(दिनांक 16.09.2014)

      तक्रारदारांनी प्रस्‍तुतची तक्रार गैरअर्जदार यांचेकडून घेतलेल्‍या महिंद्रा XUV या गाडीतील दोषांबाबत दाखल केली आहे. परंतू तक्रारदारांनी वाहनाची खरेदी पुणे येथून केली आहे. त्‍याच प्रमाणे गाडीचे वेळोवेळी सर्विसिंग देखील पुणे येथूनच केलेले आहे. तक्रारदारांनी गैरअर्जदार यांच्‍या जालना शाखेला तक्रारीत प्रतिपक्ष केले असले तरी त्‍यांनी गाडी खरेदी जालना येथे केलेली नाही अथवा गाडी एकदाही सर्विसिंग अथवा दुरुस्‍तीसाठी जालना शाखेत नेलेली नाही अशा परिस्थितीत या मंचाला प्रस्‍तुत तक्रार चालवण्‍याचे अधिकारक्षेत्र नाही असा निष्‍कर्ष मंच काढत आहे.

      परंतु तक्रारदांरानी या मंचाला तक्रार चालवण्‍याचे अधिकारक्षेत्र आहे या प्रामाणिक समजुतीने इथे तक्रार दाखल केलेली आहे. त्‍यामुळे ही तक्रार दाखल करुन निकाली होण्‍यासाठी लागलेला कालावधी लिमिटेशन अॅक्‍टच्‍या कलम 14 नुसार तक्रार दाखल करण्‍यासाठी दिलेल्‍या मुदतीतून वजा करण्‍यात येत आहे.

      तक्रारदारांची तक्रार अधिकारक्षेत्रा अभावी प्राथमिक अवस्‍थेत फेटाळण्‍यात येत आहे. तक्रारदार योग्‍य त्‍या मंचात तक्रार दाखल करु शकतात.