(आदेश पारीत व्‍दारा- श्रीमती.चारु वि.डोंगरे, मा.सदस्‍या)

निशाणी क्रं.1 वर आदेश पारीत

     तक्रारदार व त्‍यांचे वकील हजर, सामनेवाला नं.2 तर्फे अॅड.गिरीजा गांधी हजर, सदर प्रकरणात अंतिमतः तडजोड करण्‍याचे अधिकार सामनेवाला नं.2 चे वकील गिरीजा गांधी यांना देण्‍यात आल्‍याबाबतचे अधिकारपत्र निशाणी 39 नुसार दाखल केले आहे. सदरच्‍या अधिकारपत्रानुसार सामनेवाला क्र.2 ने अंतीम तडजोड रक्‍कम रु.5,75,000/- मान्‍य केलेली आहे. सदरहु अधिकार पत्रानुसार सामनेवाला नं.2 व तक्रारदार यांच्‍यामध्‍ये आपापसात अंतीमतः तडजोड झालेली असल्‍याबाबतची पुरशीस निशाणी 40 नुसार दाखल करण्‍यात आली आहे. पुरशीस निशाणी 40 मधील नमुद तडजोडीबाबत तक्रारदार व त्‍यांचे वकील व सामनेवाला नं.2 चे वकील यांची पडताळणी केली असता, नमुद पुरशीस मधील अटी व शर्ती मान्‍य असल्‍याचे कबुल केले आहे. तसेच निशाणी 40 वर तक्रारदार व वकीलांच्‍या सहया आहेत. निशाणी 40 वरील पुरशिसमध्‍ये सामनेवाला नं.2 ने आदेश प्राप्‍त झाल्‍यानंतर 30 दिवसाचे आंत रक्‍कम देण्‍याचे कबुल केले आहे. दोन्‍ही पक्षकारांमध्‍ये आपापसात तडजोड झाल्‍याचे मंचाचे निदर्शनास येते. तक्रारदार यांनी निशाणी 38 नुसार सामनेवाला नं.1 च्‍या विरुध्‍द कुठलिही मागणी व तक्रार नाही. सदरची तक्रार निकाली काढयात यावी अशी पुरशीस दाखल केली आहे. सबब पुरशीस नुसार खालील प्रमाणे निशाणी क्र.1 वर आदेश पारीत करण्‍यात येत आहे.

- आदेश -

1.   तक्रारदार यांची सामनेवाला 1 यांचे विरुध्‍द कुठलिही तक्रार व मागणी नसल्‍याने व तक्रारदारास प्रस्‍तुतची तक्रार चालविणे नसल्‍याकारणाने सामनेवाला नं.1 विरुध्‍द नस्‍तीबध्‍द करण्‍यात येत आहे.

2.   तक्रारदार व सामनेवाला नं.2 यांच्‍यामध्‍ये झालेल्‍या तडजोड पुरशीस निशाणी क्र.40 च्‍या अटी व शर्तीनुसार अमंलबजावणी करावी.

3.   उभय पक्षकार यांनी या तक्रारीचा खर्च स्‍वतः सहन करावा.

4.   उभय पक्षकार यांना या आदेशाची प्रथम प्रत विनामुल्‍य देण्‍यात यावी.

5.   तक्रारदारास या तक्रारीची “ब” व “क” फाईल परत करावी.