निकालपत्र
निकाल दिनांक – २२/११/२०१९
(द्वारा मा.सदस्‍य : श्री.महेश निळकंठ ढाके)
________________________________________________________
१. तक्रारदाराने ग्राहक संरक्षण कायदा १९८६ कलम १२ प्रमाणे सदर तक्रार दाखल केलेली आहे.
२. तक्रारदाराची तक्रार थोडक्‍यात अशी की, तक्रारदार हे मौजे अंभोरे, ता.संगमनेर, जि.अहमदनगर येथील रहिवासी असुन शेती व्‍यवसाय करतात. तक्रारदाराने त्‍याचे रोजच्‍या वापरासाठी होंडा कंपनीची ड्रीम युगा गाडी जिचा रजि.नं.एम.एच.१७ बी.जी.५१५३ ही गाडी सन २०१५ मध्‍ये राजेंद्र होंडा संगमनेर या शोरूममधुन खरेदी केलेली आहे. गाडी खरेदीचे वेळी तक्रारदाराने रक्‍कम रूपये २५,०००/- चे डाऊनपेमेंट केलेले होते व उर्वरीत रकमेचे सामनेवाला हिंदुजा लेलॅंड फायनान्‍स कंपनीचे कर्ज घेतलेले होते. सदर कर्जाचा हप्‍ता रूपये २,६७८/- याप्रमाणे १८ महिन्‍याची फेड होती. त्‍याचप्रमाणे तक्रारदाराने आरोपी हिंदुजा लेलॅंड या कंपनीचे शिव माधव पार्वती कॉम्‍पलेक्‍स नविन नगर रोड या ठिकाणी असलेल्‍या ऑफिसमध्‍ये कंपनीने नियुक्‍त केलेला प्रतिनिधी नामे राजेश उल्‍हास कडलग रा.जवळे कडलग, ता.संगमनेर, जि.अ.नगर मो.नं.९०९६४५१२५४ यांचेकडे तक्रारदाराने प्रत्‍येक महिन्‍यास सदरचे हप्‍त्‍याची रक्‍कम भरत होता. परंतु तक्रारदार हा शेतकरी कुटुंबातील असल्‍याने आर्थिक अडचणीमुळे तक्रारदाराने पुढील हप्‍ते वेळेत भरले नाही. परंतु तक्रारदाराने अनुक्रमे २२/०८/२०१५, १२/०९/२०१५, २३/१२/२०१५, २७/०१/२०१६, २८/०१/२०१६, २६/०२/२०१६ रोजी प्रत्‍येकी महा रक्‍कम रूपये २,६८०/- चे हप्‍ते भरले व त्‍यानंतर सामनेवाले या कंपनीचे मॅनेजर विनोद गायकवाड मो.नं.८२३७००९९९०८ यांचे तक्रारदारस थकीत हप्‍ते भरण्‍याबाबत फोन येत होते. त्‍यांचे सांगण्‍यावरून तक्रारदाराने दिनांक ०२/०५/२०१६ रोजी रक्‍कम रूपये ६,८२०/- कंपनीने नियुक्‍त केलेले प्रतिनिधी नामे-राजेश कडलग यांचेकडे सामनेवाले कंपनीचे ऑफिसमध्‍ये भरले. त्‍या सर्व व्‍यवहाराच्‍या पावत्‍या तक्रारदाराकडे आहे. तक्रारदाराने सामनेवाले कंपनीशी मुदत पुर्व तडजोड करून तडजोडीमध्‍ये एकुण रक्‍कम रूपये २४,२००/- ठरवुन सदरची रक्‍कम विनोद गायकवाड यांचे सांगणेवरून कंपनीचे नियुक्‍त केलेले प्रतिनिधीनामे राजेश उल्‍हास कडलग यांचेकडे दिनांक २४-०६-२०१६ रोजी ऑफिसमध्‍ये जावुन भरली व तशी पावती नं.सीए०१४५००००३००६ तक्रारदारास दिलेली आहे. अशाप्रकारे तक्रारदाराने सामनेवाले कंपनीचे फायनान्‍सचे संपुर्ण कर्ज फेडलेले आहे. सामनेवाले कंपनीचे प्रतिनिधी यांनी एन.ओ.सी. २० दिवसात येईल असे सांगितले होते. परंतु अद्यापपावेतो तक्रारदारास एनओसी आली नाही व याउलट तक्रारदारास कंपनीमुधन फोन येतो व तुम्‍ही थकबाकीत असलेली रक्‍कम भरलेली नाही, असे सांगितले जाते. सामनेवाले कंपनीचीचे प्रतिनिधी यांचेकडे संपर्क साधला असता त्‍यांनी उडवाउडवीचे उत्‍तरे दिली. त्‍यामुळे तक्रारदाराची फसवणुक झाली आहे, असे लक्षात आलेले आहे. सामनेवाले कंपनीचे नविन नगर रोडवरील ऑफीस बंद झाल्‍याचे समजले. त्‍यामुळे तक्रारदाराने दिनांक २६-०८-२०१६ रोजी सामनेवाले कंपनीची प्रतिनिधी यांचेविरूध्‍द संगमनेर पोलिस स्‍टेशनला फिर्याद दिली. तसेच दिनांक ३०-०८-२०१६ रोजी वकिलामार्फत नोटीस पाठविली असता अद्यापपावेतो तक्रारदारास कर्ज फेडीची एन.ओ.सी. दिली नाही. म्‍हणुन सदर अर्ज या न्‍यायालयात दाखल करणे भाग पडले आहे.
तक्रारदाराने अशी विनंती केली आहे की, तक्रारदाराचे मालकीची होंडाकंपनीची ड्रीम युगा गाडी रजि.नं.एम.एच.१७ डी.जी.५१५३ या गाडीचे सामनेवाले कंपनीकडुन घेतलेले सर्व कर्ज दंडासहीत भरलेले आहे. तरी सामनेवाले कंपनीने तक्रारदारास कर्ज फेडीची एन.ओ.सी. देण्‍याचा सामनेवालेविरूध्‍द हुकुम व्‍हावा. तसेच सदर अर्जाचा खर्च रूपये २०,०००/- सामनेवालेकडुन मिळावा.
३. तक्रारदाराने तक्रारीसोबत नि.२ वर शपथपत्र तसेच नि.५ वर दस्‍तऐवज यादीसोबत एकुण ३ कागदपत्रांच्‍या छायांकीत प्रती दाखल केलेल्‍या आहेत. त्‍यामध्‍ये तक्रारदाराने सामनेवाले कंपनीचे कर्जाचा हप्‍ता भरल्‍याची पावती, तक्रारदाराने सामनेवाले कंपनीला वकिलामार्फत पाठविलेली नोटीस, सामनेवाले क्र.१ यांना नोटीस मिळाल्‍याची पोहच दाखल आहे.
४. सामनेवाले यांनी कैफियत दाखल केली आहे. त्‍यामध्‍ये त्‍यांनी तक्रारदाराची तक्रार खोटी व लबाडीची असुन नाकबुल आहे, असे नमुद केले आहे. वास्‍तविक परिस्थितीमध्‍ये असे कथन केले आहे की, तक्रारदाराने सामनेवालेकडुन घेतलेल्‍या वाहन कर्जाची परतफेड तक्रारदाराने १८ महिन्‍यात दरमहा रक्‍कम रूपये २,६७८/- प्रमाणे करावयाची होती असे ठरले होते. तक्रारदार यांनी उभयतांत ठरलेल्‍या अटी व शर्तींप्रमाणे सामनेवाले यांचे लाभात करारनामा लिहून दिलेला होता. परंतु तक्रारदार हा ठरल्‍याप्रमाणे कर्ज फेड करत नव्‍हता. सामनेवाले कंपनीने वारंवार तक्रारदाराला विनंती करून कर्जाची फेड मुदतीत करण्‍याचे सुचविले. परंतु तक्रारदार यांनी त्‍याकडे दुर्लक्ष केले. अशाप्रकारे तक्रारदाराचे कर्ज खाते थकीत झाले. तक्रारदार हा वेळेत हप्‍ता भरत नसल्‍यामुळे करारातील अटी व शर्तीप्रमाणे व्‍याज व दंडव्‍याजाची आकारणी करण्‍यात आली. तक्रारदाराने कधीही सामनेवाले कंपनीकडे येऊन तडजोड केलेली नाही. तसेच दिनांक २४-०६-२०१६ रोजी कोणतीही रक्‍कम जमा केलेली नाही. सामनेवाले यांनी कोणतीही सेवेत त्रुटी ठेवलेली नाही. त्‍यामुळे सदरचा तक्रार अर्ज खर्चासह फेटाळण्‍यात यावा व सदरील तक्रार अर्जामध्‍ये हजर होऊन कैफियत देण्‍यास भाग पाडले व मनस्‍ताप दिला म्‍हणुन कॉम्‍प्‍ेनसेटरी कॉस्‍टपोटी रक्‍कम रूपये २५,०००/- तक्रारदाराकडुन मिळविण्‍याचा हुकुम व्‍हावा, अशी विनंती सामनेवाले यांनी केली आहे. सामनेवालेने खुलाश्‍याच्‍या पुष्‍ट्यर्थ तक्रारदार यांचा कर्ज खाते उतारा दाखल केला आहे.
५. तक्रारदाराची तक्रार, तक्रारदाराने दाखल केलेली कागदपत्रे, तसेच सामनेवालेने दाखल केलेली कैफीयत व त्‍यांनी दाखल केलेले कागदपत्रे यांचे अवलोकन केले असता मंचासमोर न्‍यायनिर्णयासाठी खालील मुद्दे उपस्थित होतात व त्‍यांचे उत्‍तर आम्‍ही सकारण खालील कारणमिमांसेप्रमाणे देत आहोत.
अ.नं. | मुद्दे | निष्‍कर्ष |
(१) | तक्रारदार हे सामनेवालेचे ग्राहक आहेत काय ? | होय |
(२) | सामनेवाले यांनी तक्रारदारास सेवा देण्‍यात त्रुटी दिली आहे काय ? | नाही |
(३) | आदेश काय ? | अंतिम आदेशाप्रमाणे |
कारणमिमांसा
६. मुद्दा क्र. (१) : तक्रारदाराने होंडा कंपनीची ड्रीम युगा जिचा रजि.नं.एम.एच.१७ बी.जी.५१५३ या वाहनासाठी डाऊनपेमेंट करून उर्वरीत रकमेचे सामनेवाला हिंदुजा लेलॅंड फायनान्‍स कंपनीचे कर्ज घेतलेले होते. याबाबत कर्ज हप्‍ताची पावतीची प्रत तक्रारदाराने नि.५ सोबत दाखल केली तसेच याबाबत उभयपक्षात वाद नाही. यावरून तक्रारदार हे सामनेवाले यांचे ग्राहक हे सिध्‍द होते. म्‍हणुन मुद्दा क्र.१ चे उत्‍तर होकारार्थी देण्‍यात येत आहे.
७. मुद्दा क्र. (२) : तक्रारदाराने सामनेवाले हिंदुजा लेलॅंड फायनान्‍स कंपनीचे कर्ज घेतले होते. कर्जाचे हप्‍ते रूपये २,६७८/- प्रमाणे १८ महिन्‍यांची फेड होती. तक्रारदार हा शेतकरी कुटुंबातील असुन आर्थिक अडचणीमुळे वेळेवर हप्‍ते भरू शकला नाही, असे त्‍याच्‍या तक्रारीत नमुद केले आहे. निशाणी १४ वर तक्रारदाराचे सरतपासाचे शपथपत्र दाखल केले आहे. त्‍याप्रमाणे दिनांक २२-०८-२०१५, २३-१२-२०१५, २७-०१-२०१६, २८-०१-२०१६, २६-०२-२०१६ या तारखांना कर्ज हप्‍त्‍यांची रक्‍कम रूपये २,६८०/- भरली. त्‍यानंर सामनेवाले कंपनीचे मॅनेजर यांनी हप्‍ता भरणेबाबत त्‍यांच्‍या सांगण्‍यावरून दिनांक ०२-०५-२०१६ रोजी ६,८२०/- रूपये कंपनीचे प्रतिनिधी राजेश कडलग यांच्‍याकडे मुदत पुर्व तडजोड रक्‍कम रूपये २४,२००/- भरली व तशी पावती क्र.सीए.१४५००००३००६ तक्रारदाराला दिली. तक्रारदाराने सामनेवाले कंपनीचे फायनान्‍सचे संपुर्ण कर्ज भरले आहे, असे त्‍याच्‍या शपथपत्र पुराव्‍यात म्‍हटले आहे. परंतु सामनेवाले यांनी त्‍यांच्‍या कैफीयतीमध्‍ये तक्रारदार हा ठरल्‍याप्रमाणे कर्ज फेड करत नव्‍हता सामनेवाले कंपनीने वारंवार तक्रारदाराला विनंती करून कर्जाची फेड मुदतीत करण्‍याचे सुचविले. परंतु तक्रारदार यांनी त्‍याकडे दुर्लक्ष केले. अशाप्रकारे तक्रारदाराचे कर्ज खाते थकीत झाले. तक्रारदार हा वेळेत हप्‍ता भरत नसल्‍यामुळे करारातील अटी व शर्तीप्रमाणे व्‍याज व दंडव्‍याजाची आकारणी करण्‍यात आली. तक्रारदाराने कधीही सामनेवाले कंपनीकडे येऊन तडजोड केलेली नाही. तसेच दिनांक २४-०६-२०१६ रोजी कोणतीही रक्‍कम जमा केलेली नाही. सामनेवालेने दाखल केलेल्‍या खाते उतारा-यामध्‍येसुध्‍दा सदर रकमेची कुठलीही नोंद दिसुन येत नाही. तसेच या खाते उता-यावरुन असे दिसुन येते की, तक्रारदाराने कर्जाची सामनेवालेकडे पुर्ण फेड केलेली नाही.
८. तक्रारदाराने सामनेवाले यांच्‍याकडुन कर्ज घेऊन कर्जाची फेड केलेली नाही व कर्ज थकीत असल्‍याचे सामनेवालेने दाखल केलेला खाते उता-याची प्रत यावरून दिसुन येते. त्‍यामुळे सामनेवालेने तक्रारदारास सेवा देण्‍यात त्रुटी दिली नाही, असे मंचाचे मत आहे. यास्‍त्‍व मुद्दा क्र.२ चे उत्‍तर नकारार्थी नोंदविण्‍यात येत आहे.
९. मुद्दा क्र. (३) : मुद्दा क्रमांक १ वरील विवेचनावरून खालीलप्रमाणे आदेश पारीत करण्‍यात येत आहे.
आदेश
१. | तक्रारकर्ताची तक्रार खारीज करण्‍यात येत आहे. |
२. | उभय पक्षकार यांनी तक्रारीचा खर्च स्‍वतः सहन करावा. |
३. | या आदेशाची प्रथम प्रत उभय पक्षकार यांना नि:शुल्‍क देण्‍यात यावी |
४. | तक्रारकर्ता यांना या प्रकरणाची ‘’ब’’ व ‘’क’’ फाईल परत करावी. |
