प्रस्तुतची तक्रार, ही तक्रारदारांनी पुणे महानरपालिकेच्या आयुक्तांविरुद्ध सेवेतील त्रुटीसंबंधी दाखल केलेली आहे. या तक्रारीतील कथने विचारात घेता, असे दिसून येते की, तक्रारदार यांनी ते जाबदेणार यांचे ‘ग्राहक’ आहेत असे म्हटले आहे, कारण ते टॅक्स देतात. तक्रारदार यांची, जाबदेणार यांनी त्यांना योग्य ती सेवा देली नाही, अशी तक्रार नाही, परंतु तक्रारीतील कथनांनुसार जाबदेणार यांनी शहरातील मुतारींवर जे पत्रे घातलेले आहे, त्याची किंमत अवाजवी आहे. ते स्वत:, स्वत:च्या मिळकतीच्या सुमारे रक्कम रु. 40,000/- टॅक्स देतात. सदर खर्चामुळे त्यांनी दिलेल्या टॅक्सच्या रकमेचा गैरवापर होत आहे. या तक्रारीतील कथनांवरुन असे स्पष्ट होते की, तक्रारदार हे जाबदेणार यांचे ‘ग्राहक’ नाहीत. ज्या कारणासाठी तक्रारदार यांनी टॅक्स दिलेला आहे, त्या कारणासाठी जाबदेणार यांनी तक्रारदार यांना योग्य ती सेवा दिली नाही, अशी तक्रारदार यांची तक्रार नाही. प्रस्तुतचा वाद हा दिवाणी स्वरुपाचा असून, ग्राहक मंचाला हा वाद चालविण्याचा अधिकार नाही. सबब, तक्रारदार यांची तक्रार फेटाळण्यात येते. तक्रारीच्या खर्चाबद्दल कोणतेही आदेश नाही.

 

 

 स्थळ : पुणे