

सबब प्रस्‍तुत  प्रकरणामध्‍ये खालील प्रमाणे अंतिम आदेश पारित करण्‍यात येतो.

“ या मंचातील कार्यभार पाहता व इतर प्रशासकीय कारणांमुळे यापुर्वी ही तक्रार निकाली काढता येऊ शकली नाही ”.    

                       - अंतिम आदेश -

1.तक्रार क्रमांक-1058/2015 अंशतः मंजुर करण्‍यात येतात.

2.सामनेवाले यांना सदनिका खरेदीपोटी वरील तक्‍त्‍यात दिलेल्‍या तपशीलानुसार तक्रारदार

  यांनी अदा केलेली एकूण रक्‍कम रु.3,20,000/- (अक्षरी रुपये तीन लाख वीस हजार )

  सामनेवाले मे.ओम साई ड्रीम होम्‍स व त्‍यांच्‍या तर्फे दर्शविलेले भागिदार श्री.सुनिल पोटे, व

  श्री.अनंत शिंदे यांनी वैयक्तिक व संयुक्‍तीकरित्‍या तक्रारदार यांचेशी केलेल्‍या विक्री

  कराराच्‍या तारखेपासुन म्‍हणजेच ता.29.07.2013 पासुन दरसाल दर शेकडा 12 टक्‍के

  व्‍याजाने आदेश पारित तारखेपासुन दोन महिन्‍यांत परत करावी. 

3.सामनेवाले मे.ओम साई ड्रीम होम्‍स व त्‍यांच्‍या तर्फे दर्शविलेले भागिदार श्री.सुनिल पोटे,

  व श्री.अनंत शिंदे यांनी वैयक्तिक व संयुक्‍तीकरित्‍या,रक्‍कम रु.20,000/- (अक्षरी रक्‍कम

 रुपये वीस हजार), तक्रारदार यांना    मानसिक त्रासापोटी  दयावेत,  तसेच सामनेवाले मे.ओम

  साई ड्रीम होम्‍स व त्‍यांच्‍या तर्फे दर्शविलेले भागिदार श्री.सुनिल पोटे, व श्री.अनंत शिंदे

  यांनी  तक्रार खर्च रक्‍कम रु.10,000/- (अक्षरी रक्‍कम रुपये दहा हजार) तक्रारदार

  यांना आदेश पारित तारखेपासुन दोन महिन्‍यांत दयावेत.

4.आदेशाच्‍या प्रती उभयपक्षकारांना विनामुल्‍य व विनाविलंब पोस्‍टाने पाठविण्‍यात याव्‍यात.

5.तक्रारीचे अतिरिक्‍त संच असल्‍यास तक्रारदार यांना परत करण्‍यात यावे.

ता.15.03.2017

जरवा/