द्वारा – श्रीमती. स्‍नेहा म्‍हात्रे, अध्‍यक्षा  

            उभय पक्ष पुकारले असता गैरहजर. सदर प्रकरणामध्‍ये तक्रारदारांचा युक्‍तीवाद दि.26.02.2020 रोजी ऐकण्‍यात आला असून, प्रकरण आज तक्रार दाखल आदेशाकामी  नेमण्‍यात आले आहे. सदर प्रकरणामध्‍ये तक्रारदारांनी नमूद केलेल्‍या पॉलिसीची एकूण रक्‍कम रु.25,00,000/- ( Sum Assured ) असून ग्रा.सं.का.क.11(1) अन्‍वये सदर बाबीचा तसेच तक्रारीतील इतर मागण्‍यांचा विचार केला असता प्रस्‍तूत तक्रार मंचाचे आर्थिक कार्यक्षेत्राबाहेर जात असून सदर प्रकरणामध्‍ये तक्रारदाराने विमा दाव्‍याची रक्‍कम देण्‍याबाबत मागणी केलेली नसून सदर प्रकरणात 2,25,000/- ही विम्‍याच्‍या प्रिमियमची रक्‍कम सामनेवाले यांनी तक्रारदारांना परत करण्‍याबाबत, तसेच मानसिक त्रासा पोटी रक्‍कम रु.10,00,000/- व तक्रार खर्चापोटी रक्‍कम रु. 50,000/- दयावी असे प्रार्थना कलमात नमूद केले आहे. तसेच तक्रारदारांची सदर तक्रारीत नमूद विमा दाव्‍या बाबतची वैयक्तिक माहिती त्रयस्‍थ व्‍यक्‍तीला कशी कळली याबाबत तक्रारदारांनी आक्षेप घेतला आहे. वर नमूद केल्‍या प्रमाणे प्रस्‍तूत तक्रारीतील प्रार्थना कलमातील तक्रारदाराच्‍या मागण्‍या व विमा दाव्‍याची एकूण रक्‍कम (Sum Assured) याचा एकत्रितपणे विचार केला असता, प्रस्‍तूत तक्रार मंचाचे आर्थिक कार्यक्षेत्रात येत नसल्‍याने त्‍याबाबत योग्‍य त्‍या न्‍यायालयात / आयोगात तक्रारीत नमूद वाद विषया संबंधी तक्रारदारांना नविन तक्रारदाखल करण्‍याची मुभा देऊन प्रस्‍तूत तक्रार आर्थिक कार्यक्षेत्रा अभावी दाखल टप्‍प्‍यावर असतांना निकाली काढण्‍यात येते. प्रकरण निकाली खर्चाबाबत आदेश नाहीत.