आदेश- नि. 1 वर

( दि.05/06/2018)

द्वारा : मा. श्री. व्‍ही. ए. जाधव, अध्‍यक्ष.

            1)     यातील तक्रारदार यांनी सामनेवाला यांचेविरुध्‍द बांधकामाच्‍या त्रुटीसंदर्भात व नुकसान भरपाई मिळणेसाठी मुळ तक्रार अर्ज क्र. 99/2004 दाखल केली होती. सदर तक्रार अर्जाचे कामी दि.16-12-2005 रोजी अंतिम आदेश करणेत आला. सदर आदेशाची पुर्तता न झाल्‍याने अर्जदार संस्‍थेने कलम 27 अन्‍वये वसुली प्रकरण क्र. 15/2006 दाखल केले. परंतु सदर अर्ज दि. 03-02-2015 रोजी निकाली करणेत आले. त्‍यानंतर अर्जदार संस्‍थेने पुन्‍हा वसुली प्रकरण क्र.09/2015 सामनेवाला यांनी मंचाचे आदेशाची पुर्तता न केलेने तक्रारदारांनी प्रस्‍तुतचा अर्ज मंचामध्‍ये दाखल केला.  

      2)    प्रस्‍तुत प्रकरणात उभय पक्षकारांमध्‍ये तडजोड झाली असून दि. 28-06-2017 रोजी उभय पक्षकारांनी दाखल केलेल्‍या तडजोड पुरसीसीनुसार मुळ तक्रार अर्ज क्र. 99/2004 मधील दि. 16-12-2015 रोजीचे अंतिम आदेशानुसार होणारी रक्‍कम रु. 10,16,621/- (अक्षरी रुपये दहा लाख सोळा हजार सहाशे एकवीस फक्‍त) या रक्‍कमेचे 70 टक्‍के रक्‍कम रु. 7,11,635/-(अक्षरी रुपये सात लाख अकरा हजार सहाशे पस्‍तीस फक्‍त) ही रक्‍कम तक्रारदार संस्‍थेने सामनेवाला यांचेकडून (Full and Final Settlement) पूर्ण व अंतिम तडजोड म्‍हणून स्विकारणेचे मान्‍य केले आहे असे पुरसीसीत नमूद केले आहे. सामनेवाला यांनी पुरसीस अ.क्र. 3 मध्‍ये नमूद केलेप्रमाणे तक्रारदार संस्‍थेस रक्‍कम अदा केली असून अर्जदार संस्‍थेला सामनेवाला यांचेकडून कोणतीही रक्‍कम येणेबाकी नाही.      

      3)  तक्रारदार यांनी दि. 28-06-2017 रोजी नि. 43 वर तडजोड पुरसीस दाखल करुन पुरसीसीमध्‍ये नमूद केलेप्रमाणे उभय पक्षकारांमध्‍ये तडजोड झाली असलेने प्रस्‍तुत अर्ज निकाली करणेत यावा अशी विनंती केली. सबब, तक्रारदाराचे तडजोड पुरसीसीस अनुसरुन मंच खालील आदेश पारीत करीत आहे. सबब, आदेश खालीलप्रमाणे.

                                                                                - आदेश -

      1) दरखास्‍त अर्ज निकाली करणेत येतो.
      2) उभय पक्षकारांची दि. 28-06-2017 रोजीची तडजोड पुरसीस ही या आदेशाचा एक भाग समजणेत यावा.

      4) उभय पक्षकांराना सदरच्‍या आदेशाच्‍या प्रती विनामुल्‍य देण्‍यात याव्‍यात.