जिल्‍हा ग्राहक तक्रार निवारण मंच, सोलापूर.

ग्राहक तक्रार क्रमांक : 601/2010.

                                                      तक्रार दाखल दिनांक : 17/03/2010.      

                                                                  तक्रार आदेश दिनांक : 20/04/2011.   

श्री. सतिश माधव धारुरकर, वय 50 वर्षे, व्‍यवसाय : नोकरी,

रा. प्‍लॉट नं.45, पाटील नगर, विजापूर रोड, सैफूल, सोलापूर.                 तक्रारदार

                        विरुध्‍द

1. पाळंदे कुरिअर प्रायव्‍हेट लिमिटेड, रा. सुभाष चौक, सोलापूर.

   (नोटीस व्‍यवस्‍थापक यांचेवर बजावण्‍यात यावी.)

2. सौ. ललिता बी. बडे, वय सज्ञान, व्‍यवसाय : व्‍यापार, रा. सदर.                  विरुध्‍द पक्ष

                        गणपुर्ती        :-     सौ. संगिता एस. धायगुडे,  अध्‍यक्ष

                              सौ. प्रतिभा प्र. ज‍हागिरदार, सदस्‍य

                              सौ. संजीवनी एस. शहा, सदस्‍य

                   तक्रारदार यांचेतर्फे विधिज्ञ :  जी.एच. कुलकर्णी

                   विरुध्‍द पक्ष यांचेतर्फे विधिज्ञ :- व्‍ही.एच. पाळंदे

आदेश

सौ. संगिता एस. धायगुडे, अध्‍यक्ष यांचे द्वारा :-

1.     तक्रारदार यांची थोडक्‍यात अशी तक्रार आहे की, त्‍यांची भाची प्रसृत होऊन एका मुलीस जन्‍म दिला आहे. बाळासाठी त्‍यांनी विविध प्रकारचे ड्रेस, अंगठी, टोपडी, दुपटे इ. रु.5,500/- रकमेच्‍या वस्‍तु खरेदी करुन ते पार्सल दि.26/7/2010 रोजी विरुध्‍द पक्ष यांच्‍या कुरिअरद्वारे नाशिक येथे पाठविण्‍यास ताब्‍यात दिले. विरुध्‍द पक्ष यांनी तक्रारदार यांच्‍याकडून रु.50/- मोबदला स्‍वीकारुन पावती क्र.2575731 दिली. दोन दिवसांनी पार्सल मिळाले काय ? किंवा कसे ? याबाबत नाशिक येथे फोनद्वारे चौकशी केली असता, ते अप्राप्‍त असल्‍याचे समजले. त्‍यामुळे तक्रारदार यांनी विरुध्‍द पक्ष यांच्‍याकडे वेळोवेळी विचारणा करुनही ते अप्राप्‍त आहे. तक्रारदार यांनी विरुध्‍द पक्ष यांच्‍याकडे तक्रार व स्‍मरणपत्र देऊनही त्‍यांच्‍या पार्सलबाबत नुकसान भरपाई दिली नाही किंवा काही कळविले नाही. त्‍यामुळे तक्रारदार यांनी प्रस्‍तुत तक्रारीद्वारे वस्‍तुची किंमत रु.5,500/-, मानसिक व शारीरिक त्रासापोटी रु.5,000/-, तक्रार खर्च रु.5,000/- व इतर खर्च रु.1,000/- विरुध्‍द पक्ष यांच्‍याकडून वसूल होऊन मिळावा, अशी विनंती केली आहे.

2.    विरुध्‍द पक्ष यांना मंचाच्‍या नोटीसची बजावणी झाल्‍यानंतर ते मंचासमोर हजर झाले, परंतु त्‍यांनी म्‍हणणे दाखल केले नाही. त्‍यामुळे त्‍यांच्‍या कैफियतीशिवाय तक्रार चालविण्‍याचा आदेश करण्‍यात येऊन तक्रार सुनावणीसाठी घेण्‍यात आली. परंतु प्रस्‍तुत प्रकरणी विरुध्‍द पक्ष यांच्‍या अभियोक्‍त्‍यांनी मंचासमोर युक्तिवाद केला आहे.

3.    तक्रारदार यांची तक्रार व त्‍यांनी दाखल केलेल्‍या कागदपत्रांचे अवलोकन करता, तसेच युक्तिवाद ऐकल्‍यानंतर निष्‍कर्षासाठी खालील मुद्दे उपस्थित होतात.

            मुद्दे                             उत्‍तर

1. विरुध्‍द पक्ष  यांनी  तक्रारदार यांना त्रुटीयुक्‍त सेवा

     दिली आहे काय ?                                                                             होय.

2. तक्रारदार नुकसान भरपाई मिळविण्‍यास पात्र आहेत काय ?      होय.       

3. काय आदेश ?                                      शेवटी दिल्‍याप्रमाणे.

निष्‍कर्ष

4.    मुद्दा क्र. 1 ते 3 :- तक्रारदार यांनी दि.26/7/2010 रोजी विरुध्‍द पक्ष यांच्‍यामार्फत जे.एस. गायधनी, नाशिक यांना पार्सल पाठविल्‍याचे पावती क्र.2575731 वरुन निदर्शनास येते. तसेच त्‍याकरिता एकूण रु.50/- मोबदला विरुध्‍द पक्ष यांना दिल्‍याचे रेकॉर्डवर दाखल पावतीरुन दिसून येते. प्रामुख्‍याने, पार्सल इच्छितस्‍थळी म्‍हणजेच नाशिक येथे अप्राप्‍त असल्‍यामुळे त्‍याबाबत विरुध्‍द पक्ष यांच्‍याकडे चौकशी करुनही दखल घेण्‍यात आली नसल्‍याचे तक्रारदार यांनी नमूद केले. त्‍यापृष्‍ठयर्थ त्‍यांनी विरुध्‍द पक्ष यांना नोटीसही पाठविलेली असून सदर नोटीस विरुध्‍द पक्ष यांना प्राप्‍त झाल्‍याची पोस्‍टाची पोहोच रेकॉर्डवर दाखल आहे.

5.    विरुध्‍द पक्ष यांना मंचाची नोटीस प्राप्‍त झाल्‍यानंतर ते मंचासमोर हजर झाले, परंतु त्‍यांनी म्‍हणणे दाखल केले नाही. तसेच त्‍यांनी तक्रारदार यांच्‍या नोटीसला उत्‍तर दिले नसल्‍याचे निदर्शनास येते.

6.    विरुध्‍द पक्ष यांच्‍यावतीने करण्‍यात आलेल्‍या युक्तिवादामध्‍ये वस्‍तु काय होत्‍या ? हे सिध्‍द करण्‍यात आले नसल्‍याचे नमूद केले. वास्‍तविक पाहता, तक्रारदार यांनी काही वस्‍तू खरेदी केल्‍याच्‍या पावत्‍या रेकॉर्डवर दाखल केल्‍या आहेत. तक्रारदार यांनी नाशिक येथे पाठविलेले पार्सल इच्छित स्‍थळी पोहोचले नाही किंवा ते तक्रारदार यांनाही परत मिळालेले नाही. तक्रारदार यांनी ज्‍या विश्‍वासाने पार्सल नाशिक येथे पोहोच करण्‍यासाठी विरुध्‍द पक्ष यांच्‍या ताब्‍यात दिले होते, त्‍या विश्‍वासास पात्र राहून ते सुस्थितीत,  नुकसान न करता व गहाळ न करता पोहोच करण्‍याची विरुध्‍द पक्ष यांची जबाबदारी होती. परंतु विरुध्‍द पक्ष यांनी तक्रारदार यांचे पार्सल गहाळ केलेले आहे आणि त्‍याशिवाय तक्रारदार यांना ते परत मिळवून देण्‍याबाबत किंवा इच्छित स्‍थळी पोहोच करण्‍यासह त्‍यांची किंमत परत करण्‍याबाबत कोणतेही प्रयत्‍न केलेले नाहीत.

7.    मा.सर्वोच्‍च न्‍यायालयाने 'नाथ ब्रदर्स एक्‍झीम इंटरनॅशनल लि. /विरुध्‍द/ बेस्‍ट रोडवेज लि.', 1 (2000) सी.पी.जे. 25 (एस.सी.) या निवाडयामध्‍ये मा.सर्वोच्‍च न्‍यायालयाने असे म्‍हटले आहे की,

                The liability of a carrier to whom the goods are entrusted for carriage is that of an insurer and is absolute in terms, in the sense that the carrier has to deliver the goods safely, undamaged and without loss at the destination, indicated by the consignor. So long as the goods are in the custody of the carrier, it is the duty of the carrier to take due care as he would have taken of his own goods and he would be liable if any loss or damage was caused to the goods on account of his own negligence or criminal act or that of his agent and servants.

8.    तक्रारीची वस्‍तुस्थिती व वरील नमूद न्‍यायिक तत्‍व पाहता, विरुध्‍द पक्ष यांनी तक्रारदार यांचे वस्‍तुचे पार्सल गहाळ करुन सेवेमध्‍ये त्रुटी केल्‍याचे सिध्‍द होते आणि तक्रारदार सदर पार्सलमध्‍ये असणा-या वस्‍तुची किंमत रु.5,500/- दि.26/7/2010 पासून द.सा.द.शे. 9 टक्‍के व्‍याज दराने नुकसान भरपाई स्‍वरुपात मिळविण्‍यास पात्र आहेत, या मतास आम्‍ही आलो आहोत.

9.    शेवटी आम्‍ही खालील आदेश देत आहोत.

आदेश

      1. विरुध्‍द पक्ष यांनी तक्रारदार यांना रु.5,500/- दि.26/7/2010 पासून द.सा.द.शे. 9 टक्‍के व्‍याज दराने या आदेशाच्‍या प्राप्‍तीपासून तीस दिवसाचे आत द्यावेत.

      2. विरुध्‍द पक्ष यांनी तक्रारदार यांना तक्रार खर्चापोटी रु.1,000/- या आदेशाच्‍या प्राप्‍तीपासून तीस दिवसाचे आत द्यावेत.

      3. विरुध्‍द पक्ष यांनी उपरोक्‍त आदेशाची अंमलबजावणी नमूद मुदतीत न केल्‍यास मुदतीनंतर सदर रकमेवर द.सा.द.शे. 12 टक्‍के व्‍याज देय राहील.

 (सौ. संगिता एस. धायगुडे÷)

अध्‍यक्ष

(सौ. प्रतिभा प्र. जहागिरदार)                              (सौ. संजीवनी एस. शहा)

          सदस्‍य                                           सदस्‍य

  जिल्‍हा ग्राहक तक्रार निवारण मंच, सोलापूर.

                    ----00----

(संविक/स्‍व/19411)