तक्रारदार स्‍वतः हजर.

आदेशः-,एम.वाय.मानकर अध्‍यक्ष द्वारा,

तक्रारदार यांना दाखल सुनावणीकामी ऐकण्‍यात आले. तक्रार व त्‍यासोबत दाखल करण्‍यात आलेली कागदपत्रे पाहण्‍यात आली. तक्रारदार यांच्‍या मालकीचे मोटर वाहन त्‍यांनी चालविण्‍यासाठी सा.वाले यांना दिले. परंतू सा.वाले यांनी त्‍याचा गैरउपयोग व गैरफायदा घेतला. सा.वाले यांनी एक करारपत्र तयार केले. तक्रारदारानूसार त्‍या करारपत्रावर त्‍यांची सही नाही. त्‍याबाबत तक्रारदारानी पोलीसांकडे तक्रार केलेली आहे. तक्रारीच्‍या बाबी विचारात घेता हे प्रकरण या मंचात चालविणे योग्‍य होणार नाही. त्‍यांना करार बनावट असल्‍याबाबत व तो सिध्‍द करण्‍याकामी भरपूर पुरावा देणे आवश्‍यक ठरते. तसेच, साक्षदार यांची तपासणी व उलट तपासणीची गरज असते. हस्‍ताक्षर तज्ञ यांचा अहवाल याबाबतीत फार महत्‍वाचा ठरतो. तक्रारदार हे आपल्‍या हक्‍काकरीता मा. दिवाणी न्‍यायालयामध्‍ये दाद मागु शकतात. सबब खालील आदेश.

                     आदेश.

1. तक्रार क्र 52/2017 ती ग्रा.सं.कायदा कलम 12 (3) प्रमाणे फेटाळण्‍यात येते.
2. तक्रारदार हे आपल्‍या अधिकाराकरीता मा. दिवाणी न्‍यायालयामध्‍ये दावा करू शकतात.
3. खर्चा बाबत आदेश नाही.
4. हाच अंतिम आदेश समजण्‍यात यावा.
5. या आदेशाच्‍या प्रती उभय पक्षकारांना निःशुल्‍क टपालाने पाठविण्‍यात याव्‍यात.
6. अतिरीक्‍त संच तक्रारदार यांना परत करण्‍यात यावे.

    npk/-