जिल्‍हा ग्राहक तक्रार निवारण मंच, धुळे.
ग्राहक तक्रार क्रमांक – ३६/२०१३
तक्रार दाखल दिनांक – ०६/०५/२०१३
तक्रार निकाली दिनांक – २१/०७/२०१४
श्री. चंद्रेश हंसराज शाह
वय – ४८ वर्षे, धंदा – व्‍यापार
राहणार – प्‍लॉट नं.११, श्रीकृष्‍ण कॉलनी,
दोंडाईचा ता.शिंदखेडा जि.धुळे - तक्रारदार
विरुध्‍द
- श्री. अग्रसेन सहकारी पतपेढी, मर्या., धुळे
मॅनेजर श्री.बी.एस. बारी – मॅनेजर
पुर्ती बिल्‍डींग, आग्रा रोड, ता.धुळे
- चेअरमन – श्री.अग्रसेन सहकारी पतपेढी मर्या., धुळे
पुर्ती बिल्‍डींग, आग्रा रोड, ता.धुळे जि.धुळे
- श्री.एन.नि. चौधरी
म.प्रशासक सो.
श्री.अग्रसेन सहकारी पतपेढी मर्या., धुळे
म.उपनिबंधक कार्यालय, धुळे. - सामनेवाले
न्‍यायासन
(मा.अध्‍यक्षा – सौ.व्‍ही.व्‍ही.दाणी)
(मा.सदस्‍य – श्री.एस.एस.जोशी)
उपस्थिती
(तक्रारदारा तर्फे – अॅड.श्री.के.आर. लोहार)
(सामनेवाले तर्फे – एकतर्फा)
निकालपत्र
(द्वाराः मा.सदस्‍य – श्री.एस.एस.जोशी)
१. तक्रारदार यांनी सामनेवाला यांच्‍या पतसंस्‍थेत मुदत ठेव पावती व बचत खात्‍यामध्‍ये गुंतवलेली रक्‍कम मागणी करुनही परत दिली नाही म्‍हणून त्‍यांनी सदरची तक्रार दाखल केली आहे.
२. तक्रारदार यांची थोडक्‍यात अशी तक्रार आहे की, तक्रारदार यांनी सामनेवाले ‘श्री. अग्रसेन सहकारी पतपेढी, मर्या., धुळे या पतसंस्‍थेत मुदत ठेव पावती व बचत खात्‍यात रक्‍कम गुंतविली होती. त्‍याचा तपशील खालील प्रमाणे.
ठेव पावती क्र. ठेव तारीख देय तारीख व्‍याज दर ठेव रक्‍कम देय रक्‍कम
२७/४/०४ २७/८/१० ११% १०,००० २०,०००/-
,
,
३. तक्रारदार यांनी सामनेवाला यांच्‍याकडे वरील देय रक्‍कमेची वेळोवेळी मागणी केली असता सामनेवाला यांनी सदरील रक्‍कम तक्रारदार यांना दिली नाही. सबब तक्रारदार यांनी सामनेवाले यांच्‍याकडून मुदत ठेव पावती व बचत खात्‍यामधील एकूण रक्‍कम रूपये २६,८५९/- व त्‍यापुढील व्‍याज. तसेच आर्थिक, मानसिक, शारीरिक त्रासापोटी प्रत्‍येकी रक्‍कम रूपये १०,०००/- आणि या सर्व रकमेवर, रक्‍कम फिटेपावेतो द.सा.द.शे. १८% प्रमाणे व्‍याज सामनेवाले यांचेकडून मिळावे, यासाठी सदरचा तक्रार अर्ज दाखल करण्‍यात आला.
४. तक्रारदार यांनी आपल्‍या म्‍हणण्‍याच्‍या पुष्‍ट्यर्थ नि.९ वर मुदत ठेव पावती व नि.१० वर बचत खाते पुस्‍तकाची छायांकित प्रत दाखल केलेली आहे.
५. नोटीस मिळूनही सामनेवाला मुदतीत हजर झाले नाहीत व त्‍यांनी खुलासा दाखल केला नाही. त्‍यामुळे त्‍यांच्‍याविरूध्‍द ‘एकतर्फा’ चा आदेश पारीत करण्‍यात आला आहे.
६. तक्रारदार यांचा तक्रार अर्ज, शपथपत्र, पुराव्‍यासाठी दाखल कागदपत्रे पाहता आमच्‍यासमोर निष्‍कर्षासाठी खालील मुद्दे उपस्थित होतात. त्‍याची उत्‍तरे आम्‍ही सकारण देत आहोत.
मुददे निष्‍कर्ष
- तक्रारदार हे सामनेवाले यांचे ग्राहक आहेत काय ? होय
- सामनेवाले यांनी तक्रारदार यांना सेवा देण्‍यात
कसूर केली आहे काय ? होय
- तक्रारदार हे सामनेवाले यांच्‍याकडून देय रक्‍कम
व्‍याजासह आणि मानसिक त्रास व तक्रार अर्जाच्‍या
खर्चापोटी भरपाई मिळण्‍यास पात्र आहेत काय ? होय
ड. आदेश काय ? अंतिम आदेशाप्रमाणे
७. मुद्दा ‘अ’ - तक्रारदार यांनी सामनेवाले यांच्‍याकडे मुदत ठेव पावती व बचत खात्‍यामध्‍ये मध्‍ये रक्‍कम गुंतविली होती. आपल्‍या म्‍हणण्‍याच्‍या पुष्‍ट्यर्थ त्‍यांनी नि.९ वर मुदत ठेव पावती व नि.१० वर बचत खाते पुस्‍तकाची छायांकित प्रत दाखल केलेली आहे. त्‍यावरून तक्रारदार हे सामनेवाले यांचे ग्राहक आहेत हे सिध्‍द होते. म्‍हणून मुददा ‘अ’ चे उत्‍तर आम्‍ही होय असे देत आहोत.
८. मुद्दा ‘ब’- तक्रारदार यांनी तक्रारीचे अनुषंगाने दाखल केलेली कागदपत्रे पाहता, त्‍यांनी पतसंस्‍थेत मुदत ठेव पावती व बचत खात्‍यामध्‍ये रक्‍कम गुंतविली होती ही बाब सिध्‍द होते. तक्रारदार यांनी सामनेवाले यांच्‍याकडे गुंतवलेली रक्‍कम परत करणे हे पतसंस्‍थेचे कर्तव्‍य होते. परंतु मागणी करुनही रक्‍कम दिलेली नाही ही सामनेवाले यांची तक्रारदार यांना द्यावयाच्‍या सेवेतील त्रुटी आहे असे या मंचाचे मत आहे. म्‍हणून मुद्दा ‘ब’ चे उत्‍तर आम्‍ही होकारार्थी देत आहोत.
९. मुद्दा ‘क’ - तक्रारदार यांनी दाखल केलेल्‍या मुदत ठेव पावती व बचत खात्‍यामधील व्‍याजासह होणारी रक्‍कम सामनेवाला पतसंस्‍था, चेअरमन व प्रशासक श्री.अग्रसेन सहकारी पतपेढी, मर्या., धुळे यांच्‍याकडून मिळावी अशी मागणी केलेली आहे. परंतु या संदर्भात मा.मुंबई उच्‍च न्‍यायालय खंडपिठ औरंगाबाद यांनी रिट याचिका क्र.५२२३/०९ सौ.वर्षा रविंद्र ईसाइ विरुध्‍द राजश्री राजकुमार चौधरी या न्‍यायिक दृष्‍टांतामध्‍ये पुढील प्रमाणे मत व्‍यक्‍त केले आहे.
As has been recorded above, I am of the view that a society registered under the provision of Maharashtra Co-operative Societies Act 1960, although can be proceeded against and a complaint under the provision of Consumer Protection Act is entertain able against the society, the Directors of members of the managing committee cannot be held responsible in view of the scheme of Maharashtra Co-operative Societies Act. To hold the Directors of the banks/members of the managing committee of the societies responsible, without observing the procedure prescribed under the Act, would also be against the principles of co-operation, which is the very foundation of establishment of the co-operative societies.
हे शासकीय कर्मचारी असल्‍यामुळे त्‍यांना तक्रारदारांची रक्‍कम देण्‍यास जबाबदार धरता येणार नाही. या सर्व बाबींचा विचार होता तक्रारदार हे सामनेवाले श्री.अग्रसेन सहकारी पतपेढी, मर्या.,धुळे यांचेकडून मुदत ठेव पावतीमधील देय रक्‍कम रूपये २०,०००/- व त्‍यावर दि.२८/०८/२०१० पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज आणि बचत खात्‍यामधील देय रक्‍कम रूपये ६,८५९/- व त्‍यावर दि.१०/०३/२०१० पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज अशी एकूण रक्‍कम मिळण्‍यास पात्र आहेत असे या मंचाचे मत आहे.
तक्रारदार यांनी दाखल केलेल्‍या मुदत ठेव पावती व बचत खात्‍यामधील व्‍याजासह होणारी रक्‍कम सामनेवाले यांच्‍याकडून परत मिळावी म्‍हणून तक्रारदार यांना सामनेवाले श्री.अग्रसेन सहकारी पतपेढी, मर्या.,धुळे यांच्‍या विरुध्‍द या मंचात दाद मागावी लागली आहे. त्‍यामुळे त्‍यांना मानसिक त्रास सहन करावा लागलेला आहे व अर्ज दाखल करण्‍यासाठी खर्चही करावा लागलेला आहे. सबब तक्रारदार हे सामनेवाले यांच्‍याकडून मानसिक त्रासापोटी रु.२०००/- व अर्जाच्‍या खर्चापोटी रक्‍कम रू.१०००/- भरपाई मिळण्‍यास पात्र आहे असे या मंचाचे मत आहे. म्‍हणून मुद्दा ‘क’ चे उत्‍तर आम्‍ही होकारार्थी देत आहोत.
१०. मुद्दा ‘ड’ - वरील सर्व विवेचनावरून पुढील प्रमाणे आदेश पारीत करण्‍यात
येत आहे.
आदेश
१. तक्रारदार यांचा तक्रार अर्ज मंजूर करण्‍यात येत आहे.
२. सामनेवाला श्री.अग्रसेन सहकारी पतपेढी मर्या. धुळे यांनी, सदर आदेशाचे तारखेपासून पुढील तीस दिवसांचे आत तक्रारदार यांना सदर आदेशाचे तारखेपासून पुढील तीस दिवसांचे आत, या निकालापासून ३० दिवसांच्‍या आत खालीलप्रमाणे रकमा द्याव्‍यात.
- मुदत ठेव पावतीमधील देय रक्‍कम रूपये २०,०००/- व त्‍यावर दि.२८/०८/२०१० पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज द्यावे.
(ब) बचत खात्‍यामधील देय रक्‍कम रूपये ६,८५९/- व त्‍यावर दि.१०/०३/२०१० पासून संपूर्ण रक्‍कम फिटेपर्यंत द.सा.द.शे.६ टक्‍के दराप्रमाणे व्‍याज द्यावे.
- मानसिक त्रासापोटी रक्‍कम रू.२,०००/- (अक्षरी रूपये दोन हजार मात्र)
व अर्जाचे खर्चापोटी रक्‍कम रू.१,०००/- (अक्षरी रूपये एक हजार मात्र) द्यावे.
४. वर नमूद आदेशाची अमंलबजावणी (अध्‍यक्ष/संचालक/व्‍यवस्‍थापक/ अवसायक) यापैकी वेळोवेळी जे कोणी पतसंस्‍थेचा कारभार पाहात असतील त्‍यांनी करावी. तसेच आदेश २(अ) मधील रकमेपैकी काही रक्‍कम अगर व्‍याज दिले असल्‍यास, कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
-
-
(श्री.एस.एस. जोशी) (सौ.व्‍ही.व्‍ही. दाणी)
सदस्‍य अध्‍यक्षा
जिल्‍हा ग्राहक तक्रार निवारण मंच धुळे.
