::: आ दे श :::

( पारीत दिनांक : 23.03.2016 )

आदरणीय सदस्‍य श्री कैलास वानखडे, यांचे अनुसार

           सदर तक्रार ग्राहक संरक्षण कायदा 1986 चे, कलम : 12 अन्वये, दाखल करण्यात आली आहे.

     प्रस्तुत प्रकरणात तक्रारकर्ते यांचे असे कथन आहे की, विरुध्दपक्षाने तक्रारकर्त्याचा विमा दावा दि. 8/8/2013 रोजी कारण देवून नाकारला.  त्यानंतर तक्रारकर्त्याने वकीलामार्फत कायदेशिर नोटीस विरुध्दपक्षाला पाठविली,  परंतु सदर प्रकरण तक्रारकर्ते यांनी  दि. 14/3/2016 रोजी मंचात दाखल केले.  सदर तक्रारीचे कारण हे दि. 8/8/2013 रोजीच उदभवले असल्यामुळे,  त्या दिवसापासून सदर प्रकरण दोन वर्षाच्या आंत दाखल करणे भाग होते.  नोटीस पाठविण्याच्या तारखेपासून कॉज ऑफ ॲक्शन गृहीत धरता येणार नाही.  सबब सदर तक्रार ही ग्राहक संरक्षण कायद्याच्या कलम 24 (अे) नुसार प्रतिपालनिय नाही,  म्हणून खारीज करण्यात येते.

         सबब अंतीम आदेश येणे प्रमाणे...

                              :::अं ति म  आ दे श:::

1. तक्रारकर्त्याची तक्रार खारीज करण्यात येत आहे.
2. न्यायिक खर्चाबाबत कोणतेही आदेश नाही.

सदर आदेशाच्‍या प्रती उभयपक्षांना निशुल्‍क देण्‍यात याव्‍या.