Maharashtra

Satara

CC/14/116

KU.MEGHA CHANDRAKANT MORE - Complainant(s)

Versus

MARATHA SAHKARIPATHASANSTHA - Opp.Party(s)

INAMADAR

31 Oct 2015

ORDER

सातारा जिल्‍हा ग्राहक तक्रार निवारण मंच यांचेसमोर

 

उपस्थिती -  मा.सौ.सविता भोसले,अध्‍यक्षा

              मा.श्री.श्रीकांत कुंभार,सदस्‍य.

                                                                                                         मा.सौ.सुरेखा हजारे, सदस्‍या.

 

                      तक्रार क्र. 116/2014.

                                                                                                             तक्रार दाखल दि.1-8-2014.

                                                                                                            तक्रार निकाली दि.31-10-2015. 

1. कु.मेघा चंद्रकांत मोरे.
2. कु.सायली चंद्रकांत मोरे.

   दोन्‍ही अ.पा.क.वडील चंद्रकांत गुलाबराव मोरे,

   रा.मु.पो.वहागाव, ता.वाई, जि.सातारा.           ....  तक्रारदार

         विरुध्‍द

1. मराठा सहकारी बँक लि. (पूर्वीची)

  (सध्‍याची)मराठा सहकारी पतसंस्‍था मर्या.सातारा.

  मराठा भवन, 506/10, प्‍लॉट नं.8,

  सदरबझार, सातारा तर्फे गोरखनाथ आबाजी सस्‍ते-

  व्‍यवस्‍थापक.

2. श्री.नरेंद्र मोहनराव पाटील, चेअरमन.

27. मॅगझीन कॉलनी, सदरबझार, सातारा.

3. श्री.अशोक रामचंद्र जाधव, व्‍हा.चेअरमन.

  रा.154 रविवार पेठ, सातारा.

4. श्री.स‍तीश सर्जेराव पवार, संचालक.

   रा.60/61 बसाप्‍पा पेठ, सातारा.

5. श्री.जगन्‍नाथ ज्ञानु पवार, संचालक (मयत)

   रा.मु.पो.धावडशी, ता.जि.सातारा   (वगळणेत आले)  

6. श्री.मिलींद लक्ष्‍मणराव पाटील, संचालक.

   रा.विकासनगर, संगमनगर, ता.जि.सातारा.

7. श्री.अशोक बापु काळे, संचालक.

   रा.मोरे कॉलनी, व्‍यंकटपुरा पेठ, सातारा.

8. सौ.सुमन लक्ष्‍मणराव पाटील, संचालिका.

   रा.विकासनगर, संगमनगर, ता.जि.सातारा.         ....  जाबदार

                 तक्रारदारातर्फे –अँड. पी.आर.इनामदार

                 जाबदारातर्फे- अँड.व्‍ही.पी.जगदाळे.

                              न्‍यायनिर्णय

सदर न्‍यायनिर्णय मा.सौ.सुरेखा हजारे,सदस्‍या यानी पारित केला

                                                    

1.       तक्रारदाराने सदरचा तक्रारअर्ज ग्राहक संरक्षण कायदा 1986 कलम 12 प्रमाणे दाखल केला आहे तो थोडक्‍यात खालीलप्रमाणे-  

        तक्रारदार क्र.1 व 2 हे अर्जातील नमूद पत्‍त्‍यावर कायमस्‍वरुपी रहाणेस आहेत.  जाबदार ही मराठा सहकारी बँक/ मराठा सहकारी पतसंस्‍था सातारा ही महाराष्‍ट्र सहकारी संस्‍था अधिनियम 1960 अन्‍वये नोंदणीकृत पतसंस्‍था असून सदर बँकेचे/पतसंस्‍थेचे मुख्‍य कार्यालय सातारा येथे आहे.  तसेच जाबदारांच्‍या अन्‍यत्रही काही ठिकाणी शाखा आहेत.  जाबदार संस्‍थेचा बँकींग स्‍वरुपाचा व्‍यवसाय आहे.  अर्जाचे कलम 2 मध्‍ये नमूद केलेप्रमाणे तक्रारदारानी  जाबदार बँकेमध्‍ये/पतसंस्‍थेमध्‍ये मुदतठेवी ठेवलेल्‍या आहेत.  त्‍यांची मुदत संपलेली आहे, त्‍या मुदतठेवींच्‍या सव्‍याज रकमा अद्याप तक्रारदारांना परत मिळालेल्‍या नाहीत, त्‍यामुळे तक्रारदार हे जाबदार बँकेचे/पतसंस्‍थेचे ग्राहक असून सदरची रक्‍कम त्‍यांना अद्याप परत मिळालेली नाही.   

 

तक्रारदार कु.मेघा चंद्रकांत मोरे हिचे नावे असणारी मुदतठेव खालीलप्रमाणे-

अ.क्र.	मुदतपावती क्र.	मुदतठेव ठेवलेची तारीख	मुदत संपलेची तारीख	रक्‍कम रु.	द.सा.द.शे. दामचौपट रक्‍कम रु.
1	11143	3-8-2002	3-2-2013	4,000/-	16,000/-

 

तक्रारदार कु.सायली चंद्रकांत मोरे हिचे नावे असणारी मुदतठेव खालीलप्रमाणे-

अ.क्र.	मुदतपावती क्र.	मुदतठेव ठेवलेची तारीख	मुदत संपलेची तारीख	रक्‍कम रु.	द.सा.द.शे. दामचौपट रक्‍कम रु.
1	11141	20-9-2002	20-3-2013	8,300/-	33,200/-

          सदर दामचौपट ठेवीची रक्‍कम व त्‍यावरील होणा-या व्‍याजाची रक्‍कम तक्रारदारांना त्‍यांच्‍या आर्थिक गरजा भागवणेसाठी व भविष्‍याच्‍या उदरनिर्वाहासाठी तसेच मुलांच्‍या शिक्षणासाठी आवश्‍यक असल्‍याने तक्रारदार हे जाबदारांचे अर्जात नमूद केलेल्‍या पत्‍त्‍यावरील कार्यालयात अनेकवेळा रकमा मागणेसाठी गेले होते.  तक्रारदाराना देणेएवढी रक्‍कम जमा नसलेमुळे तक्रारदाराना रक्‍कम देता येत नसल्‍याचे जाबदारांकडून सांगितले गेले.   रकमेची वेळोवेळी तक्रारदारानी जाबदार पतसंस्‍थेकडे मागणी केली आहे परंतु वारंवार हेलपाटे मारुनही तक्रारदारांची रक्‍कम परत देणेची खोटीनाटी कारणे सांगून जाबदारांनी टाळाटाळ केलेली आहे व रक्‍कम देणेबाबत कोणतीही तजवीज आजपावेतो केलेली नाही.  जाबदारानी मुदतठेवी सव्‍याज परत देणेस टाळाटाळ केल्‍यामुळे तक्रारदारांनी दि.18-3-14 रोजी वकीलांतर्फे रजि.पोस्‍टाने नोटीस पाठवूनही जाबदार क्र. 1 व 2 यानी  नोटीस नाकारलेने अनक्‍लेम्‍ड शे-याने परत आलेली आहे.  परंतु आजपावेतो रक्‍कम देणेबाबत कोणतीही तजवीज केलेली नाही.   जाबदार बँकेचा/पतसंस्‍थेचा बँकींग स्‍वरुपाचा व्‍यवसाय असून तक्रारदारानी जाबदार बँकेत/पतसंस्‍थेत अर्जातील कोष्‍टकात नमूद केलेप्रमाणे मुदतदामचौपट ठेवी ठेवलेल्‍या आहेत, त्‍यामुळे तक्रारदार हे जाबदार बँकेचे/पतसंस्‍थेचे ग्राहक आहेत.  जाबदार बँकेने/पतसंस्‍थेने तक्रारदारांच्‍या ठेवीची व त्‍यावरील होणा-या व्‍याजाची वेळोवेळी मागणी करुनही तक्रारदारांना सव्‍याज रक्‍कम परत दिलेली नाही त्‍यामुळे जाबदारांकडून तक्रारदारांचे सेवेत अक्षम्‍य त्रुटी निर्माण झालेली आहे.  तक्रारदारानी जाबदारांकडे ठेवलेल्‍या मुदतठेवीच्‍या रकमा तक्रारदारांनी मागणी करुनही मिळालेल्‍या नाहीत सदर रक्‍कम परत घेणेसाठी तक्रारदाराना वारंवार जाबदारांचे कार्यालयात हेलपाटे मारावे लागले आहेत, त्‍यामुळे तक्रारदाराना शारिरीक व मानसिक त्रास झाला आहे व या त्रासापोटी नुकसानभरपाई मिळणे न्‍यायाचे होणार आहे.  तक्रारदारांनी त्‍यांचे वकीलांतर्फे दि.18-3-2014 रोजी रजि.पोस्‍टाने पोहोचपावतीसह नोटीस पाठवूनही मुदतठेव व होणा-या व्‍याजासह मागणी केलेली होती तथापि सदर नोटीस जाबदारांनी इंटिमेशन देऊनही न घेतलेने परत पाठवली आहे तसेच कोणत्‍याही प्रकारचे उत्‍तर दिलेले नाही त्‍यावेळी अगर त्‍यासुमारास सदर अर्ज दाखल करणेस घडलेले कारण या मंचाचे आहे.  जाबदारांचे मुख्‍य कार्यालय सातारा येथे असून तेथेच व्‍यवसाय केलेला आहे/करीत आहेत तसेच सदर अर्ज दाखल करणेस कारण या मंचाचे स्‍थळसीमेत व अधिकारक्षेत्रात घडलेले आहे त्‍यामुळे सदरचा तक्रारअर्ज दाखल करुन घेणेचा व त्‍यावर निर्णय देणेचा या मे.मंचास अधिकार आहे.    तक्रारदारानी अशा प्रकारचा अर्ज अन्‍य कोर्टात दाखल केलेला नाही.   सदर तक्रारअर्जामध्‍ये नमूद केलेल्‍या तक्रारदारांचे नावे ठेवलेल्‍या ठेवींची एकूण रक्‍कम रु.49,200/- व त्‍यावरील नियमाप्रमाणे होणारे व्‍याजासह जाबदारांनी तक्रारदाराना देणेबाबत आदेश व्‍हावेत तसेच रक्‍कम प्रत्‍यक्ष वसूल होऊन मिळेपर्यंत सदर रकमेवर द.सा.द.शे.15 टक्‍के दराने व्‍याज जाबदारानी तक्रारदाराना देणेबाबत आदेश व्‍हावेत.  तक्रारदारांस झालेल्‍या शारिरीक व मानसिक त्रासापोटी नुकसानभरपाई म्‍हणून रक्‍कम रु.25,000/- व अर्जाचे खर्चापोटी रु.10000/- जाबदारांनी तक्रारदाराना देणेबाबत आदेश व्‍हावेत.  याप्रमाणे तक्रारअर्ज असे.    

 

2.         जाबदारानी नि.18 कडे त्‍यांचे म्‍हणणे खालीलप्रमाणे दाखल केले आहे-

          तक्रारीतील कथन केलेला मजकूर हा जाबदाराना स्विकारार्ह नाही.  सदरची तक्रार ही व्‍यवस्‍थापक, संचालक मंडळ व चेअरमन यांचेविरुध्‍द चालू शकत नाही कारण उपरोक्‍त पतसंस्‍था ही लिगल एंटीटी असल्‍याने आणि मा.उच्‍च न्‍यायालयाने तसा न्‍यायनिर्णय दिल्‍याने सदर तक्रारीत जाबदारांचे वैयक्तिक नाव असल्‍याने ही तक्रार चालू शकत नाही.    मा.उच्‍च न्‍यायालय मुंबईचे खंडपीठ औरंगाबाद यांनी रिट याचिका क्र.5223/2009 वर्षा देसाई वि. राजश्री चौधरी व अन्‍य मध्‍ये दि.22-12-2010 रोजी न्‍यायनिर्णय पारित करताना स्‍पष्‍ट केले आहे की, सहकारी संस्‍थेस वैधानिक अस्तित्‍व असल्‍याने तक्रार केवळ त्‍यांचेविरुध्‍द टिकू शकते.     जाबदार पतसंस्‍थेने उपरोक्‍त ठराव विधीवत पारित केलेला होता आणि यानुसार संस्‍थेची रोकड तरलतेचे प्रमाण राखण्‍यासाठी काही धोरणात्‍मक निर्णय घेतले होते.  या ठरावाची प्रत या म्‍हणण्‍यास संलग्‍न आहे, तसेच दि.17-5-2010 रोजी परिपत्रकही जारी केले होते. प्रस्‍तुतचा ठराव व परिपत्रक हे सभासदांचे संमतीने पारित केलेले असून सदरचा ठराव व परिपत्रक तक्रारदारांना बंधनकारक आहे आणि त्‍यानुसार परतफेड करणेस संस्‍था वचनबध्‍द आहे.   संस्‍था उपरोक्‍त ठरावानुसार खातेदाराना बांधील असून त्‍याप्रमाणे परतफेड करणेस तयार आहे.  यापूर्वीही मे.मंचाचे आदेशाचे पालन करुन संस्‍थेने ठेवीदारांचे परतावे परत दिलेले आहेत.  परि.क्र.1 ते 7 मधील आरोपात्‍मक कथन मान्‍य नाही परि.क्र.4 ते 7 अमान्‍य आहे.  परि.क्र.8,9 बाबत कोणतेही भाष्‍य नाही.  परि.क्र.10 मधील नमूद प्रार्थना मान्‍य नाही.  रिट याचिका क्र.5223/09 मध्‍ये मा.उच्‍च न्‍यायालय मुंबई खंडपीठ औरंगाबाद मधील 22-12-2010 रोजीचे निकालानुसार केवळ संस्‍था जबाबदार होऊ शकते, तसेच जाबदार पतसंस्‍थेचे नाव चुकीचे दिले आहे.  त्‍यामुळे तक्रार चालू शकत नाही.  संस्‍थेची रोकड तरलता राखणेसाठी दि.16-5-2010 रोजी विधीवत विशेष सर्वसाधारण सभा घेऊन त्‍यात ठराव क्र.1 पारित केला होता आणि त्‍या अनुषंगाने दि.17-5-10 रोजी परिपत्रक करुन वसुली व परतफेडीसाठी काही मूलगामी आदेश दिले होते ते तक्रारदारांवरही बंधनकारक आहेत आणि यानुसार परतफेड करणेस संस्‍था तयार आहे.  येणेप्रमाणे म्‍हणणे दाखल केले आहे. 

3.         नि.3 कडे अँड.पी.आर.इनामदार यांचे वकीलपत्र दाखल करणेसाठी तक्रारदारांचा परवानगी अर्ज, अर्ज मंजूर.  नि.1 कडे तक्रारअर्ज, नि.2 कडे तक्रारदार मेघा मोरे यांचे प्रतिज्ञापत्र, नि.4 कडे अँड.पी.आर.इनामदार यांचे वकीलपत्र दाखल, नि.5 कडे तक्रारदारातर्फे कागदयादी दाखल, नि.5/1 कडे मुदतठेव पावत्‍यांच्‍या व्‍हेरिफाईड झेरॉक्‍स, नि.5/2 कडे वकीलांनी जाबदार क्र.2 व व्‍यवस्‍थापकाना पाठवलेल्‍या रजि.नोटीसची स्‍थळप्रत, नि.6 कडे तक्रारदारांची पत्‍तापुरसीस, नि.7 कडे मंचाकडून पाठ‍विलेल्‍या नोटीसा, नि.8 कडे तक्रारदारांचा फेरनोटीसीसाठीचा अर्ज, अर्ज मंजूर.  नि.9 कडे मंचाने पाठविलेली फेरनोटीस, नि.10 ते 12 कडे जाबदार क्र.3,4 व 2 यांना इंटिमेशन टाकलेली आहे अशा  शे-याने परत आलेली पाकिटे, नि.13,14,15 कडे रिफ्यूज्‍ड शे-याने जाबदार क्र.8,7 व 6 यांची परत आलेली पाकिटे, नि.16 कडे जाबदार क्र.5 मयत असल्‍याने परत आलेले पाकिट, नि.17 कडे अँड.जगदाळे यांचे वकीलपत्र, नि.18 कडे जाबदारांचे म्‍हणणे दाखल, नि.19 कडे गोरखनाथ आबाजी सस्‍ते यांचे प्रतिज्ञापत्र, नि.20 कडे तक्रारदारातर्फे जाबदार क्र.5 हे मयत झालेने त्‍यांना वगळणेची पुरसीस, नि.21 कडे जाबदार क्र.1 तर्फे दिलीप देशमुख यांची पोहोचपावती, नि.22,23,24,25 कडे जाबदार क्र.2,3,1 व 4 यांना इंटिमेशन टाकली या शे-याने परत आलेली पाकिटे, नि.26 कडे जाबदार क्र.8 यांचे रिफ्यूज्‍ड शे-याने परत आलेले पाकिट, नि.27 कडे जाबदार क्र.5 मयत असलेने परत आलेले पाकिट, नि.28 व 29 कडे जाबदार क्र.7 व 6 यांची रिफ्यूज्‍ड शे-याने परत आलेली पाकिटे, नि.30 कडे तक्रारदाराची पुरसीस की, अर्जासोबत दाखल केलेले प्रतिज्ञापत्र हेच पुराव्‍याचे प्रतिज्ञापत्र समजावे व याशिवाय पुरावा देणेचा नाही.  नि.31 कडे जाबदार क्र.1 यांचा अर्ज की, जाबदार संस्‍थेतर्फे जाबदार 1 दिलीप देशमुख व्‍यवस्‍थापक हे दि.31-12-2013 पासून पदावर नसून त्‍या पदावर गोरखनाथ आबाजी सस्‍ते यांची नियुक्‍ती करणेत आली आहे.  नि.32 कडे दिलीप देशमुख यांचेकडून पदभार स्विकारणेसाठी गोरखनाथ सस्‍ते याना जाबदार संस्‍थेने दिलेला आदेश, नि.33 कडे दिलीप देशमुख यांचा राजीनामा स्विकारलेचे पत्र, नि.34 कडे तक्रारदाराचा अर्जदुरुस्‍तीसाठी परवानगी अर्ज, अर्ज मंजूर.  नि.35 कडे तक्रारदाराचा दुरुस्‍ती करणेसाठी परवानगी अर्ज दाखल, अर्ज मंजूर. जाबदारानी त्‍यावर हरकत नसल्‍याचे म्‍हणणे दिले.   नि.36 कडे त्‍यासोबतचे प्रतिज्ञापत्र, नि.37 कडे जाबदारांचे पुराव्‍याचे प्रतिज्ञापत्र, नि.38 कडे जाबदारांचा लेखी युक्‍तीवाद, नि.39 कडे तक्रारदारांचे तक्रारीसोबतचे प्रतिज्ञापत्र हेच पुराव्‍याचे प्रतिज्ञापत्र समजावे अशी पुरसीस, नि.40 कडे दुरुस्‍तीअर्ज दाखल, नि.41 कडे संचालक मंडळाची यादी दाखल करुन घेणेचा अर्ज, नि.42 कडे कागदयादी, नि.42/1 कडे संचालक मंडळाची यादी दाखल, नि.43 कडे तक्रारदाराचा लेखी युक्‍तीवाद इ.कागदपत्रे दाखल आहेत.      

4.      तक्रारदारांची तक्रार, त्‍यासोबतचे प्रतिज्ञापत्र, पुरावे, तोंडी युक्‍तीवाद यांचे अवलोकन करुन सदर तक्रारीचे निराकरणार्थ मे. मंचाने खालील मुद्दयांचा विचार केला-

  अ.क्र.           मुद्दा                                          निष्‍कर्ष

 1.  तक्रारदार व जाबदार यांचेत ग्राहक व सेवापुरवठादार

     असे नाते आहे काय?                                         होय.                          

 

 2.  जाबदारानी तक्रारदाराना दयावयाच्‍या सेवेत त्रुटी केली आहे काय?      होय.

 3.  जाबदार हे तक्रारदारांची रक्‍कम देणे लागतात काय?                होय.

 4.  अंतिम आदेश काय?                                तक्रार अंशतः मंजूर.

विवेचन-  मुद्दा क्र.1-

5.         तक्रारदार क्र.1 व 2 यांनी त्‍यांच्‍या नावे एकत्रित ठेवी मराठा सहकारी पतसंस्‍था मर्या.सातारा यांचेकडे ठेवलेल्‍या होत्‍या.  जाबदार पतसंस्‍था ही लोकांकडून ठेवस्‍वरुपात रकमा जमा करुन घेते व त्‍यामोबदल्‍यात त्‍यांना त्‍या रकमांवर व्‍याज देते.  प्रस्‍तुत कामी तक्रारदारांनी त्‍यांच्‍या रकमा जाबदारांकडे मुदतठेव स्‍वरुपात ठेवलेल्‍या होत्‍या व आहेत.  त्‍यामुळे तक्रारदार हे जाबदार पतसंस्‍थेचे ग्राहक झाले आहेत हे सिध्‍द होते.  तसेच जाबदार पतसंस्‍थेने रकमा ठेवून घेतल्‍या व त्‍यावर व्‍याज दयावयाचे ठरविलेने  जाबदार पतसंस्‍था ही ग्राहकाना सेवा पुरवठा देणारी संस्‍था ठरते.  म्‍हणून मुद्दा क्र.1चे उत्‍तर आम्‍ही होकारार्थी देत आहोत.

मुद्दा क्र.2- तक्रारदारानी मुदत संपलेनंतर रकमेची मागणी करुनही जाबदारानी तक्रारदारांची रक्‍कम परत केली नसल्‍यामुळेच जाबदारांच्‍या कर्तव्‍यात कसूर झाली आहे व ग्राहकाला त्‍यांचेकडून दयावयाच्‍या सेवेत त्रुटी निर्माण झालेली आहे. म्‍हणून मुद्दा क्र.2चे उत्‍तर आम्‍ही होकारार्थी देत आहोत.

मुद्दा क्र.3-  मराठा सहकारी पतसंस्‍था मर्या.सातारा ही सहकार कायद्याप्रमाणे स्‍थापन झालेली असून ग्राहकाकडून ठेवस्‍वरुपात रकमा स्विकारुन मुदतीनंतर किंवा मुदतीपूर्वी ग्राहकानी रक्‍कम मागितलेस त्‍यांच्‍या रकमा त्‍यांना सव्‍याज परत देणेचे हेतूने स्‍थापन झालेली आहे.  तक्रारदार क्र.1 व 2 यांनी जाबदार संस्‍थेकडे मुदतठेवी ठेवल्‍याने ते जाबदार संस्‍थेचे ग्राहक झाले आहेत.  तक्रारदार क्र.1 व 2 यांच्‍या मुदतठेवी जाबदारांनी ठेवून घेऊन त्‍या मुदतपूर्तीनंतर सव्‍याज परत करणे ही जाबदारांची जबाबदारी होती.  परंतु जाबदारानी तक्रारदाराना त्‍यांच्‍या ठेवी वेळेत परत केलेल्‍या नाहीत.  याची जबाबदारी जाबदार क्र.1 पतसंस्‍था व जाबदार क्र.2 ते 4 व 6 ते 8 यांची आहे असे मंचाचे स्‍पष्‍ट मत आहे.  तक्रारदारांना जाबदारानी त्‍यांच्‍या रकमा वेळेत परत करावयास हव्‍या होत्‍या परंतु आजपावेतो जाबदारानी तक्रारदारांच्‍या रकमा सव्‍याज वेळेत परत केलेल्‍या नाहीत त्‍यामुळे तक्रारदारास द्यावयाच्‍या सेवेत त्रुटी निर्माण झालेली आहे  तक्रारदारांचे आर्थिक नुकसान होऊन त्‍यांना मानसिक त्रासही झालेला आहे.  या सर्वांस जाबदारच जबाबदार आहेत या निष्‍कर्षाप्रत हे मंच येत आहे.   म्‍हणून आम्‍ही मुद्दा क्र. 3 चे उत्‍तर होकारार्थी देत आहोत.

            तक्रारदारानी दिले अर्जाप्रमाणे जाबदार क्र.5 यांना ते मयत असलेने सदर तक्रारीतून वगळणेत आले आहे.   सदर तक्रारअर्जात cooperative corporate veil नुसार तक्रारदारांचे पैसे देणेस जाबदार क्र.1 पतसंस्‍था व जाबदार क्र.2 ते 4 व 6 ते 8 यांना हे मंच वैयक्तिक व संयुक्‍तीकरित्‍या जबाबदार धरीत आहे.  सदर बाबतीत आम्‍ही मे. मुंबई उच्‍च न्‍यायालयाच्‍या रिट पिटीशन नंबर 117/2011 मंदाताई संभाजी पवार वि. स्‍टेट ऑफ महाराष्‍ट्र या न्‍यायनिवाडयाचा व त्‍यातील दंडकांचा आधार घेतला आहे.

6.         सबब खालीलप्रमाणे अंतिम आदेश पारित करणेत येत आहेत-

                         आदेश

1.    तक्रारदारांची तक्रार अंशतः मंजूर करणेत येते.

तक्रारदार कु.मेघा चंद्रकांत मोरे हिचे नावे असणारी मुदतठेव खालीलप्रमाणे-

अ.क्र.	मुदतपावती क्र.	मुदतठेव ठेवलेची तारीख	मुदत संपलेची तारीख	रक्‍कम रु.	द.सा.द.शे. दामचौपट रक्‍कम रु.
1	11143	3-8-2002	3-2-2013	4,000/-	16,000/-

 

तक्रारदार कु.सायली चंद्रकांत मोरे हिचे नावे असणारी मुदतठेव खालीलप्रमाणे-

अ.क्र.	मुदतपावती क्र.	मुदतठेव ठेवलेची तारीख	मुदत संपलेची तारीख	रक्‍कम रु.	द.सा.द.शे. दामचौपट रक्‍कम रु.
2	11141	20-9-2002	20-3-2013	8,300/-	33,200/-

 

 

2.    तक्रारदार क्र.1 व 2 यांना कोष्‍टकात दर्शविलेप्रमाणे अ.क्र.1 व 2 च्‍या पावती क्रमांकावरील नमूद रकमेवर मुदत ठेव ठेवले तारखेपासून आदेश पारित तारखेपर्यंत पावतीवरील नमूद व्‍याजदराप्रमाणे सव्‍याज रक्‍कम जाबदार क्र.1 पतसंस्‍था व जाबदार क्र.2 ते 4 व 6 ते 8 यांनी वैयक्तिक व संयुक्‍तीकरित्‍या अदा करावी. 

 

3.       वरील आदेशाचे पालन आदेश पारित तारखेपासून 45 दिवसांचे आत जाबदारांनी करावयाचे आहे तसे न केलेस आदेश पारित तारखेपर्यंत होणा-या एकूण सव्‍याज रकमेवर तक्रारदारांचे हाती रक्‍कम पडेपर्यंत द.सा.द.शे.6 टक्‍केप्रमाणे व्‍याज अदा करावे लागेल. 

4.    जाबदार क्र.1 पतसंस्‍था व जाबदार क्र.2 ते 4 व 6 ते 8 यानी वैयक्तिक व संयुक्‍तीकरित्‍या तक्रारदारांना मानसिक त्रासापोटी रक्‍कम रु.2,000/- तसेच अर्जाचे खर्चापोटी रु.2,000/-अदा करावेत.

 

5.     वरील आदेशाचे पालन आदेश पारित तारखेपासून 45 दिवसाचे आत जाबदार क्र.1 पतसंस्‍था, जाबदार क्र.2 ते 4 व 6 ते 8 यांनी वैयक्तिक व संयुक्‍तीकरित्‍या करावयाचे आहे.  तसे न केलेस तक्रारदार त्‍यांचेविरुध्‍द ग्राहक संरक्षण कायदा कलम 25 व 27 अन्‍वये दाद मागू शकतील. 

 

6.  सदरचा न्‍यायनिर्णय खुल्‍या मंचात जाहीर करणेत आला. 

 

7.  सदर न्‍यायनिर्णयाच्‍या सत्‍यप्रती उभय पक्षकाराना विनामूल्‍य पाठवणेत याव्‍यात.

 

 

ठिकाण- सातारा.

दि. 31-10-2015.

 

        (सौ.सुरेखा हजारे)  (श्री.श्रीकांत कुंभार)  (सौ.सविता भोसले)

           सदस्‍या           सदस्‍य            अध्‍यक्षा.

               जिल्‍हा ग्राहक तक्रार निवारण मंच, सातारा.