विरुध्द पक्षाने तक्रारकर्त्याप्रती अनुचित व्यापार
प्रथेचा अवलंब केला आहे काय ? नाही.
3. अंतिम आदेश काय ? अंतिम आदेशा प्रमाणे.
5. मुद्दा क्र.1 बाबतः- तक्रारकर्त्याने विरुध्द पक्ष क्र.1 कंपनी निर्मीत झालेला मोबाईल विरुध्द पक्ष क्र.2 यांचे दुकानातून विकत घेतला ही बाब तक्रारकर्त्याने तक्रारीसोबत निशाणी क्र.2 वर दस्त क्र.4 वरील देयकावरुन सिध्द होते. सदर वादातील मोबाईलमध्ये बिघाड असल्यामुळे विरुध्द पक्ष क्र.3 यांचेकडे दुरुस्तीकरीता दिला होता ही बाब तक्रारकर्त्यातर्फे दाखल निशाणी क्र.2 वरील दस्त क्र.5 जॉबशिट दि.18.09.2015 वरुन सिध्द होते. म्हणून तक्रारकर्ता हा विरुध्द पक्षांचा ग्राहक आहे हे सिध्द होत असल्यामुळे तक्रारकर्ता हा विरुध्द पक्षांचा ‘ग्राहक’ आहे हे सिध्द होते. सबब मुद्दा क्र. 1 चे उत्तर होकारार्थी नोंदविले आहे.
6. मुद्दा क्र.2 बाबतः- विरुध्द पक्षांना नोटीस काढून सुध्दा ते मंचासमक्ष हजर झाले नाही. तक्रारकर्त्याने विरुध्द पक्षांना मोबाईल दुरुस्त करुन देण्याबाबत नोटीस दिला होता. तसेच तक्रारकर्त्याचे मोबाईलमध्ये वारंवार तांत्रिक बिघाड होत असतांना सुध्दा विरुध्द पक्षांनी त्याबाबत कोणतीही दखल घेतली नाही. तसेच तक्रारकर्त्याने तक्रारीत विरुध्द पक्षाविरुध्द मागणी केलेले कथन त्याने दाखल केलेल्या सत्यापनावरुन सिध्द होत आहे. म्हणून विरुध्द पक्षांनी तक्रारकर्त्यास सेवेत त्रुटी व अनुचित व्यापार प्रथेचा अवलंब केल्याचे सिध्द होते. सबब मुद्दा क्र. 2 चे उत्तर होकारार्थी नोंदविण्यांत आले.
7. मुद्दा क्र.3 बाबतः- मुद्दा क्र. 1 व 2 चे विवेचनावरुन मंच खालिलप्रमाणे अंतिम आदेश पारित करीत आहे.
- // अंतिम आदेश // -
1. तक्रारकर्त्याची ग्राहक संरक्षण कायद्याचे कलम 12 अंतर्गत दाखल तक्रार अंशतः मंजूर करण्यांत येते.
2. विरुध्द पक्ष क्र. 1 ते 3 यांनी वैयक्तिक अथवा संयुक्तरित्या तक्रारकर्त्यास मोबाईलची किंमत रु.8,100/- परत करावी.
3. विरुध्द पक्ष क्र. 1 ते 3 यांनी तक्रारकर्त्यास झालेल्या शारीरिक, मानसिक त्रासापोटी रु.5,000/- व तक्रारीचा खर्च रु.2,500/- अदा करावा.
4. विरुध्द पक्ष क्र. 1 ते 3 यांनी वैयक्तिक अथवा संयुक्तरित्या वरील आदेशाची अंमलबजावणी आदेशाची प्रत मिळाल्याचे दिनांकापासुन 30 दिवसांचे आंत करावी.
5. उभय पक्षास सदर आदेशाची प्रथम प्रत निशुल्क द्यावी.
6. तक्रारकर्त्याला प्रकरणाची ‘ब’ व ‘क’ फाईल परत करावी.