न्‍या य नि र्ण य
व्‍दाराः- मा. सौ. सविता प्र. भोसले, अध्‍यक्षा
1. तक्रारदारांनी प्रस्‍तुत तक्रार अर्ज ग्राहक सरंक्षण कायदा, 2019 चे कलम 34 व 35 प्रमाणे दाखल केला आहे. तक्रार अर्जातील कथन थोडक्‍यात पुढीलप्रमाणे—
जिल्‍हा व तुकडी कोल्‍हापूर, पोट तुकडी तहसिल करवीर, कोल्‍हापूर महानगरपालिका हद्दीतील ई वॉर्ड, शिवाजी पेठ येथील सि.स.नं. 517 ए-1, प्‍लॉट नं.113 अ आणि ब एकूण क्षेत्र 5932 चौ.फुट या मिळकतीवर बांधण्‍यात आलेल्‍या मिकीज गार्डन (मारुती कन्‍स्‍ट्रक्‍शन्‍/मारुती अपार्टमेंट) या इमारतीतील पहिल्‍या मजल्‍यावरील फ्लॅट नं. 201 क्षेत्र 728 चौ.फूट या सदर तक्रारअर्जाचा विषय आहे. सदरची मिळकत ही वि.प. या भागीदारी संस्‍थेने विकसीत केली आहे. यातील तक्रारदार हे कै. श्रीनिवास नारायण पंडीतराव यांचे सरळ कायदेशीर वारस आहेत. कै श्रीनिवास नारायण पंडीतराव हे दि. 24/7/2016 रोजी मयत झालेले आहेत. सदरची वाद मिळकत ही तक्रारदार यांचे पूर्वहक्‍कदार कै श्रीनिवास नारायण पंडीतराव यांनी एकूण रक्‍कम रु. 2,40,000/- या तत्‍कालीन मोबदल्‍यामध्‍ये वि.प.क्र.1 यांचेकडून खरेदी घेणेचे ठरविलेनंतर वि.प. क्र. 1 तर्फे वि.प.क्र.2 यांनी कै श्रीनिवास नारायण पंडीतराव यांचे नावे सदर मिळकतीचे खरेदीपूर्व संचकारपत्र दि. 21/8/1995 रोजी करुन दिले आहे. सदर संचकारपत्रातील शर्ती व अटीप्रमाणे कै श्रीनिवास नारायण पंडीतराव यांनी ठरलेला खरेदीचा संपूर्ण मोबदला रक्‍कम रु.2,40,000/- वि.प. यांचेकडे वेळोवेळी चेकने अदा केलेला आहे. तदनंतर वि.प यांनी सदर मिळकतीचा खुला कब्‍जा दि. 14/111995 रोजी दिला आहे. सदर मिळकतीचे वीज कनेक्‍शन कोल्‍हापूर महानगरपालिकेचे घरफाळा विभाग येथे कै श्रीनिवास नारायण पंडीतराव यांचे नावाची मालक सदरी नोंद झालेली आहे. कै. श्रीनिवास नारायण पंडीतराव यांचे निधनानंतर सदर मिळकतीची विक्री करणेचे तक्रारदार क्र.1 ते 3 यांनी ठरविले. त्‍यासाठी त्‍यांनी सिटी सर्व्‍हे ऑफिस, कोल्‍हापूर येथे सदर मिळकतीचे प्रॉपर्टी कार्ड संदर्भात चौकशी केली असता सदर कार्डवर तक्रारदारांचे पूर्व हक्‍कदार कै श्रीनिवास नारायण पंडीतराव यांचे नावाची नोंद नसलेचे तक्रारदारांना समजले. त्‍यावेळी तक्रारदारांना मोठा धक्‍का बसला. तदनंतर तक्रारदारांनी महसुल दफ्तरी अधिक चौकशी केली असता व जुनी कागदपत्रे पाहिली असता सदर मिळकतीचे नोंदणीकृत खरेदीपत्र झाले नसलेचे तक्रारदार यांना फेब्रुवारी 2020 मध्‍ये समजले. तक्रारदार यांनी याबाबत वि.प. यांचेशी संपर्क साधला असता सदर मिळकतीचे खरेदीपत्र करुन देणेबाबत वि.प. हे उडवाउडवीची उत्‍तरे देवू लागले. म्‍हणून तक्रारदार वि.प. यांना दि. 17/8/2020 रोजी नोटीस पाठविली. परंतु वि.प.क्र.1 यांनी सदरची नोटीस स्‍वीकारली नाही व वि.प.क्र.2 यांना नोटीस मिळून देखील त्‍यांनी तक्रारदार यांचे नावे मिळकतीचे खरेदीपत्र करुन दिलेले नाही. अशा प्रकारे वि.प. यांनी सेवात्रुटी केली आहे. म्‍हणून, तक्रारदाराने प्रस्‍तुतचा तक्रारअर्ज या आयोगात दाखल केला आहे.
2. प्रस्‍तुतकामी तक्रारदाराने वि.प. यांचेकडून वादमिळकतीचे नोंद खरेदीपत्र तक्रारदार यांचे नावे नोंदणीकृत करुन द्यावे, वि.प. यांनी खरेदीपत्र नोंद करुन न दिलेस कोर्ट कमिशनर यांचेमार्फत सदर दावा मिळकतीचे खरेदीपत्र करुन मिळावे, मानसिक त्रासापोटी रु.1,00,000/- वि.प. कडून वसूल होवून मिळावा अशी विनंती तक्रारदाराने याकामी केली आहे.
3. तक्रारदाराने सदरकामी अॅफिडेव्‍हीट, कागदयादी सोबत संचकारपत्राची प्रत, वि.प. यांना वाद मिळकतीचा मोबदला दिलेची पावती, वि.प. यांनी दिलेल्‍या पावत्‍या, कै श्रीनिवास नारायण पंडीतराव यांचा मृत्‍यू दाखला, दावा मिळकतीचे लाईट बिल, घरफाळा बिल, रेशनकार्ड, घरफाळा भरलेची पावती, तक्रारदार यांनी वि.प यांना पाठविलेली नोटीस, सदर नोटीस वि.प.क्र.1 यांनी न स्‍वीकरलेबाबत आलेला पोस्‍टाचा शेरा, वि.प.क्र.2 यांनी नोटीस स्‍वीकारलेची पोस्‍टाची पोहोच पावती वगैरे कागदपत्रे दाखल केली आहेत. तसेच पुरावा शपथपत्र व लेखी युक्तिवाद दाखल केला आहे.
4. प्रस्‍तुत कामी वि.प.क्र.1 व 2 यांना नोटीस लागू होऊनही सदर वि.प. याकामी गैरहजर राहिलेने वि.प. यांचेविरुध्‍द एकतर्फा आदेश नि.1 वर पारीत झालेला आहे.
5. वर नमूद तक्रारदार यांनी दाखल केले सर्व कागदपत्रांचे अवलोकन करुन मे. मंचाने सदर तक्रार अर्जाचे निराकरणार्थ पुढील मुद्दे विचारात घेतले.
अ. क्र. | मुद्दा | उत्‍तरे |
1 | तक्रारदार व वि.प. हे नात्‍याने ग्राहक व सेवापुरवठादार आहेत काय ? | होय. |
2 | वि.प.क्र.1 व 2 यांनी तक्रारदाराला सदोष सेवा पुरविली आहे काय ? | होय. |
3 | तक्रारदार हे वि.प. क्र.1 व 2 यांचेकडून नोंद खरेदीपत्र करुन मिळणेस व नुकसान भरपाई मिळणेस पात्र आहेत काय ? | होय. |
4 | अंतिम आदेश काय ? | खालील नमूद आदेशाप्रमाणे. |
वि वे च न –
6. वर नमूद मुद्दा क्र.1 ते 3 ची उत्‍तरे आम्‍ही होकारार्थी दिली आहेत कारण जिल्‍हा व तुकडी कोल्‍हापूर, पोट तुकडी तहसिल करवीर, कोल्‍हापूर महानगरपालिका हद्दीतील ई वॉर्ड, शिवाजी पेठ येथील सि.स.नं. 517 ए-1, प्‍लॉट नं.113 अ आणि ब एकूण क्षेत्र 5932 चौ.फुट या मिळकतीवर बांधण्‍यात आलेल्‍या मिकीज गार्डन (मारुती कन्‍स्‍ट्रक्‍शन्‍/मारुती अपार्टमेंट) या इमारतीतील पहिल्‍या मजल्‍यावरील फ्लॅट नं. 201 क्षेत्र 728 चौ.फूट ही मिळकत ही वि.प. या भागीदारी संस्‍थेने विकसीत केली आहे. सदरची वाद मिळकत ही तक्रारदार यांचे पूर्वहक्‍कदार कै श्रीनिवास नारायण पंडीतराव यांनी एकूण रक्‍कम रु. 2,40,000/- या तत्‍कालीन मोबदल्‍यामध्‍ये वि.प.क्र.1 यांचेकडून खरेदी घेणेचे ठरविलेनंतर वि.प. क्र. 1 तर्फे वि.प.क्र.2 यांनी कै श्रीनिवास नारायण पंडीतराव यांचे नावे सदर मिळकतीचे खरेदीपूर्व संचकारपत्र दि. 21/8/1995 रोजी करुन दिले आहे. सदर संचकारपत्रातील शर्ती व अटीप्रमाणे कै श्रीनिवास नारायण पंडीतराव यांनी ठरलेला खरेदीचा संपूर्ण मोबदला रक्‍कम रु.2,40,000/- वि.प. यांचेकडे वेळोवेळी चेकने अदा केलेला आहे. सदरच्‍या रक्‍कम अदा केलेच्‍या पावत्‍या तक्रारदार यांनी याकामी हजर केल्‍या आहेत. तक्रारदार क्र.1 ते 3 हे कै श्रीनिवास नारायण पंडीतराव हे सरळ व कायदेशीर वारस आहेत. वि.प. यांनी याकामी हजर होवून प्रस्‍तुत बाब नाकारलेली नाही. सबब, तक्रारदार व वि.प. हे नात्‍याने ग्राहक व सेवापुरवठादार आहेत ही बाब निर्विवादपणे स्‍पष्‍ट सिध्‍द झाली आहे. सबब, मुद्दा क्र.1 चे उत्‍तर आम्‍ही होकारार्थी दिले आहे.
7. तक्रारदारांचे तक्रारअर्जातील कथनानुसार, सदरची वाद मिळकत ही तक्रारदार यांचे पूर्वहक्‍कदार कै श्रीनिवास नारायण पंडीतराव यांनी एकूण रक्‍कम रु. 2,40,000/- या तत्‍कालीन मोबदल्‍यामध्‍ये वि.प.क्र.1 यांचेकडून खरेदी घेणेचे ठरविलेनंतर वि.प. क्र. 1 तर्फे वि.प.क्र.2 यांनी कै श्रीनिवास नारायण पंडीतराव यांचे नावे सदर मिळकतीचे खरेदीपूर्व संचकारपत्र दि. 21/8/1995 रोजी करुन दिले आहे. सदर संचकारपत्रातील शर्ती व अटीप्रमाणे कै श्रीनिवास नारायण पंडीतराव यांनी ठरलेला खरेदीचा संपूर्ण मोबदला रक्‍कम रु.2,40,000/- वि.प. यांचेकडे वेळोवेळी चेकने अदा केलेला आहे. तदनंतर वि.प यांनी सदर मिळकतीचा खुला कब्‍जा दि. 14/11/1995 रोजी दिला आहे. सदर मिळकतीचे वीज कनेक्‍शन व कोल्‍हापूर महानगरपालिकेचे घरफाळा विभाग येथे कै श्रीनिवास नारायण पंडीतराव यांचे नावाची मालक सदरी नोंद झालेली आहे. कै. श्रीनिवास नारायण पंडीतराव यांचे निधनानंतर सदर मिळकतीची विक्री करणेचे तक्रारदार क्र.1 ते 3 यांनी ठरविले. त्‍यासाठी त्‍यांनी सिटी सर्व्‍हे ऑफिस, कोल्‍हापूर येथे सदर मिळकतीचे प्रॉपर्टी कार्ड संदर्भात चौकशी केली असता सदर कार्डवर तक्रारदारांचे पूर्व हक्‍कदार कै श्रीनिवास नारायण पंडीतराव यांचे नावाची नोंद नसलेचे तक्रारदारांना समजले. त्‍यावेळी तक्रारदारांना मोठा धक्‍का बसला. तदनंतर तक्रारदारांनी महसुल दफ्तरी अधिक चौकशी केली असता व जुनी कागदपत्रे पाहिली असता सदर मिळकतीचे नोंदणीकृत खरेदीपत्र झाले नसलेचे तक्रारदार यांना फेब्रुवारी 2020 मध्‍ये समजले. तक्रारदार यांनी याबाबत वि.प. यांचेशी संपर्क साधला असता सदर मिळकतीचे खरेदीपत्र करुन देणेबाबत वि.प. हे उडवाउडवीची उत्‍तरे देवू लागले असे तक्रारदारांचे कथन आहे. सदर कथनांचे पुष्‍ठयर्थ तक्रारदार यांनी संचकारपत्र व वि.प. यांना रक्‍कम अदा केलेल्‍या पावत्‍या दाखल केल्‍या आहेत. वि.प यांनी सदर मिळकतीचा खुला कब्‍जा दि. 14/111995 रोजी दिला आहे. तसेच दावा मिळकतीचे लाईट बिल व घरफाळा बिल दाखल केले आहे. सदर दोन्‍ही बिलांवर तक्रारदार यांचे पूर्वहक्‍कदार कै श्रीनिवास नारायण पंडीतराव यांचे नाव मालक सदरी नोंद आहे. सदरची सर्व कागदपत्रे विचारात घेता, तक्रारदार यांचे पूर्वहक्‍कदार कै श्रीनिवास नारायण पंडीतराव यांनी वि.प. यांना मोबदला रक्‍कम अदा करुनही वि.प. यांनी तक्रारदार यांचे पूर्वहक्‍कदार कै श्रीनिवास नारायण पंडीतराव यांचे हक्‍कात वाद मिळकतीचे खरेदीपत्र नोंद करुन दिले नाही ही बाब स्‍पष्‍ट होते. तक्रारदाराचे तक्रारअर्जातील सदरची कथने वि.प. यांनी याकामी हजर होवून नाकारलेली नाहीत. वि.प. यांना तक्रारअर्जाची नोटीस लागू होऊनसुध्‍दा ते याकामी मंचात हजर झाले नाहीत. म्‍हणून, वि.प. यांचेविरुध्‍द नि.1 वर एकतर्फा आदेश पारीत झालेला आहे. म्‍हणजेच वि.प. यांनी तक्रारदाराचे तक्रारअर्जातील कोणतेही कथन खोडून काढलेले नाही. तक्रारदारांनी त्‍यांचे कथनाचे पुष्‍ठयर्थ पुराव्‍याचे शपथपत्र दाखल केले आहे. सबब, तक्रारदाराने तक्रारअर्जात केले कथनांवर विश्‍वासार्हता ठेवणे न्‍यायोचित वाटते. सदरची बाब विचारात घेता, वि.प.क्र.1 व 2 यांनी तक्रारदार यांचे पूर्वहक्‍कदार कै श्रीनिवास नारायण पंडीतराव यांचेकडून वादमिळकतीचा पूर्ण मोबदला मिळूनही नोंद खरेदीपत्र करुन दिलेले नाही ही बाब शाबीत होते. सबब, वि.प.क्र.1 व 2 यांनी तक्रारदाराला सदोष सेवा दिली आहे या निष्‍कर्षाप्रत हे आयोग येत आहे.
8. सबब, तक्रारदार हे वि.प.क्र.1 व 2 यांचेकडून वादमिळकतीचे नोंद खरेदीपत्र करुन मिळणेस पात्र आहेत. तसेच मानसिक त्रासापोटी रक्‍कम रु. 10,000/- व अर्जाचे खर्चापोटी रु.5,000/- अशी रक्‍कम वि.प. क्र.1 व 2 यांचेकडून वसूल होवून मिळणेस तक्रारदार पात्र आहेत या निष्‍कर्षाप्रत हे आयोग मंच येत आहे.
सबब, प्रस्‍तुत कामी आम्‍ही पुढीलप्रमाणे अंतिम आदेश पारीत करीत आहोत.
आदेश
1) तक्रारदाराचा तक्रारअर्ज अंशतः मंजूर करणेत येतो.
2) वि.प. क्र.1 व 2 यांनी तक्रारदार यांना जिल्‍हा व तुकडी कोल्‍हापूर, पोट तुकडी तहसिल करवीर, कोल्‍हापूर महानगरपालिका हद्दीतील ई वॉर्ड, शिवाजी पेठ येथील सि.स.नं. 517 ए-1, प्‍लॉट नं.113 अ आणि ब एकूण क्षेत्र 5932 चौ.फुट या मिळकतीवर बांधण्‍यात आलेल्‍या मिकीज गार्डन (मारुती कन्‍स्‍ट्रक्‍शन्‍/मारुती अपार्टमेंट) या इमारतीतील पहिल्‍या मजल्‍यावरील फ्लॅट नं. 201 क्षेत्र 728 चौ.फूट या मिळकतीचे नोंद खरेदीपत्र करुन द्यावे.
3) मानसिक त्रासापोटी रक्‍कम रु.10,000/- व अर्जाचा खर्च रु.5,000/- वि.प. क्र.1 व 2 यांनी तक्रारदारास अदा करावेत.
4) वर नमूद सर्व आदेशांची पूर्तता वि.प. क्र.1 व 2 यांनी आदेशाची प्रत मिळाले तारखेपासून 45 दिवसांत करावी.
5) विहीत मुदतीत आदेशांची पूर्तता न केलेस ग्राहक संरक्षण कायदा 2019 चे कलम 71 व 72 अन्‍वये कारवाई करणेची मुभा तक्रारदाराला देणेत येते.
6) आदेशाच्‍या सत्‍यप्रती उभय पक्षकारांना विनामुल्‍य पाठवाव्‍यात.
