::: आ दे श :::

                 ( पारीत दिनांक : 07.08.2015 )

आदरणीय सदस्य  श्री कैलास वानखडे, सदस्‍य  यांचे अनुसार

                        ग्राहक संरक्षण कायदा 1986 चे, कलम :27 अन्वये, सादर करण्‍यात आलेल्‍या, सदर तक्रारीमध्ये तक्रारकर्ते यांनी रेकॉर्डवर आज दि. 07/08/2015 रोजी पुरसीस  दाखल केली.  त्यामधील मजकुर येणे प्रमाणे…

     “ तक्रार  क्र. 193/2013 मध्ये दि. 21/10/2014 रोजी ग्राहक मंचाने दिलेल्या निकालानुसार नुकसान भरपाई व खर्च मिळून रु. 7000/- धनादेशाद्वारे आज रोजी 07/08/2015 रोजी तक्रारकर्ते श्रीराम त्र्यंबक व्यास यांना मिळाले.  बुक क्रमांक 008794 चेक क्रमांक 439697 हा आहे.  प्रतिवादी विरुध्दपक्षाला या पुढे प्रकरण चालवायचे नाही हे मी राजीखुशीने आपणास नम्रपणे सुचवितो.  तसेच सदरहू अर्जावर मी आग्रह धरीत नाही म्हणून ही पुर्सिस.  सदर प्रकरण बंद करण्यात यावे ही पुनश्च विनंती.”

            तक्रारकर्ते यांचे उपरोक्त पुरसीसनुसार तक्रारकर्त्याच्या तक्रारीमधील वादाचे पुर्णपणे समाधान झालेले आहे. त्यामुळे सदर तक्रारीतील कार्यवाही कायमची येथेच थांबविण्यात येत असून, सदर तक्रार नस्तीबध्द करण्याचे निर्देश देण्यात येत आहेत व अशा प्रकारे सदर तक्रार कायमची निकाली काढण्यात येत आहे.