द्वारा -  श्रीमती. स्‍नेहा म्‍हात्रे, अध्‍यक्षा

        तक्रारदारातर्फे वकील श्रीमती. दिक्षा पूजारी हजर. तक्रारदार गैरहजर. सदर प्रकरणामध्‍ये भौगोलिक कार्यक्षेत्राच्‍या कारणास्‍तव प्रस्‍तूत तक्रार तक्रारदारांना प्रस्‍तूत आयोगातून मागे घेऊन प्रस्‍तूत तक्रार दाखल करणेकामी योग्‍य भौगोलिक कार्यक्षेत्र असलेल्‍या आयोगात दाखल करण्‍याची परवानगी मिळणेकामी तक्रारदाराच्‍या वकीलांनी आजरोजी तक्रारदाराची डिजिटल स्‍वाक्षरी असलेला अर्ज दाखल केला, त्‍यावर तक्रारदाराचे वकीलांची मूळ स्‍वाक्षरी दिसून येते. तक्रारदाराचे वकीलांनी सदर अर्जावर असलेली तक्रारदाराची डिजिटल स्‍वाक्षरी खरी व बरोबर असल्‍याचे लेखी नमूद केले व तक्रारदाराच्‍या सुचनेनुसार प्रस्‍तूत तक्रार योग्‍य त्‍या आयोगात दाखल करणेकामी मागे घेत असल्‍याचे निवेदन केले. तक्रारीच्‍या शिर्षकामध्‍ये तक्रारदाराचा पत्‍ता कल्‍याण येथील असल्‍याचे दिसून येते. सबब, तक्रारदाराच्‍या तसेच तक्रारदाराचे वकीलांचे विनंतीवरुन प्रस्‍तूत तक्रार प्रस्‍तूत आयोगातून मागे घेऊन योग्‍य त्‍या आयोगात दाखल करण्‍याची तक्रारदारांना मुभा देऊन प्रस्‍तूत तक्रार दाखल टप्‍प्‍यावर निकाली काढण्‍यात येते. प्रकरण निकाली. खर्चाबाबत आदेश नाहीत.