::निकालपत्र::
(पारीत व्‍दारा- सौ.चंद्रिका किशोरसिंह बैस, मा.सदस्‍या )
(पारीत दिनांक–13 डिसेंबर, 2017)
01. तक्रारकर्त्‍याने अतिरिक्‍त ग्राहक मंचा समक्ष ग्राहक संरक्षण कायदा-1986 चे कलम-12 खाली विरुध्‍दपक्ष बिल्‍डर विरुध्‍द करारा प्रमाणे फ्लॅटचे विक्रीपत्र व ताबा न दिल्‍याचे कारणावरुन दाखल केली आहे.
02. तक्रारकर्त्‍याचे संक्षीप्‍त कथन खालील प्रमाणे-
तक्रारकर्ता हा स्‍वतःचे आणि कुटूंबाच्‍या निवासासाठी नागपूर येथे सदनीकेच्‍या शोधात होता. विरुध्‍दपक्ष फर्मचा निवासी सदनीका बांधून विक्रीचा व्‍यवसाय आहे. तक्रारकर्त्‍याला स्‍वतःचे कुटूंबियांना राहण्‍यासाठी निवासी सदनीकेची आवश्‍यकता होती. विरुध्‍दपक्षाचे फ्लॅटचे जाहिराती वरुन त्‍याने विरुध्‍दपक्षाशी संपर्क साधला. विरुध्‍दपक्ष फर्मचे मौजा पिपरी, तहसिल कुही, जिल्‍हा नागपूर खसरा क्रं-31 व 32, पटवारी हलक क्रं-1 येथील भूखंड क्रं-1 ते 7 वर प्रस्‍तावित बांधण्‍यात येणारी योजना आर.पी.फ्लोअर्स मधील प्रथम माळयावरील विंग-सी (Wing-C) मधील फ्लॅट क्रं-101 ज्‍याचे बिल्‍टअप क्षेत्रफळ 740 चौरसफूट (68.74 चौरसमीटर) राहणार होते, एकूण किम्‍मत रुपये-14,80,000/- एवढया किमतीत विकत घेण्‍याचे ठरविले, त्‍या प्रमाणे तक्रारकर्त्‍याने दिनांक-15/01/2011 रोजी एकूण 25% आंशिक रक्‍कम रुपये-3,70,000/- विरुध्‍दपक्ष फर्म मध्‍ये जमा केली आणि विरुध्‍दपक्ष फर्म तर्फे पावती प्राप्‍त केली. विरुध्‍दपक्षा तर्फे तक्रारकर्त्‍याला फ्लॅट क्रं-101 संबधाने दिनांक-29/01/2011 रोजी अलॉटमेंट लेटर सुध्‍दा देण्‍यात आले. अलॉटमेंट लेटर मध्‍ये उपरोक्‍त नमुद केल्‍या प्रमाणे फ्लॅट क्रं-101 चे वर्णन करण्‍यात येऊन सदर फ्लॅटची एकूण किम्‍मत रुपये-14,80,000/- असल्‍याचे नमुद करण्‍यात आले तसेच तक्रारकर्त्‍या कडून आंशिक रक्‍कम रुपये-3,70,000/- मिळाल्‍याची बाब सुध्‍दा विरुध्‍दपक्षा तर्फे मान्‍य करण्‍यात आली. उर्वरीत रक्‍कम ही कन्‍हेयन्‍स डिड जी उभय पक्षां मध्‍ये नोंदविल्‍या जाईल त्‍यामध्‍ये नमुद केलेल्‍या पेमेंट शेडयुल प्रमाणे देण्‍याचे विरुध्‍दपक्षा तर्फे नमुद केले. तसेच कर्ज बँक किंवा वित्‍तीय संस्‍थे मधून काढण्‍यासाठी विरुध्‍दपक्षाने नाहरकत असल्‍याचे सुध्‍दा अलॉटमेंट लेटर मध्‍ये नमुद केले.
तक्रारकर्त्‍याने पुढे असे नमुद केले की, विरुध्‍दपक्षा तर्फे बांधकामास सुरुवात झाली असल्‍याचे सांगून, फ्लॅटचा ताबा हा लवकरात लवकर देण्‍याचे आश्‍वासन देण्‍यात आले होते. परंतु प्रत्‍यक्षात मोक्‍यावर बांधकामाची कोणतीही प्रगती दिसून आली नाही, जेंव्‍हा की, विरुध्‍दपक्षाने सदर ईमारती मध्‍ये सर्व सोयी सुविधा देण्‍याचे आश्‍वासन दिलेले होते. तक्रारकर्त्‍याने सदर ईमारतीचे बांधकाम केंव्‍हा पूर्णत्‍वास जाईल या बाबत विरुध्‍दपक्षाकडे चौकशी केली असता कोणतेही समाधानकारक उत्‍तर देण्‍यात आले नाही. जेंव्‍हा जेंव्‍हा तक्रारकर्त्‍याने विरुध्‍दपक्षाचे कार्यालयात भेटी देऊन सदनीकेचे बांधकामा बाबत चौकशी केली, तेंव्‍हा तेंव्‍हा कार्यालयातील कार्यरत कर्मचा-यां कडून फक्‍त उडवाउडवीची उत्‍तरे देण्‍यात आलीत. तक्रारकर्त्‍याला प्रत्‍येक वेळी वाट बघण्‍यास सांगण्‍यात आले.
तक्रारकर्त्‍याने पुढे असे नमुद केले की, विरुध्‍दपक्षा तर्फे त्‍याने फ्लॅटपोटी जमा केलेली रक्‍कम परत करण्‍याचा प्रस्‍ताव देण्‍यात आला परंतु त्‍यासाठी फ्लॅट संबधीचे सर्व मूळ दस्‍तऐवज विरुध्‍दपक्षाकडे परत करावे लागतील असे सांगण्‍यात आले, त्‍यानुसार सदनीकेपोटी जमा केलेली आंशिक रक्‍कम परत मिळेल या आशेने तक्रारकर्त्‍याने फ्लॅट संबधीचे सर्व मूळ दस्‍तऐवज विरुध्‍दपक्षाकडे परत केलेत व असे मूळ दस्‍तऐवज प्राप्‍त झाल्‍या बाबत विरुध्‍दपक्षा तर्फे पोच सुध्‍दा देण्‍यात आली. परंतु त्‍यानंतर विरुध्‍दपक्षा तर्फे तक्रारकर्त्‍याने जमा केलेली आंशिक रक्‍कम, त्‍यावरील व्‍याजासह देण्‍यात आली नाही वा त्‍याने जमा केलेले मालमत्‍तेचे मूळ दस्‍तऐवज सुध्‍दा परत करण्‍यात आले नाही, जे अद्दापही विरुध्‍दपक्षा जवळ आहेत. विरुध्‍दपक्षा तर्फे बांधकामास उशिर होत आहे तसेच कन्‍व्‍हेयन्‍स डीड सुध्‍दा नोंदवून दिलेली नाही.
तक्रारकर्त्‍याने पुढे असे नमुद केले की, तक्रारकर्त्‍याचे नोंदणी केलेल्‍या फ्लॅटचे बांधकाम सुरु झाले नाही तसेच विरुध्‍दपक्षाने आश्‍वासित केलेल्‍या सोयी सुविधा संबधाने ईमारतीचे कोणतेही बांधकाम सुरु झाले नाही. तक्रारकर्त्‍याने फ्लॅट बुकींग पोटी 25% आंशिक रक्‍कम रुपये-3,70,000/- विरुध्‍दपक्ष फर्म मध्‍ये जमा करुनही आणि सहा वर्षाचा कालावधी उलटूनही प्रत्‍यक्ष्‍य मोक्‍यावर बांधकामा बाबत कोणतीही प्रगती दिसून आलेली नाही. तक्रारकर्ता आणि विरुध्‍दपक्षा मध्‍ये अनुक्रमे “ग्राहक आणि बिल्‍डर” असे संबध असून, विरुध्‍दपक्षाने त्‍यास दोषपूर्ण सेवा दिलेली आहे. विरुध्‍दपक्षाचे दोषपूर्ण सेवेमुळे त्‍याला मानसिक व शारिरीक त्रास सहन करावा लागत आहे. त्‍याने विरुध्‍दपक्षाचे कार्यालयीन पत्‍त्‍यावर वकीलांचे मार्फतीने नोंदणीकृत डाकेने दिनांक-30/09/2016 रोजी नोटीस पाठविली परंतु विरुध्‍दपक्ष सदर पत्‍त्‍यावर राहत नाही या शे-यासह नोटीस परत आली.
म्‍हणून शेवटी तक्रारकर्त्‍याने प्रस्‍तुत तक्रार ग्राहक मंचा समक्ष दाखल करुन विरुध्‍दपक्षा विरुध्‍द पुढील मागण्‍या केल्‍यात.
(1) विरुध्‍दपक्षाने तक्रारकर्त्‍याचे नावे दिनांक- 29/01/2011 रोजी करुन दिलेल्‍या अलॉटमेंट लेटर प्रमाणे विरुध्‍दपक्ष फर्मचे मौजा पिपरी, तहसिल कुही, जिल्‍हा नागपूर येथील खसरा क्रं-31 व 32, पटवारी हलका क्रं-1 मधील भूखंड क्रं-1 ते 7 वर प्रस्‍तावित बांधण्‍यात येणारी योजना आर.पी.फ्लोअर्स मधील प्रथम माळयावरील विंग-सी मधील फ्लॅट क्रं-101 ज्‍याचे बिल्‍टअप क्षेत्रफळ 740 चौरसफूट (68.74 चौरसमीटर) एकूण किम्‍मत रुपये-14,80,000/- पैकी तक्रारकर्त्‍याने बुकींगचे वेळी दिलेली आंशिक रक्‍कम रुपये-3,70,000/- वजा जाता उर्वरीत रक्‍कम रुपये-11,10,000/- त्‍याचे कडून स्विकारुन फ्लॅट क्रं-101 चे विहित मुदतीत संपूर्ण बांधकाम करुन त्‍यातील सर्व सोयी व सुविधा उपलब्‍ध करुन देऊन विक्रीपत्र/ कन्‍व्‍हेयन्‍स डिड तक्रारकर्त्‍याचे नावे नोंदवून देण्‍याचे आदेशित व्‍हावे.
(2) विरुध्‍दपक्षाला अलॉटमेंट लेटर मध्‍ये नमुद केल्‍या प्रमाणे फ्लॅट क्रं-101 चे विक्रीपत्र तक्रारकर्त्‍याचे नावे नोंदवून देणे शक्‍य नसल्‍यास तक्रारकर्त्‍याने सदर फ्लॅट पोटी विरुध्‍दपक्षाकडे बुकींगपोटी जमा केलेली आंशिक रक्‍कम रुपये-3,70,000/- प्रत्‍यक्ष्‍य अदायगी पावेतो द.सा.द.शे.18% दराने व्‍याजासह परत करण्‍याचे विरुध्‍दपक्षास आदेशित व्‍हावे.
(3) तक्रारकर्त्‍याला झालेल्‍या मानसिक, शारिरीक त्रासा बद्दल रुपये-50,000/- विरुध्‍दपक्षाने देण्‍याचे आदेशित व्‍हावे.
(4) तसेच तक्रारीचा खर्च विरुध्‍दपक्षा कडून देण्‍याचे आदेशित व्‍हावे.
03. विरुध्‍दपक्षाचे नाव आणि पत्‍त्‍यावर मंचाचे मार्फतीने रजिस्‍टर पोस्‍टाने नोटीस पाठविण्‍यात आली परंतु नोटीस त्‍या पत्‍त्‍यावर विरुध्‍दपक्ष राहत नाही, या पोस्‍टाचे शे-यासह परत आली. शेवटी विरुध्‍दपक्षाचे नावे दैनिक सकाळ दिनांक-18/03/2017 रोजीच्‍या अंकातून जाहिर नोटीस प्रकाशित करण्‍यात आली परंतु ग्राहक मंचाची नोटीस प्रकाशित होऊनही विरुध्‍दपक्ष हा मंचा समक्ष हजर झाला नाही वा त्‍याने आपले लेखी निवेदनही सादर केले नाही म्‍हणून विरुध्‍दपक्षा विरुध्‍द तक्रार एकतर्फी चालविण्‍याचा आदेश प्रकरणात मंचाने दिनांक-19/06/2017 रोजी पारीत केला.
04. तक्रारकर्त्‍याने निशाणी क्रं 3 वरील यादी नुसार दस्‍तऐवजाच्‍या प्रती दाखल केल्‍यात ज्‍यामध्‍ये प्रामुख्‍याने विरुध्‍दपक्ष फर्म तर्फे तक्रारकर्त्‍याचे नावे लिहून दिलेल्‍या फ्लॅट क्रं 101 चे अलॉटमेंटची प्रत, विरुध्‍दपक्ष फर्म तर्फे पेमेंट मिळाल्‍या बद्दल तक्रारकर्त्‍याचे नावे दिलेली पावती प्रत, तक्रारकर्त्‍याने विरुध्‍दपक्षाला पाठविलेल्‍या कायदेशीर नोटीसची प्रत, विरुध्‍दपक्षा तर्फे नोटीस न स्विकारल्‍यामुळे परत आलेले पॉकीट अशा दस्‍तऐवजाच्‍या प्रती दाखल केल्‍यात.
05. तक्रारकर्त्‍या तर्फे अधिवक्‍ता श्री औरंगाबादकर यांचे सहकारी वकीलश्री गावंडे यांचा मौखीक युक्‍तीवाद ऐकण्‍यात आला.
06. तक्रारकर्त्‍याची सत्‍यापना वरील तक्रार तसेच प्रकरणातील उपलब्‍ध फ्लॅट अलॉटमेंटची प्रत, विरुध्‍दपक्ष फर्म तर्फे बुकींग पोटी आंशिक पेमेंट मिळाल्‍या बद्दल पावतीची प्रत, तक्रारकर्त्‍याने विरुध्‍दपक्षास पाठविलेली नोटीस इत्‍यादींचे काळजीपूर्वक अवलोकन करण्‍यात आले असता न्‍यायमंचाचा निष्‍कर्ष खालील प्रमाणे आहे-
::निष्‍कर्ष::
07. मंचा तर्फे येथे विशेषत्‍वाने असे नमुद करण्‍यात येते की, तक्रारकर्त्‍याने तक्रारीत मे. इन्‍फ्राटेक रियल इस्‍टेट लिमिटेड तर्फे तिचे जनरल मॅनेजर (सेल्‍स) यांना प्रतिपक्ष केलेले आहे. तक्रारकर्त्‍याने असे करण्‍याचे कारण म्‍हणजे त्‍याला विरुध्‍दपक्ष फर्म तर्फे त्‍याने बुकींग केलेल्‍या फ्लॅट क्रं-101 चे जे दिनांक-29/01/2011 रोजीचे अलॉटमेंट लेटर विरुध्‍दपक्षा तर्फे देण्‍यात आलेले आहे ते इन्‍फ्राटेक रियल इस्‍टेट प्रायव्‍हेट लिमिटेड तर्फे जनरल मॅनेजर सेल्‍स यांनी दिलेले आहे व त्‍यावर त्‍याची स्‍वाक्षरी आहे. परंतु जनरल मॅनेजर हा विरुध्‍दपक्ष फर्मचा पगारी नौकर आहे आणि त्‍याने विरुध्‍दपक्ष फर्मचे वतीने असे अलॉटमेंट लेटर लिहून दिलेले आहे, त्‍यामुळे जनरल मॅनेजर सेल्‍स यांना या तक्रारीत जबाबदार धरल्‍या जाऊ शकत नाही, त्‍यामुळे अतिरिक्‍त ग्राहक मंचा तर्फे विरुध्‍दपक्ष फर्म इन्‍फ्राटेक रियल इस्‍टेट प्रायव्‍हेट लिमिटेडला जबाबदार धरण्‍यात येते. ( त्‍यामुळे “विरुध्‍दपक्ष” म्‍हणजे मे.इन्‍फ्राटेक रियल इस्‍टेट प्रायव्‍हेट लिमिटेड असे समजण्‍यात यावे)
8. तक्रारकर्त्‍याने विरुध्‍दपक्ष फर्म सोबत विरुध्‍दपक्ष फर्मचे मौजा पिपरी, तहसिल कुही, जिल्‍हा नागपूर खसरा क्रं-31 व 32, पटवारी हलक क्रं-1 येथील भूखंड क्रं-1 ते 7 वर प्रस्‍तावित बांधण्‍यात येणारी योजना आर.पी.फ्लोअर्स मधील प्रथम माळयावरील विंग-सी मधील फ्लॅट क्रं-101 ज्‍याचे बिल्‍टअप क्षेत्रफळ 740 चौरसफूट (68.74 चौरसमीटर), एकूण किम्‍मत रुपये-14,80,000/- एवढया किमतीत विकत घेण्‍याचे ठरविले, त्‍या प्रमाणे तक्रारकर्त्‍याने दिनांक-15/01/2011 रोजी बुकींगपोटी एकूण 25% आंशिक रक्‍कम रुपये-3,70,000/- विरुध्‍दपक्ष फर्म मध्‍ये जमा केली आणि विरुध्‍दपक्ष फर्म तर्फे पावती प्राप्‍त केली. विरुध्‍दपक्षा तर्फे तक्रारकर्त्‍याला फ्लॅट क्रं-101 संबधाने दिनांक-29/01/2011 रोजी अलॉटमेंट लेटर सुध्‍दा देण्‍यात आले. अलॉटमेंट लेटर मध्‍ये उपरोक्‍त नमुद केल्‍या प्रमाणे फ्लॅट क्रं-101 चे वर्णन करण्‍यात येऊन सदर फ्लॅटची एकूण किम्‍मत रुपये-14,80,000/- असल्‍याचे नमुद करण्‍यात आले तसेच तक्रारकर्त्‍या कडून बुकींगपोटी आंशिक रक्‍कम रुपये-3,70,000/- मिळाल्‍याची बाब सुध्‍दा विरुध्‍दपक्षा तर्फे मान्‍य करण्‍यात आली. उर्वरीत रक्‍कम रुपये-11,10,000/- ही कन्‍हेयन्‍स डिड जी उभय पक्षां मध्‍ये नोंदविल्‍या जाईल त्‍यामध्‍ये नमुद केलेल्‍या पेमेंट शेडयुल प्रमाणे देण्‍याचे विरुध्‍दपक्षा तर्फे नमुद करण्‍यात आले. तसेच कर्ज बँक किंवा वित्‍तीय संस्‍थे मधून काढण्‍यासाठी विरुध्‍दपक्षाने नाहरकत असल्‍याचे सुध्‍दा अलॉटमेंट लेटर मध्‍ये नमुद केले.
09. तक्रारकर्त्‍याने आपल्‍या उपरोक्‍त कथनाचे पुराव्‍यार्थ फ्लॅट क्रं-101 चे बुकींगपोटी रुपये-3,70,000/- विरुध्‍दपक्ष फर्म मध्‍ये जमा केल्‍या बाबत विरुध्‍दपक्ष फर्म व्‍दारे निर्गमित दिनांक-15/01/2011 ची पावतीची प्रत दाखल केली तसेच विरुध्‍दपक्षा तर्फे तक्रारकर्त्‍याला फ्लॅट क्रं-101 संबधाने दिनांक-29/01/2011 रोजी दिलेल्‍या अलॉटमेंट लेटरची प्रत सुध्‍दा दाखल केली, त्‍यावरुन त्‍याचे उपरोक्‍त कथनास पुष्‍टी मिळते. यावरुन त्‍याने बुकींग केलेल्‍या फ्लॅटचे सबंधाने आंशिक रक्‍कम रुपये-3,70,000/- विरुध्‍दपक्ष फर्म मध्‍ये भरणा केल्‍याची बाब सिध्‍द होते. तसेच विरुध्‍दपक्ष फर्म तर्फे दिलेल्‍या अलॉटमेंट लेटर मध्‍ये सुध्‍दा उपरोक्‍त नमुद रक्‍कम रुपये-3,70,000/- मिळाल्‍याची बाब मान्‍य करण्‍यात आलेली आहे. विरुध्‍दपक्षा तर्फे तो ईमारत आणि फ्लॅटचे बांधकाम आश्‍वासित सर्व सोयी व सुविधांसह कामे कोणत्‍या निश्‍चीत कालावधी पर्यंत पूर्ण करेल तो कालावधी नमुद करण्‍याचे विरुध्‍दपक्षाने टाळलेले आहे.
10. तक्रारकर्त्‍याचे तक्रारी प्रमाणे विरुध्‍दपक्षा तर्फे फ्लॅटचा ताबा हा लवकरात लवकर देण्‍याचे आश्‍वासन देण्‍यात आले परंतु प्रत्‍यक्षात मोक्‍यावर बांधकामाची कोणतीही प्रगती दिसून आली नाही, जेंव्‍हा की, विरुध्‍दपक्षाने सदर ईमारती मध्‍ये सर्व सोयी सुविधा देण्‍याचे आश्‍वासन दिलेले होते. तक्रारकर्त्‍याने सदर ईमारतीचे बांधकाम केंव्‍हा पूर्णत्‍वास जाईल या बाबत विरुध्‍दपक्षाकडे चौकशी केली असता कोणतेही समाधानकारक उत्‍तर देण्‍यात आले नाही. जेंव्‍हा जेंव्‍हा तक्रारकर्त्‍याने विरुध्‍दपक्षाचे कार्यालयात भेटी देऊन सदनीकेचे बांधकामा बाबत चौकशी केली, तेंव्‍हा तेंव्‍हा कार्यालयातील कार्यरत कर्मचा-यां कडून फक्‍त उडवाउडवीची उत्‍तरे देऊन तक्रारकर्त्‍याला प्रत्‍येक वेळी वाट बघण्‍यास सांगण्‍यात आले. त्‍याने विरुध्‍दपक्षाचे कार्यालयीन पत्‍त्‍यावर वकीलांचे मार्फतीने नोंदणीकृत डाकेने दिनांक-30/09/2016 रोजी नोटीस पाठविली परंतु विरुध्‍दपक्ष सदर पत्‍त्‍यावर राहत नाही या शे-यासह नोटीस परत आली. तक्रारकर्त्‍याने आपल्‍या या म्‍हणण्‍याच्‍या पुराव्‍यार्थ त्‍याने विरुध्‍दपक्षास पाठविलेल्‍या कायदेशीर नोटीसची प्रत, रजिस्‍टर पोस्‍टाची पावती, परत आलेले रजिस्‍टर पोस्‍टाचे पॉकीट अभिलेखावर दाखल केले, त्‍यामुळे त्‍याचे उपरोक्‍त कथनास पुष्‍टी मिळते.
11. अतिरिक्‍त ग्राहक मंचाचे मार्फतीने विरुध्‍दपक्षाचे नाव आणि पत्‍त्‍यावर रजिस्‍टर पोस्‍टाने नोटीस पाठविण्‍यात अली परंतु नोटीस विरुध्‍दपक्ष सदर पत्‍त्‍यावर राहत नाही या पोस्‍टाचे शे-यासह परत आली. शेवटी विरुध्‍दपक्षाचे नावे दैनिक सकाळ दिनांक-18/03/2017 रोजीच्‍या अंकातून जाहिर नोटीस प्रकाशित करण्‍यात आली परंतु ग्राहक मंचाची नोटीस प्रकाशित होऊनही विरुध्‍दपक्ष हा मंचा समक्ष हजर झाला नाही वा त्‍याने आपले लेखी निवेदनही सादर केले नाही म्‍हणून विरुध्‍दपक्षा विरुध्‍द तक्रार एकतर्फी चालविण्‍याचा आदेश प्रकरणात मंचाने दिनांक-19/06/2017 रोजी पारीत केला. अशाप्रकारे विरुध्‍दपक्षाने अतिरिक्‍त ग्राहक मंचा समक्ष उपस्थित न होऊन आपले म्‍हणणे मांडले नाही वा तक्रारकर्त्‍याचे तक्रारीतील विधाने खोडून काढलेली नाहीत.
12. विरुध्‍दपक्षाचे प्रस्‍तावित ईमारती मधील बांधकामास शासना कडून मंजूरी प्राप्‍त झाली नसताना त्‍यामधील फ्लॅट क्रं-101 विक्रीचे आश्‍वासन देऊन तक्रारकर्त्‍या कडून बुकींग पोटी आंशिक रक्‍कम रुपये-3,70,000/- स्विकारुन आणि पुढे तेथे बांधकामात कोणतीही प्रगती न करुन त्‍याची फसवणूक केलेली आहे. अशाप्रकारे विरुध्‍दपक्षाचे दोषपूर्ण सेवेमुळे त्‍याला मानसिक व शारिरीक त्रास सहन करावा लागत आहे.
13. तक्रार मुदतीत दाखल आहे या संदर्भात अतिरिक्‍त ग्राहक मंच पुढील मा.वरिष्‍ट न्‍यायालयाच्‍या निवाडयांवर आपली भिस्‍त ठेवीत आहे-
- Special Leave Petition No.-CC/8481/2012, Decided on-09/05/2012 (S.C.) “Meerut Development Authority -Versus-Mukeshkumar Gupta”
- “Haryana Urban Development Authority-Versus- Tej Refigeration”- IV (2012) CPJ-12 (N.C.)
- “Raju Tank-Versus-Bindraben Bharat kumar
Mavani-2014 (2) CPR 32 (N.C.)
- “NEW GENERATION REAL ESTATE LTD.-
VERSUS- RAMESH CHANDRA KHURANA” -I (2015) CPJ 567 (NC)
LIMITATION-Until or unless sale deed is
executed the cause of action
continues.
(5) “HARPREET SINGH KOHLI & ANR.-VERSUS-
NELU EXTATE & MOVERS PVT.LTD.”
-I (2015) CPJ 573 (NC)
LIMITATION- Continuous cause of action till
possession is given and sale deed
is executed.
(6) “Juliet V. Quadros-Versus-Mrs.Malti
Kumar & Ors.” - 2005(2) CPR-1 (NC).
उपरोक्‍त मा.वरिष्‍ट न्‍यायालयाचे निवाडयां मध्‍ये असे नमुद केले आहे की, जर भूखंडाचा विकास करणारा विकासक करारा प्रमाणे भूखंडाचा कब्‍जा संबधित ग्राहकास ग्राहकास देण्‍यास किंवा त्‍याने जमा केलेली रक्‍कम परत करण्‍यास असमर्थ ठरला तर तक्रार दाखल करण्‍यास सतत कारण (Continuous cause of action) घडत असते. मा. राष्‍ट्रीय ग्राहक आयोगाचे निवाडयात असेही नमुद केले आहे की, जर भूखंडाचा विकास करण्‍यास विकासक/बांधकाम व्‍यवसायिक काही प्रयत्‍न करीत नसेल किंवा त्‍याठिकाणी कुठलेच बांधकाम होत नसेल तर खरेदीदारास मासिक हप्‍ते नियमित भरणे अपेक्षित नाही. त्‍यामुळे असा आक्षेप जर विरुध्‍दपक्ष घेत असेल तर त्‍या आक्षेपाचा कुठलाही विचार करण्‍याची गरज नसते.
14. अतिरिक्‍त ग्राहक मंचा तर्फे विशेषत्‍वाने असे नमुद करण्‍यात येते की, विरुध्‍दपक्ष मे.इन्‍फ्राटेक रियल इस्‍टेट प्रा.लि. तर्फे- मॅनेजींग डॉयरेक्‍टर, विजय शेळके याचा नागपूर शहरात भूखंड आणि सदनीका विक्री संबधीचा व्‍यवसाय असून या फर्म विरुध्‍द यापूर्वी सुध्‍दा याच अतिरिक्‍त ग्राहक मंचात खालील तक्रारी दाखल झालेल्‍या होत्‍या आणि त्‍या सर्व तक्रारीं मध्‍ये निकाल पारीत झालेले असून त्‍या अंशतः मंजूर सुध्‍दा झालेल्‍या आहेत, त्‍या तक्रारी पुढील प्रमाणे आहेत- ग्राहक तक्रार क्रं-CC/16/94 तक्रारकर्ता श्री सुभाष भगवानदास कोठे, तसेच ग्राहक तक्रार क्रं-CC/16/166 तक्रारकर्ती श्रीमती शिला संतोष नाहटा, दोन्‍ही तक्रारीत निकाल पारीत दिनांक-30 जुन, 2017 आहे. तसेच ग्राहक तक्रार क्रं-CC/15/156 तक्रारकर्ती श्रीमती वनिता लिचडे निकाल पारीत दिनांक-27/04/2017, ग्राहक तक्रार क्रं-CC/16/220 तक्रारकर्ता पत्रुजी धनीराम खोब्रागडे तसेच ग्राहक तक्रार क्रमांक-CC/16/273 तक्रारकर्ता श्री मुरलीधर देवाजी देवगडे, दोन्‍ही तक्रारीं मध्‍ये निकाल पारीत दिनांक-16/03/2017 या सर्व तक्रारीं वरुन विरुध्‍दपक्षाची कामकाजाची पध्‍दती कशी आहे हे दिसून येते. विरुध्‍दपक्षाचा उद्देश्‍य हा फक्‍त संबधित ग्राहकांना आमीष दाखवून पैसे जमा करणे व त्‍यानंतर भूखंड अथवा सदनीके संदर्भात कोणतीही कार्यवाही न करता पैसे हडपण्‍याचा दिसून येतो.
15. उपरोक्‍त नमुद परिस्थितीत तक्रारकर्ता हा विरुध्‍दपक्ष फर्म तर्फे दिनांक-29/01/2011 रोजीचे करुन दिलेल्‍या अलॉटमेंट लेटर प्रमाणे विरुध्‍दपक्ष फर्मचे मौजा पिपरी, तहसिल कुही, जिल्‍हा नागपूर खसरा क्रं-31 व 32, पटवारी हलक क्रं-1 येथील भूखंड क्रं-1 ते 7 वर प्रस्‍तावित बांधण्‍यात येणारी योजना आर.पी.फ्लोअर्स मधील प्रथम माळयावरील विंग-सी मधील फ्लॅट क्रं-101 ज्‍याचे बिल्‍टअप क्षेत्रफळ 740 चौरसफूट (68.74 चौरसमीटर), एकूण किम्‍मत रुपये-14,80,000/- पैकी तक्रारकर्त्‍याने दिलेली आंशिक रक्‍कम रुपये-3,70,000/- वजा जाता उर्वरीत रक्‍कम रुपये-11,10,000/- देऊन सदर फ्लॅटचे विक्रीपत्र विरुध्‍दपक्षा कडून नोंदवून मिळण्‍यास पात्र आहे. परंतु काही कायदेशीर व तांत्रिक कारणामुळेच जर भविष्‍यात विरुध्‍दपक्षास सदर फ्लॅटचे नोंदणीकृत विक्रीपत्र नोंदवून देणे शक्‍य नसल्‍यास त्‍याने फ्लॅट पोटी जमा केलेली एकूण आंशिक रक्‍कम रुपये-3,70,000/- रक्‍कम जमा केल्‍याचा दिनांक-15/01/2011 पासून ते रकमेच्‍या प्रत्‍यक्ष्‍य अदायगी पावेतो द.सा.द.शे.18% दराने व्‍याजासह परत मिळण्‍यास पात्र आहे तसेच शारिरीक व मानसिक त्रासा बद्दल रुपये-10,000/- व तक्रारीचे खर्चा बद्दल रुपये-5000/- विरुध्‍दपक्षा कडून परत मिळण्‍यास पात्र आहे असे मंचाचे मत आहे.
16. उपरोक्‍त नमुद सर्व वस्‍तुस्थितीचा विचार करुन ग्राहक मंच प्रस्‍तुत तक्रारी मध्‍ये खालील प्रमाणे आदेश पारीत करीत आहे-
::आदेश::
1) तक्रारकर्ता श्री अविनाश गोविंद सुकळीकर यांची, विरुध्‍दपक्ष मे.इन्‍फ्राटेक रियल इस्‍टेट प्रायव्‍हेट लिमिटेड याचे विरुध्‍दची तक्रार अंशतः मंजूर करण्‍यात येते.
2) “विरुध्‍दपक्षाला” आदेशित करण्‍यात येते की, दिनांक-29/01/2011 रोजीचे विरुध्‍दपक्ष इन्‍फ्राटेक रियल इस्‍टेट प्रायव्‍हेट लिमिटेड फर्म तर्फे तक्रारकर्त्‍याचे नावे दिलेल्‍या अलॉटमेंट लेटर प्रमाणे विरुध्‍दपक्ष फर्मचे मौजा पिपरी, तहसिल कुही, जिल्‍हा नागपूर खसरा क्रं-31 व 32, पटवारी हलक क्रं-1 येथील भूखंड क्रं-1 ते 7 वर प्रस्‍तावित बांधण्‍यात येणारी योजना आर.पी.फ्लोअर्स मधील प्रथम माळयावरील विंग-सी मधील फ्लॅट क्रं-101 ज्‍याचे बिल्‍टअप क्षेत्रफळ 740 चौरसफूट (68.74 चौरसमीटर), एकूण किम्‍मत रुपये-14,80,000/- पैकी तक्रारकर्त्‍याने दिलेली आंशिक रक्‍कम रुपये-3,70,000/- वजा जाता उर्वरीत रक्‍कम रुपये-11,10,000/- (अक्षरी रुपये अकरा लक्ष दहा हजार फक्‍त) तक्रारकर्त्‍या कडून स्विकारुन सदर फ्लॅटचे माहितीपत्रकात नमुद केल्‍या नुसार संपूर्ण बांधकाम त्‍यातील सोयी व सुविधांसह करुन देऊन नोंदणीकृत विक्रीपत्र तक्रारकर्त्‍याचे नावे नोंदवून द्दावे तसेच प्रत्‍यक्ष्‍य मोक्‍यावर मोजमाप करुन देऊन लेखी ताबापत्र व योजने संबधीचे सर्व दस्‍तऐवज तक्रारकर्त्‍याला पुरवावेत. विक्रीपत्र नोंदणीचा खर्च म्‍हणून नोंदणी फी व मुद्रांक शुल्‍काचा खर्च तक्रारकर्त्‍याने स्‍वतः सहन करावा.
3) परंतु काही कायदेशीर व तांत्रिक कारणामुळेच जर भविष्‍यात विरुध्‍दपक्षास सदर विंग सी मधील फ्लॅटक्रं-101 नोंदणीकृत विक्रीपत्र तक्रारकर्त्‍याचे नावे नोंदवून देणे शक्‍य नसल्‍यास त्‍या परिस्थितीत तक्रारकर्त्‍याने फ्लॅटचे बुकींग पोटी जमा केलेली एकूण आंशिक रक्‍कम रुपये-3,70,000/-(अक्षरी रुपये तीन लक्ष सत्‍तर हजार फक्‍त) रक्‍कम फर्म मध्‍ये जमा केल्‍याचा दिनांक-15/01/2011 पासून ते रकमेच्‍या प्रत्‍यक्ष्‍य अदायगी पावेतो द.सा.द.शे.18% दराने व्‍याजासह येणारी रक्‍कम तक्रारकर्त्‍याला विरुध्‍दपक्षाने परत करावी.
4) तक्रारकर्त्‍याला झालेल्‍या शारिरीक व मानसिक त्रासा बद्दल रुपये-10,000/- (अक्षरी रुपये दहा हजार फक्‍त) व तक्रारीचे खर्चा बद्दल रुपये-5000/- (अक्षरी रुपये पाच हजार फक्‍त) विरुध्‍दपक्षाने तक्रारकर्त्‍याला द्दावेत.
5) सदर आदेशाचे अनुपालन विरुध्‍दपक्षाने निकालपत्राची प्रमाणित प्रत मिळाल्‍या पासून 30 दिवसांचे आत करावे.
6) निकालपत्राच्‍या प्रमाणित प्रती उभय पक्षकारांना निःशुल्‍क उपलब्‍ध करुन देण्‍यात याव्‍यात.
