दिनांक 18/12/2010 रोजी सदरील तक्रार मंचास प्राप्‍त झाली. त्‍यानंतर मंचाने दिनांक 23/12/2010 रोजी सदरील तक्रार दाखल करुन घेण्‍यासाठी मंचासमोर ठेवली. सदरील दिवशी तक्रारदार गैरहजर म्‍हणून तक्रार दिनांक 27/12/2010 रोजी ठेवण्‍यात आली.  तक्रारदाराच्‍या तक्रारीमध्‍ये मंचास असे दिसून आले की, "तक्रारीमध्‍ये आणि शपथपत्रात अनेक ठिकाणी रिकाम्‍या जागा सोडलेल्‍या आहेत, नांव, गांव,तारीख नमूद केले नाही, योग्‍य त्‍या ठिकाणी माहिती भरुन तक्रारदारानी शपथपत्र दाखल केले नाही " त्‍याकरीता तक्रारदारास पुढील तारीख दिनांक 3/1/2010 देण्‍यात आली. तक्रारदार आज रोजीही गैरहजर.  तक्रारदाराने तक्रारीमध्‍ये रिकाम्‍या जागा सोडलेल्‍या आहेत तसेच सही केलेली नसल्‍यामुळे व तक्रारदार सतत गैरहजर असल्‍यामुळे तक्रारदाराची तक्रार नामंजूर करण्‍यात येऊन बंद करण्‍यात येत आहे.