Complaint Case No. RBT/CC/668/2018 |
| | 1. ANIL TULSIRAM NAGRALE, FOR HIMSELF AND HIS MINOR DAUGHTER SHREYA ANIL NAGRALE | PLOT NO 120, MANOHAR VIHAR, HAZARIPAHAD, NAGPUR | NAGPUR | MAHARASHTRA |
| ...........Complainant(s) | |
Versus | 1. MR MANGESH POTE | FLAT NO 301, SHIVANI APARTMENT , PRITHVIRAJ NAGAR,NEAR V.T. CONVENT, BELTARODI ROAD, NAGPUR | NAGPUR | MAHARASHTRA | 2. SHRI KRISHNA RAO AKULA | MAROTI GRANDEUR APARTMENT GROUND FLOOR, NEAR MODEL HOUSE PANJAGUTTA HYDERABAD 500082 | ANDHRA PRADESH | 3. TARGET PMT PVT LTD THROUGH ITS DIRECTOR SHRI PRAKASH MADHAV BEDEKAR AND SEEMA AJAY | A-1/169, MAIN NAJAFGARH ROAD, JANAKPURI, NEW DELHI 58 | DELHI | DELHI |
| ............Opp.Party(s) |
|
|
Final Order / Judgement | आदेश मा. सदस्य, श्री. सुभाष रा. आजने यांच्या आदेशान्वये – - तक्रारकर्त्याने प्रस्तुत तक्रार ग्राहक संरक्षण कायद्याच्या कलम 35 अंतर्गत दाखल केली असून त्यात नमूद केले की, विरुध्द पक्ष 1 व 2 हे विरुध्द पक्ष 3 च्या नियंत्रणाखाली काम करतात. विरुध्द पक्ष 3 चे DD Target PMT Pvt Ltd. या नावाने रजिस्ट्रेशन झाले असून त्यांची जयपूर, जम्मू, रोहतक आणि नागपूर येथे शाखा आहे. विरुध्द पक्ष यांनी दि. 29.12.2013 ला बी.आर.ए.मुंडले प्लॅटिनम हॉल येथे आयोजित सेमिनार मध्ये दिलेल्या जाहिरातीनुसार तक्रारकर्त्याने त्याची मुलगी श्रेया अनिल नगराळे हिची विरुध्द पक्षाचे IPTY 2014-2016 या दोन वर्षाच्या Integrated Program Course Code IPTY 2014-2016 च्या अभ्यासक्रमाकरिता प्रवेश घेण्याचे ठरविले व त्याकरिता रुपये 1,12,000/- अदा करावयाचे होते. त्यापैकी 50 टक्के रक्कम प्रवेश घेते वेळी आणि उर्वरित रक्कम समान हप्त्यात 6 महिन्याच्या आत अदा करावयाची होती.
- विरुध्द पक्षाने दिलेल्या आश्वासनावर विश्वास ठेवून तक्रारकर्त्याने त्याच्या मुलीची विरुध्द पक्षाच्या शिकवणी वर्गात प्रवेश करण्याचे निश्चित केले व त्याकरिता तक्रारकर्त्याला विरुध्द पक्षाकडे रजिस्ट्रेशन फी पोटी रुपये 44,800/- अदा करावयाचे होते व उर्वरित रक्कम रुपये 67,200/- एकूण 6 समान हप्त्यात प्रत्येक महिन्याच्या 05 तारखेला रुपये 11,200/- प्रमाणे अदा करावयाची होती. त्यानुसार तक्रारकर्त्याने विरुध्द पक्षाकडे दि.05.06.2014 ला रुपये 10,000/- रजिस्ट्रेशन फी पोटी अदा केले व त्यानंतर दि. 26.06.2014 ते दि. 08.11.2014 पर्यंत रुपये 55,000/- अदा केले होते. अशाप्रकारे एकूण रक्कम रुपये 65,000/- अदा केले आहे. त्याप्रमाणे विरुध्द पक्ष 3 यांनी तक्रारकर्त्याच्या मुलीला स्टडी मटेरियल पुरविले.
- तक्रारकर्त्याने पुढे नमूद केले की, त्यानंतर विरुध्द पक्ष यांचे टयूशन क्लासेस 6 महिने पर्यंत व्यवस्थितीत सुरु होते. सदर कालावधीत विरुध्द पक्षाने शिकविणा-या प्राध्याकांमध्ये बदल सुध्दा केले. त्यानंतर शिकवणी वर्गात अनियमितता सुरु झाली. माहे फेब्रुवारी 2015 मध्ये कधी कधी शिकवणी वर्गात शिकविल्या जात नव्हते तर कधी कधी शिकवणी वर्ग ज्या ठिकाणी घेतल्या जात होते त्या ठिकाणी कुलूप लागले आढळले व तिथे कोणताही जबाबदार व्यक्ती सांगण्याकरिता उपलब्ध नव्हता. तसेच सदरचे शिकवणी वर्ग का बंद करण्यात आले आणि ते केव्हा सुरु होणार याबाबत पालकांना माहिती देण्यात करिता कोणताही जबाबदार व्यक्ती त्या ठिकाणी उपस्थितीत नव्हता. त्यामुळे तक्रारकर्त्याने विरुध्द पक्ष 1 व 2 यांना दूरध्वनी वरुन संपर्क साधण्याचा प्रयत्न केला असता तो बंद आढळला. त्यामुळे तक्रारकर्त्याने विरुध्द पक्ष 3 यांच्याशी संपर्क साधला असता सुरुवातीला त्यांनी तक्रारकर्त्याचे म्हणणे ऐकले व त्यानंतर टाळाटाळीचे उत्तर दिले.
- विरुध्द पक्षाने तक्रारकर्त्याकडून त्याच्या मुलीच्या टयूशन पोटी 6 महिन्यात कबुलीप्रमाणे फी स्वीकारली व त्यानंतर मोनटरी लॉस होण्याच्या उद्देशने टयूशन क्लास बंद केले. 11 व 12 वीच्या परीक्षेनंतर वैद्यकीय प्रवाशाकरिता विद्यार्थ्यांमध्ये प्रचंड स्पर्धा असते. विरुध्द पक्षाने नियोजित शिकवणी वर्ग बंद केल्यामुळे शहरातील इतर शिकवण वर्ग सुरु झालेले असल्याने त्यामध्ये जागा उपलब्ध नसल्याने तक्रारकर्त्याच्या मुलीला इतर शिकवणी वर्गात प्रवेश मिळणे अशक्य होते, त्यामुळे तक्रारकर्त्याच्या मुलीचे अतोनात नुकसान झाल्यामुळे तक्रारकर्त्याने प्रस्तुत तक्रार आयोगा समक्ष दाखल करुन मागणी केली की, विरुध्द पक्ष यांनी वैयक्तिक अथवा संयुक्तरित्या तक्रारकर्त्याला रुपये 65,000/- द.सा.द.शे.15 टक्के दराने व्याजासह देण्याचा आदेश द्यावा. तसेच शारीरिक, मानसिक त्रासाकरिता नुकसान भरपाई व तक्रारीचा खर्च देण्याचा आदेश द्यावा.
- विरुध्द पक्ष 2 व 3 यांनी राज्य ग्राहक तक्रार निवारण आयोग, नागपूर यांचे First Appeal No. A/16/113 या प्रकरणातील दि. 01.10.2018 चे आदेशानुसार तक्रारकर्त्याला कॉस्ट रुपये 10,000/- अदा केल्याची बाबतची पुरसीस अभिलेखावर दाखल न केल्यामुळे व आयोगा समक्ष विहित मुदतीत हजर न झाल्यामुळे विरुध्द पक्ष 2 व 3 यांच्या विरुध्द प्रकरण एकतर्फी चालविण्याचा आदेश दि. 16.03.2023 ला पारित करण्यात आला.
- विरुध्द पक्ष 1 यांना आयोगा मार्फत पाठविलेली नोटीस प्राप्त झाल्यावर दि. 05.02.2019 ला आयोगा समक्ष हजर झाले, परंतु त्यांनी मा. राज्य ग्राहक आयोग नागपूर यांचे First Appeal No. A/16/113 या प्रकरणातील दि. 01.10.2018 च्या आदेशानुसार तक्रारकर्त्याला कॉस्टची रक्कम रुपये 10,000/- अदा केली नाही व आपला लेखी जबाब दाखल न केल्यामुळे त्यांच्या विरुध्द विना लेखी जबाब प्रकरण पुढे चालविण्याचा आदेश दि. 02.03.2023 ला पारित करण्यात आला.
- विरुध्द पक्ष क्रं. 1 हे दि. 05.12.2019 पासून आयोगा समक्ष हजर न झाल्यामुळे त्यांच्या विना लेखी युक्तिवाद प्रकरण पुढे चालविण्याचा आदेश दि. 16.03.2023 रोजी पारित करण्यात आला.
- तक्रारकर्त्याने दाखल केलेले दस्तावेजाचे अवलोकन केले असता व त्यांचा तोंडी युक्तिवाद ऐकून घेतल्यावर निकाली कामी खालील मुद्दे विचारार्थ घेतले.
- तक्रारकर्ता विरुध्द पक्षाचा ग्राहक आहे काय ? होय
- विरुध्द पक्ष 1 ते 3 ने तक्रारकर्त्याला दोषपूर्ण सेवा दिली काय? होय
- काय आदेश ? अंतिम आदेशानुसार
निष्कर्ष - मुद्दा क्रमांक 1 ते 3 बाबत –. तक्रारकर्त्याने त्याची मुलगी श्रेया अनिल नगराळे हिची विरुध्द पक्षाचे IPTY 2014-2016 या दोन वर्षाच्या Integrated Program Course Code IPTY 2014-2016 च्या अभ्यासक्रमाकरिता दि. 05.06.2014 ते दि. 08.11.2014 पर्यंत रुपये 65,000/- इतकी रक्कम अदा केलेली आहे हे नि.क्रं. 2 वर दाखल दस्तावेजावरुन दिसून येते. यावरुन तक्रारकर्ता विरुध्द पक्षाचा ग्राहक असल्याचे सिध्द होते. तक्रारकर्त्याने विरुध्द पक्षाकडे IPTY 2014-2016 या शैक्षणिक अभ्यासक्रमांकरिता रुपये 1,12,000/- अदा करावयाचे होते त्यापैकी तक्रारकर्त्याने विरुध्द पक्षाकडे माहे ऑगस्ट पर्यंत रुपये 65,000/- अदा केली असल्याचे दाखल पावत्यांवरुन दिसून येते. तसेच विरुध्द पक्षाचे शिकवण वर्ग माहे फेब्रुवारी 2015 पासून बंद झाले. त्यामुळे तक्रारकर्ता विरुध्द पक्षाकडून (65000–28,000) रुपये 37,000/- टयूशन फी पोटी असलेली रक्कम परत मिळण्यास पात्र आहे असे आयोगाचे मत आहे.
- विरुध्द पक्षाने तक्रारकर्त्याच्या मुलीचे शिक्षण मध्यतंरी सत्रात बंद केल्याने तिचे कधीही भरुन न येणारे शैक्षणिक नुकसान झाले आहे. त्यामुळे तक्रारकर्ता विरुध्द पक्षाकडून शारीरिक, मानसिक त्रासाकरिता नुकसान भरपाई व आर्थिक नुकसान मिळण्यास पात्र आहे असे आयोगाचे स्पष्ट मत आहे.
सबब खालील प्रमाणे अंतिम आदेश पारित. अंतिम आदेश - तक्रारकर्त्याची तक्रार अंशतः मंजूर.
- विरुध्द पक्ष 1 ते 3 यांनी वैयक्तिक अथवा संयुक्तरित्या तक्रारकर्त्याला टयुशन फी पोटी स्वीकारलेली रक्कम रुपये 37,000/- परत करावी व सदर रक्कमेवर तक्रार दाखल दि. 19.06.2015 पासून ते प्रत्यक्ष रक्कम अदायगीपर्यंत द.सा.द.शे. 7% दराने व्याजासह रक्कम तक्रारकर्त्याला द्यावी.
- विरुध्द पक्ष 1 ते 3 यांनी वैयक्तिक अथवा संयुक्तरित्या तक्रारकर्त्याला झालेल्या शारीरिक, मानसिक त्रासाकरिता रुपये 20,000/- व तक्रारीचा खर्च म्हणून रुपये 10,000/- द्यावे.
- उभय पक्षांना आदेशाची प्रथम प्रत निःशुल्क द्यावी.
- तक्रारकर्त्याला तक्रारीची ब व क फाईल परत करावी.
| |