- अंतिम आदेश - आदेश पारीत तारखेपासून 45 दिवसांचे आत सामनेवाले यांनी खालील आदेशाचे पालन करावे. अ) तक्रारदार हिला ओरिएंट आर्केड, प्लॉट नं. 10, सेक्टर 11, या इमारतीतील सदनिका क्र. 302 3-या मजल्यावरील बिल्टअप क्षेत्रफळ 905 चौ.फूट या सदनिकेबाबतचे योग्य ते खरेदीखत करुन देण्यासंबंधातील करारपत्र स्वखर्चाने 8 दिवसांची पूर्वसूचना देऊन करुन द्यावे. ब) या इमारतीबाबतचा योग्य तो पूर्णत्वाचा दाखला व वापरासंदर्भातील दाखला सक्षम प्राधिका-याकडून घेऊन एकूण ठरलेल्या रकमेपैकी म्हणजे रु. 6,78,750/- (रु. सहा लाख अठठयाहत्तर हजार सातशे पन्नास मात्र ) मधून रु. 2,41,000/- (रु. दोन लाख एक्केचाळीस हजार मात्र) वजा जाता उर्वरित रक्कम रु. 4,37,750/- (रु. चार लाख सदतीस हजार सातशे पन्नस मात्र ) घेऊन जागेचा ताबाही द्यावा, तसेच यासंदर्भातील नोंदणीकृत खरेदीखतही करुन द्यावे. याप्रमाणे कलम अ व ब मधील आदेशाचे पालन सामनेवाले यांनी न केल्यास आदेश पारीत तारखेपासून ते ताबा मिळेपर्यंत प्रतिदिन रु. 100/- (रु. शंभर मात्र) अतिरिक्त नुकसान भरपाई वसूल करण्यास पात्र राहतील. क) सामनेवालेंनी तक्रारदार हिला शारिरिक व मानसिक त्रासापोटी रु. 15,000/- (रु.पंधरा हजार मात्र) व तक्रार अर्जाचे खर्चापोटी रु. 5,000/- (रु. पाच हजार मात्र) अशी एकूण रक्कम रु. 20,000/- (रु. वीस हजार मात्र) द्यावेत. ड) याप्रमाणे रक्कम न दिल्यास ती रक्कम तक्रारदार हिला 6 टक्के व्याजदराने सामनेवालेकडून वसूल करण्याचा अधिकार राहील. इ) उभयपक्षांना आदेशाच्या सत्यप्रती पाठविण्यात याव्यात. ठिकाण - रायगड - अलिबाग. दिनांक- 30/11/07. (आर.डी.म्हेत्रस) ( ज्योती अभय मांधळे) अध्यक्ष सदस्या रायगड जिल्हा ग्राहक तक्रार निवारण मंच, अलिबाग.
......................Hon'ble Shri R.D.Mhetras
......................Post vacant
......................Shri B.M.Kanitkar | | 
