| Complaint Case No. CC/449/2018 | | ( Date of Filing : 04 Jul 2018 ) |
| | | | 1. NITIN ANANT JACHAK | | R/O. PLOT NO.8, ARVIND SOCIETY, NARENDRA NAGAR, NAGPUR-440015 | | NAGPUR | | MAHARASHTRA |
| ...........Complainant(s) | |
| Versus | | 1. MANAGER/ AUTHORIZED OFFICER, M/S TAJSHREE CARS PVT. LTD. | | TAJSHREE SAI, 1, AJNI CHOWK, WARDHA ROAD, NAGPUR-440015 | | NAGPUR | | MAHARASHTRA | | 2. HONDA CARS INDIA LTD. | | PLOT NO. A-1, SECTOR-40/41, SURAJPUR, KHASNA ROAD, GRATER NOIDA, JILHA GAUTAM BUDDHA NAGAR, UP-210306 | | GAUTAM BUDDHA NAGAR | | UP | | 3. SECRETORY, HIGHWAYS & LOGISTICS DEPARTMENT | | MAHARASHTRA STATE, MINISTRY, MUMBAI-32 | | MUMBAI | | MAHARASHTRA | | 4. SECRETORY, CONSUMER AFFAIRS DEPARTMENT | | MAHARASHTRA STATE, MINISTRY, MUMBAI-32 | | MUMBAI | | MAHARASHTRA |
| ............Opp.Party(s) |
|
|
| Final Order / Judgement | (आदेश पारित व्‍दारा- श्री एस.आर.आजने, मा. सदस्‍य) - तक्रारकर्त्‍याने सदर तक्रार ग्राहक सरंक्षण कायदा १९८६ चे कलम १२ अन्वये दाखल केली असुन तक्रार खालीलप्रमाणे..
- विरुध्‍द पक्ष क्रमांक १ हा विरुध्‍द पक्ष क्रमांक २ होंडा कार कंपनीचा विक्रेता असुन विरुध्‍द पक्ष क्रमांक २ हा होंडा कार कंपनीचा निर्माता आहे. विरुध्‍द पक्ष क्रमांक ३ व ४ हे अनुक्रमे महामार्ग व दळणवळण विभाग, महाराष्‍ट्र राज्‍य मंञालय, मुंबई –३२ तसेच ग्राहक व्‍यवहार विभाग, महाराष्‍ट्र विभाग, मंञालय, मुंबई चे सचिव आहेत. तक्रारकर्त्‍याला एक नविन होंडा सिटी कार एस.व्‍ही.एम.टी. (आय-व्हिंटेज) विकत घ्‍यायचे असल्‍याने त्‍याने विरुध्‍द पक्ष क्रमांक १ ला भेट दिली व त्‍यांचेकडुन सर्व प्रकारच्‍या होंडा कार च्‍या किंमतीचे छापील कोटेशन प्राप्‍त केले. छापील कोटेशन नुसार नविन होंडा सिटी कार एस.व्‍ही.एम.टी. (आय-व्हिंटेज) ची एक्‍स शोरुम किंमत रुपये ९,३८,९५५/- दाखविण्‍यात आली होती त्‍यामध्‍ये इतर लागणारा खर्च सुद्धा नमुद करण्‍यात आला होता. त्‍यानुसार तक्रारकर्त्‍याने दिनांक ११/६/२०१६ च्‍या धनादेशाव्‍दारे रुपये २,३५,०००/-,दिनांक २९/६/२०१६ च्‍या धनादेशाव्‍दारे रुपये १,५०,०००/- बॅंकेतुन कर्ज घेऊन रुपये ६,५०,०००/- असे एकुण रुपये १०,३५,०००/- विरुध्‍द पक्ष क्रमांक २ च्‍या नावे दिले. तक्रारकर्त्‍याने कार विमा स्‍वखर्चाने इतर कंपनीकडुन काढुन घेतला. संपूर्ण रक्‍कम प्राप्‍त झाल्‍यानंतर विरुध्‍द पक्ष क्रमांक २ यांनी तक्रारकर्त्‍यास दिनांक ३०/०६/२०१६ रोजी कार हस्‍तांतरण केली. विरुध्‍द पक्ष क्रमांक १ ने तक्रारकर्त्‍याची कार आर.टी.ओ. विभागाकडुन नोंदणी केली व त्‍याच दिवशी तक्रारकर्त्‍याने सुरक्षीततेचा व सौदर्याच्‍या दृष्‍टीने कार ला सौदर्यीकरण विरुध्‍द पक्ष क्रमांक १ च्‍या प्रतिनीधीकडुन करुन त्‍यापोटी विरुध्‍द पक्ष क्रमांक १ ला रुपये १६,०००/- रोख स्‍वरुपात दिले. त्‍यावेळी विरुध्‍द पक्ष क्रमांक १ च्‍या प्रतिनीधीने पुढील आठ दिवसात कार संबंधी सर्व पक्‍के बिले देण्‍याचे कबुल केले. परंतु आठ दिवसात कार संबंधी सर्व पक्‍के बिले प्राप्‍त न झाल्‍यामुळे तक्रारकर्त्‍याने स्‍वतः विरुध्‍द पक्ष क्रमांक १ च्‍या शोरुममध्‍ये जाऊन सर्व बिले प्राप्‍त केली.
- सर्व पक्‍के बिले प्राप्‍त झाल्‍यानंतर तक्रारकर्त्‍याने बिलाचे अवलोकन केले असता असे निर्दशनास आले की, कारची एक्‍स शोरुम किंमत सर्व करासह रुपये ९,२८,९५५/- एवढी असुन तक्रारकर्त्‍याकडुन कोटेशन नुसार रुपये ९,३८,९५५/- म्‍हणजेच रुपये १०,०००/- अधिकचे घेण्‍यात आले. ही बाब लक्षात येताच तक्रारकर्त्‍याने दुरध्‍वनी वरुन विरुध्‍द पक्ष क्रमांक १ च्‍या प्रतिनीधीस रकमेच्‍या तफावतीबाबत निर्दशनास आणुन दिले. परंतु त्‍यांनी उत्‍तर देण्‍याचे टाळले. त्‍यानंतर तक्रारकर्त्‍याने विरुध्‍द पक्ष क्रमांक १ चे ग्रुप लिडर श्री देशमुख यांचेशी संपर्क साधला. त्‍यावेळेस त्‍यांनी सदर फरकाची रक्‍कम अॅसेसरीज मध्‍ये समायोजीत करण्‍यात आल्‍याचे सांगितले. परंतु तक्रारकर्त्‍याने त्‍याबाबतचे वेगळे पैसे दिल्‍याचे सांगितल्‍यावर त्‍यांनी कागदपञे बघुन कळवितो असे सांगितले. त्‍यानंतर लगेचच दुस-या दिवशी म्‍हणजे दिनांक २८/७/२०१६ रोजी विरुध्‍द पक्ष क्रमांक १ च्‍या प्रतिनीधीने रुपये ८११०/- एवढ्या रकमेचे दिनांक १/७/२०१६ चे एक बिल तक्रारकर्त्‍याच्‍या घरी आणुन दिले. त्‍या बिलात सिट कव्‍हर चा उल्‍लेख करण्‍यात आला. त्‍यावर रकमेच्‍या तफावतीबाबत शेरा नमुद आहे.
- दिनांक २८/७/२०१६ रोजी सिट कव्‍हर च्‍या सदराखाली प्राप्‍त झालेले बिल हा विरुध्‍द पक्ष क्रमांक १ चा वरील प्रकरणात सावरासावरीचा प्रयत्‍न असल्‍याचे तक्रारकर्त्‍याचे लक्षात आले व त्‍यानंतर तक्रारकर्त्‍याने स्‍वतः विरुध्‍द पक्ष क्रमांक १ चे ग्राहक संपर्क अधिकारी श्री रत्‍नाकर यांची भेट घेतली व त्‍यांना घडलेल्‍या प्रकरणाची माहिती दिली. त्‍यावेळेस विरुध्‍द पक्ष क्रमांक १ च्‍या प्रतिनीधीने ग्राहक संपर्क अधिका-यासमक्ष कार बुक करतेवेळी कोणत्‍याही प्रकारचे शुल्‍क न आकारता कारमध्‍ये सिट कव्‍हर व फ्लोअर मॅट लावुन देऊ असे आश्‍वासित केले होते हे कबुल केले. त्‍यावेळेस अधिका-याने फरकेच्‍या रकमेचे इतर आवश्‍यक अॅसेसरीज लावुन देतो असे सांगितले. परंतु दोन दिवसानंतर तक्रारकर्त्‍याने विरुध्‍द पक्ष क्रमांक १ च्‍या अधिका-यास व प्रतिनीधीस अतिरीक्‍त अॅसेसरीज लावायची इच्‍छा नसल्‍याचे कळवुन फरकेची रक्‍कम परत करण्‍याची विनंती केली. त्‍यावेळेसे संबंधीत अधिका-याने फरकेची रक्‍कम परत करण्‍यास काही आवश्‍यक प्रक्रिया करावी लागेल असे सांगुन त्‍याकरीता ३-४ दिवसाचा अवधी मागितला. परंतु त्‍याबाबत विरुध्‍द पक्ष क्रमांक १ ने काहीही कार्यवाही केली नाही म्‍हणुन तक्रारकर्त्‍याने दिनांक १५/१०/२०१६, दिनांक १७/१०/२०१६ व दिनांक २२/१०/२०१६ ला दुरध्‍वनीवरुन निरोप पाठवुन फरकाची रक्‍कम तक्रारकर्त्‍याच्‍या बॅंक खात्‍यात जमा करण्‍याची विनंती केली. परंतु विरुध्‍द पक्ष क्रमांक १ ने कोणत्‍याही प्रकारची त्‍याबाबत कार्यवाही केली नाही त्‍यानंतर तक्रारकर्त्‍याने दिनांक २७/१०/२०१६ रोजी विरुध्‍द पक्ष क्रमांक १ ला नोटीस पाठवुन त्‍याव्‍दारे फरकाची रक्‍कम तक्रारकर्त्‍याच्‍या बॅंक खात्‍यात जमा करण्‍याची विनंती केली. परंतु त्‍याबाबत विरुध्‍द पक्ष क्रमांक १ ने काहीही कार्यवाही केली नाही. त्‍यानंतर तक्रारकर्त्‍याने विरुध्‍द पक्ष क्रमांक २ ला दिनांक २७/१०/२०१६ रोजी नोटीस पाठवितांना त्‍यासोबत विरुध्‍द पक्ष क्रमांक १ ला दिनांक ९/६/२०१८ रोजी पाठविलेली नोटीस जोडुन पाठविली व त्‍याव्‍दारे तक्रारीचे निवारण करण्‍याचे सांगितले. विरुध्‍द पक्ष क्रमांक २ यांनी तक्रारकर्त्‍याला पञ पाठवुन तक्रारीचे निवारण करण्‍याचे आश्‍वासन दिले. परंतु विरुध्‍द पक्ष क्रमांक २ यांनी तक्रारकर्त्‍याचे तक्रारीचे निवारण केले नाही यावरुन हे स्‍पष्‍ट दिसुन येते की, विरुध्‍द पक्ष क्रमांक १ व २ हे संगनमताणे छापील कोटेशन मध्‍ये कारची एक्‍स शोरुम किंमत प्रत्‍यक्ष किंमतीपेक्षा जास्‍त दाखवुन ग्राहकाकडुन अतिरीक्‍त रक्‍कम स्विकारुन ग्राहकाची फसवणुक करतात. तक्रारकर्त्‍याने विरुध्‍द पक्ष क्रमांक १ व २ यांना नोटीस देऊनही त्‍यांनी त्‍याबाबत दखल घेतली नाही करीता तक्रारकर्त्‍याने मा. मंचासमोर तक्रार दाखल करुन खालिलप्रमाणे मागणी केली आहे.
- विरुध्‍द पक्ष क्रमांक १ व २ यांनी तक्रारकर्त्‍यास दोषयुक्‍त व न्‍युनतापूर्ण सेवा दिल्‍याचे घोषित करावे.
- आपसांत संगनमत करुन कारच्‍या मूळ किंमतीपेक्षा त्‍यांच्‍या छापील कोटेशनमध्‍ये कारची जास्‍त किंमत नमूद करुन ग्राहकांकडुन जास्‍तीची रक्‍कम वसूल करण्‍याची विरुध्‍द पक्ष क्रमांक १ व २ ची कृती ही गैरकायदेशीर व ग्राहकांची फसवणूक करणारी असल्‍याचे घोषित करावे.
- विरुध्‍द पक्ष क्रमांक १ व २ ला आदेशीत करावे की त्‍यांनी ग्राहकांकडुन शासनाने ठरवून दिलेली कारची एक्‍स-शोरुम मूळ किंमत सर्व करांसह खरी प्राप्‍त करावी व त्‍यांना निर्देशीत करावे की त्‍यांनी त्‍याच्‍या छापील कोटेशनमध्‍ये नमूद केलेल्‍या किंमतीत व मुळ किंमतीत कोणत्‍याही प्रकारची तफावत नसावी.
- विरुध्‍द पक्ष क्रमांक ३ व ४ ला आदेशीत करावे की कोणत्‍याही प्रकारच्‍या कार निर्मिती व विक्री करणा-या कंपनीला व तिच्‍या वितरकांना कारच्‍या मुळ किंमतीत व छापील किंमतीत कोणतीही तफावत न ठेवता ग्राहकांना कार खरेदी करतांना खरी किंमत कळवावी.
- विरुध्‍द पक्ष क्रमांक १ व २ ला आदेशीत करावे की त्‍यांनी इतर खरेदीच्‍या व्‍यवहारात तक्रारकर्त्‍याकडुन घेतलेली जास्‍तीची रक्‍कम रुपये १०,०००/- द.सा.द.शे. १२ टक्‍के व्‍याजासह दिनांक १/६/२०१६ पासुन परत करावी.
- मानसिक व शारीरिक ञासाकरीता तसेच तक्रारीख खर्च मंजूर करावा.
- विरुध्‍द पक्ष क्रमांक १ ला मंचामार्फत नोटीस पाठविण्‍यात आली परंतु ते प्राप्‍त होऊनही विरुध्‍द पक्ष मंचासमक्ष हजर झाले नाही करीता विरुध्‍द पक्ष क्रमांक १ विरुध्‍द प्रकरण एकतर्फी चालविण्‍याचा आदेश दिनांक २०/१०/२०१८ रोजी पारित करण्‍यात आला.
- विरुध्‍द पक्ष क्रमांक ३ व ४ व तक्रारकर्ता यांच्‍यामध्‍ये कोणतीही देवाणघेवाण न झाल्‍यामुळे ते ग्राहक होत नाही त्‍यामुळे त्‍यांचे विरुध्‍द दाखल करण्‍यात आलेली तक्रार दिनांक १०/०७/२०१८ रोजी अस्विकृत करण्‍यात आली व तसा आदेश पारित करण्‍यात आला.
- विरुध्‍द पक्ष क्रमांक २ च्‍या म्‍हणण्‍यानुसार विरुध्‍द पक्ष क्रमांक २ हा कारचा निर्माता असुन त्‍याचा विरुध्‍द पक्ष क्रमांक १ च्‍या ग्राहकाच्‍या कार विक्रीमध्‍ये काही संबंध नाही. तक्रारकर्त्‍याची तक्रार ही विरुध्‍द पक्ष क्रमांक १ विरुध्‍द असुन ती विरुध्‍द पक्ष क्रमांक २ विरुध्‍द नाही आहे. विरुध्‍द पक्ष क्रमांक २ चा सदर तक्रारीमध्‍ये काही रोल नाही आहे. त्‍यामुळे न्‍यायाच्‍या दृष्‍टीने विरुध्‍द पक्ष क्रमांक २ चे नाव सदर तक्रारीमधुन काढुन टाकण्‍यात यावे. सदर तक्रारीमध्‍ये विरुध्‍द पक्ष क्रमांक २ ही प्रॉपर पार्टी किंवा आवश्‍यक पार्टी नाही आहे कारण तक्रारकर्त्‍याची तक्रार विरुध्‍द पक्ष क्रमांक १ ने तक्रारकर्त्‍याला विकलेल्‍या कार संबंधात आहे. त्‍यामुळे विरुध्‍द पक्ष क्रमांक २ यांचे विरुध्‍द दाखल करण्‍यात आलेली तक्रार खारीज होण्‍यास पाञ आहे.
- विरुध्‍द पक्ष क्रमांक २ यांचे विरुध्‍द सदर तक्रारीमध्‍ये तक्रार दाखल करण्‍याचे कारण उद्भवत नाही. विरुध्‍द पक्ष क्रमांक २ हा कारचा निर्माता असुन त्‍याने उत्‍पादीत केलेली कार त्‍याचे विक्रेता यांना विक्री करतो. सदर कार विक्रेता आणुन संबंधीत ग्राहकांना विकतो. तक्रारकर्ता सेवेतील न्‍युनता किंवा अनुचित व्‍यापार पद्धतीचे उल्‍लंघनाबाबत विरुध्‍द पक्ष क्रमांक २ यांचे विरुध्‍द तक्रार दाखल होऊ शकत नाही. कारण विरुध्‍द पक्ष क्रमांक २ व ग्राहक या दोघांमध्‍ये त्‍याबाबत कोणताही करार (Privity of Contract) झाला नाही. विरुध्‍द पक्ष क्रमांक २ हा निर्माता असल्‍यामुळे तो निर्माता या नात्‍याने कार मधील निर्मिती दोषाबाबत जबाबदार असतो. विरुध्‍द पक्ष क्रमांक २ हा कार विक्री करीत नाही किंवा कोणतीही सेवा विक्री नंतर विरुध्‍द पक्ष क्रमांक १ च्‍या ग्राहकाला देत नाही. सदर प्रकरणात कारमधील निर्मिती दोषाबाबत तक्रार नाही आहे. त्‍यामुळे विरुध्‍द पक्ष क्रमांक २ ला तक्रारीमधील गा-हाण्‍याबाबत जबाबदार धरु नये. विरुध्‍द पक्ष क्रमांक २ यांनी निर्माता व विक्रेता यांचेमधील विक्रेता कराराची प्रत लेखी जबाबासोबत जोडलेली आहे. विरुध्‍द पक्ष क्रमांक २ यांनी लेखी जबाबासोबत राष्‍ट्रीय ग्राहक आयोगाचे न्‍यायनिवाडे सादर केले आहे.
- तक्रारकर्त्‍याने तक्रारीसोबत सादर केलेले दस्‍ताऐवज, प्रतिउत्‍तर, लेखी युक्‍तीवाद व तोंडी युक्‍तीवाद तसेच विरुध्‍द पक्ष क्रमांक २ चे लेखी उत्‍तर व तोंडी युक्‍तीवाद ऐकल्‍यावर निकालीकामी खालिल मुद्दे उपस्थित करुन त्‍यावरील निष्‍कर्षे खालिलप्रमाणे नमुद आहे.
अ.क्र. मुद्दे उत्‍तर - तक्रारकर्ता हा विरुध्‍द पक्षाचा ग्राहक आहे काय ? होय
- विरुध्‍द पक्षाने तक्रारकर्त्‍याला दोषपूर्ण सेवा दिली काय ? होय
- काय आदेश ? अंतिम आदेशाप्रमाणे
कारणमीमांसा - तक्रारकर्त्‍याने विरुध्‍द पक्ष क्रमांक १ यांचेकडुन विरुध्‍द पक्ष क्रमांक २ यांनी निर्मित केलेली नविन होंडा सिटी कार एस व्‍ही एम टी खरेदी करण्‍याकरीता छापील कोटेशन प्राप्‍त केले व विरुध्‍द पक्ष क्रमांक १ यांचेकडुन नविन होंडा सिटी कार एस.व्‍ही.एम.टी. खरेदीपोटी कोटेशन नुसार रुपये १०,३५,०००/- दिनांक २९/६/२०१६ रोजी अदा केले. विरुध्‍द पक्ष क्रमांक १ यांनी होंडा सिटी कार एस.व्‍ही.एम.टी. दिनांक ३०/०६/२०१६ रोजी तक्रारकर्त्‍याला हस्‍तांतरीत केली. तक्रारकर्त्‍याने निशानी क्रमांक २ वर दाखल दस्‍ताऐवजाचे अवलोकन केल्‍यावर हे सिद्ध होते की, तक्रारकर्ता हा विरुध्‍द पक्ष क्रमांक १ चा ग्राहक आहे. विरुध्‍द पक्ष क्रमांक १ ने तक्रारकर्त्‍याला होंडा कार ची पक्‍की बिले हस्‍तांतरीत केली. विरुध्‍द पक्ष क्रमांक १ ने तक्रारकर्त्‍याला दिलेल्‍या बिलाचे अवलोकन केले असता असे निर्दशनास येते की, विरुध्‍द पक्ष क्रमांक १ ने तक्रारकर्त्‍याकडुन होंडा सिटी कार एस.व्‍ही.एम.टी. चे विक्रीपोटी एकुण रुपये ९,२८,९५५/- घेतले (दस्‍तावेज क्रमांक ४) व याव्‍यतीरीक्‍त होंडा कार चे सिट कव्‍हर विक्रीपोटी रुपये ८,११०.०१/- (दस्‍तावेज क्रमांक ६) असे एकूण रुपये ९,३७,०६५/- स्विकारले. विरुध्‍द पक्ष क्रमांक १ यांनी तक्रारकर्त्‍याकडुन होंडा सिटी कारची विक्रीपोटी रुपये १,८९०/- (९,३८,९९५ – ९,३७,०६५) एवढी जास्‍त रक्‍कम स्विकारुन तक्रारकर्ताप्रती अनुचित व्‍यापार पद्धतीचा अवलंब केल्‍याचे मंचाचे स्‍पष्‍ट मत आहे. विरुध्‍द पक्ष क्रमांक २ हा कारचा निर्माता असुन विरुध्‍द पक्ष क्रमांक २ यांनी तक्रारकर्त्‍याला कोणतीही ञुटीपूर्ण सेवा दिल्‍याचे निर्दशनास येत नाही. त्‍यामुळे विरुध्‍द पक्ष क्रमांक २ यांचे विरुध्‍द कोणतेही आदेश नाही.
अंतिम आदेश - तक्रारकर्त्‍याची तक्रार अंशतः मंजूर.
- विरुध्‍द पक्ष क्रमांक १ ला निर्देश देण्‍यात येते की, विरुध्‍द पक्ष क्रमांक १ यांनी तक्रारकर्त्‍याला रुपये १,८९०/- अदा करावे व सदर रकमेवर दिनांक ११/६/२०१६ पासुन द.सा.द.शे. ९ टक्‍के दराने व्‍याज तक्रारकर्त्‍याला प्रत्‍यक्ष रक्‍कम अदा होईपर्यंत अदा करावे.
- विरुध्‍द पक्ष क्रमांक १ ला निर्देश देण्‍यात येते की, मानसिक व शारीरिक ञासापोटी रुपये ३,०००/- व तक्रारीचा खर्च रुपये २,०००/- तक्रारकर्त्‍याला अदा करावे.
- विरुध्‍द पक्ष क्रमांक २ यांचे विरुध्‍द दाखल करण्‍यात आलेली तक्रार खारीज करण्‍यात येत आहे.
- विरुध्‍द पक्ष क्रमांक ३ व ४ यांचे विरुध्‍द दाखल करण्‍यात आलेली तक्रार अस्विकृत करण्‍यात येत आहे.
- वरील आदेशाची पूर्तता आदेशाची प्रत प्राप्‍त झाल्‍याच्‍या तारखेपासून एक महिन्‍याच्‍या आत विरुध्‍द पक्षाने करावी.
- उभयपक्षांना आदेशाची प्रत निःशुल्‍क देण्‍यात यावी.
- तक्रारकर्त्‍याला प्रकरणाची ‘ब’ व ‘क’ फाईल परत करावी.
| |
