अर्जदार त्‍यांचे वकिल श्री. धनवडे सह हजर.

आरोपी क्र. 2 व 3 यांना कामोठे पोलीसांनी वॉरंटात पकडून आणले. त्‍यांचा वैयक्तिक जामीन रक्‍कम रुपये 15,000/- चा जप्‍त केला आहे. परंतु त्‍याकामी दिलेल्‍या वसूली वॉरंटची बजावणी कामोठे पोलीसांनी केलेली नाही. म्‍हणून उभय आरोपींना जामीन जप्‍तीची प्रत्‍येकी रक्‍कम रुपये 15,000/- भरण्‍याचा आदेश दिला व ती रक्‍कम त्‍यांनी भरली. अर्जदारातर्फे विद्यमान अध्‍यक्ष जगन्‍नाथ मारुती साबळे यांनी आरोपींची व त्‍यांची आपसात तडजोड झाल्‍याने सिडकोकडून नोंदणीकृत भाडेपट्टा करणेकामी रक्‍कम रुपये 2,40,000/- आरोपीने अर्जदार गृहनिर्माण संस्‍थेकडे जमा केली असल्‍याने, त्‍याबाबतची पूर्तता ते करणार असल्‍याने, दरखास्‍त अर्ज मागे घेण्‍याची परवानगी मागितली. वरील कारणास्‍तव मागणी मान्‍य करण्‍यात आली. सबब दरखास्‍त निकाली काढण्‍यात आली. आरोपीचा जामीन कदबा रद्द करण्‍यात आला. दरखास्‍तीचे कागदपत्र अभिलेख कक्षात पाठविण्‍यात यावेत.