विद्यमान जिल्‍हा ग्राहक तक्रार निवारण न्‍यायमंच,

                                                                                                                            वाशिम.  

तक्रार क्रमांक  : १८/२०१२                दाखल दिनांक     :२१/०६/२०१२

                               निर्णय दिनांक     :२७/०६/२०१४

                                          निर्णय कालावधी    : ०२ वर्ष ०६ महिने  

तक्रारकर्ता            :  श्रीराम त्र्यंबक कढणे वय अं ३३ वर्ष, धंदा शेती

तक्रारकर्ते यांचे तर्फे   रा.मोहजा रोड, ता.जि.वाशिम 

अॅड.ए.बि.जोशी         

                //  विरुध्‍द   //

विरुध्‍द पक्ष                 : महाराष्‍ट्र राज्‍य परिवहन मंडळ, वाशिम

विरुध्‍द पक्ष यांचे तर्फे   तर्फे आगार व्‍यवस्‍थापक, रा.प.वाशिम

अॅड.आर.के.इंगोले       एस.टी.स्‍टॅंड, वाशिम ता.जि.वाशिम

:::    आ दे श   :::

( पारित दिनांक  :  २७/०६/२०१४ )

आदरणीय अध्‍यक्षा ,मा.सौ.एस.एम.उंटवाले, यांचे अनुसार  : -

१.       ग्राहक संरक्षण कायदा १९८६ चे, कलम : १२ अन्‍वये, सादर करण्‍यात                        

आलेल्‍या, सदर तक्रार प्रकरणातील मजकूर, थोडक्‍यात आढळून येतो तो येणेप्रमाणे,

                                             ..2..                                           तक्रार क्रमांक  : १८/२०१२    

     तक्रारकर्ता हे मोहजा येथील रहिवासी असुन शेती करतात. दि.१५.०५.२०१११ रोजी तक्रारकर्ता यांचा लहान भाऊ  नामे शालीकराम यांचा  विवाह ठरला सदर विवाह हा मुलीच्‍या गावी आसोला ता.रिसोड येथे ठेवण्‍यात आला. त्‍या ठिकाणी जाण्‍या-येण्‍या करिता आवश्‍यकतेप्रमाणे विरुध्‍दपक्ष यांचे कडे सत्‍यस्थिती सांगीतली व त्‍यानुसार दोन एस.टी.बसेस ची बुकींग केली. त्‍यानुसार विरुध्‍दपक्ष यांनी तक्रारकर्त्‍याच्‍या काही को-या प्रिटेंड अर्जावर सहया घेतल्‍या त्‍यानंतर दोन बसेसचे अमानत/अॅडव्‍हांस रक्‍कम म्‍हणून रु.१८,०००/- प्रासंगिक/नैमित्तिक कराराप्रमाणे व इतर तक्रारकर्ते कडुन  भरवून घेतली, त्‍यांची पावती क्र.००१०२८ दि.१८.०४.२०११ अशी आहे. करार संपल्‍यावर हिशोब करुन या अमानत रक्‍कमेमधून उर्वरित रक्‍कम परत केल्‍या जाईल असे ठरले. तसेच जाण्‍याची वेळ स.१० : ०० व परत येण्‍याची वेळ रात्री ९ : ३० ही ठरली.

     दि.१५.०५.२०१२ रोजी दोन्‍ही बसेस नियोजित वेळे पेक्षा एक तास उशिरा आल्‍या. सदर बसेस हया अत्‍यंत जुन्‍या व गैरसोयीच्‍या होत्‍या. त्रास सहन करित वराती हे लग्‍न ठिकाणी पोहचले. सदर दोन्‍ही बसेस परत निघून गेल्‍या व परत वराती घ्‍यायला रात्री ९ : ३० वाजता येणार असे सांगितले.

     विवाह व इतर सर्व कार्यक्रम आटोपले सर्व परत मोहजा रोड जाण्‍यास तयार बसले होते. परंतु ठरलेल्‍या वेळेवर विरुध्‍दपक्षाव्‍दारे कोणतीच बस आली नाही. सर्व वराती हे रात्री-बेरात्रीचे व अंधारात वाट पाहत बसले. त्‍यानंतर

                                             ..3..                                           तक्रार क्रमांक  : १८/२०१२    

तक्रारकर्त्‍यांनी दुरध्‍वनीव्‍दारे संपर्क केला परंतु केवळ टाळाटाळ करणारे उत्‍तर  मिळाले. बसेस येण्‍यास उशिर झाल्‍यामुळे वराती तहान व भुकेने व्‍याकुळ झाले

होते, त्‍याकरिता इतर ठिकाणाहून चहा-पाण्‍याची, इ.सोय करावी लागली. शिवाय वर पक्षाचे हसु झाले. तसेच अत्‍यंत मानसिक,शारिरीक व आर्थिक त्रास व नुकसान सहन करावे लागले. सदर बसेस ठरलेल्‍या वेळेच्‍या एक ते दिड तास उशिरा आल्‍या.

     प्रासंगिक/नैमित्तिक करार संपल्‍यानंतर तक्रारकर्ता बरेचवेळा विरुदपक्षयांचे कडे हिशोब करुन उर्वरित रक्‍कम परत मागण्‍याकरिता गेला असता, त्‍यावेळी विरुदपक्ष यांनी त्‍यांना साहेब नाहीत, नंतर या, अदयाप हिशोब केला नाही, ऑडीट चालु आहे. इत्‍यादी कारणे सांगुन आज पर्यंत हिशोब  व उर्वरित रक्‍कम परत केली नाही. विरुदपक्ष यांनी दि.०२.०४.२०१२ जा.क्र./रा.प./आ.व्‍या./ वाशिम/प्रा.क्र./२७८२ प्राप्‍त दि.२१.०५.२०१२ रोजी तक्रारकर्ता यांचेकडे अकारण रक्‍कम रु.६,४६९/- चे वसुलीचे पत्र पाठविले. पत्रामध्‍ये नमुद केलेली रक्‍कम कशाबाबत आहे, का वसूल करण्‍यात येत आहे. या बाबत पत्रामध्‍ये कोणताही खुलासा दिलेला नव्‍हता. दि.०१.०६.२०१२ लेखी स्‍वरुपात नोटीस पाठवुन प्रत्‍युत्‍तर दिले तसेच हिशोब व उर्वरित रक्‍कम मागणी केली. परंतु विरुदपक्ष यांचेकडून कोणतेही उत्‍तर मिळाले नाही. म्‍हणुन तक्रारकर्त्‍याची विनंती की,  तक्रार मंजुर व्‍हावी, विरुध्‍दपक्षाने सेवेमध्‍ये कसूर व अनुचित व्‍यापारप्रथेचा अवलंब केल्‍याचे घोषीत व्‍हावे, तसेच दि.१८.०४.२०११ रोजी जमा केलेल्‍या  रक्‍कमेचा हिशोब करुन उर्वरित रक्‍कम वरील तारखेपासून १८% द.सा.द.शे. प्रमाणे व्‍याजासह व विरुध्‍दपक्ष यांनी उर्वरित रक्‍कम परत न केल्‍यामुळे व उलट वाईट उदेशाने

                       ..४..           तक्रार क्रमांक  : १८/२०१२   

गैरकायेदेशिर रित्‍या वसूली तक्रारकर्त्‍याकडूनच करण्‍याबाबत पत्र पाठविल्‍यामुळे तक्रारकर्ता व त्‍यांच्‍या कुटूंबीयांना झालेल्‍या अप्रतिष्‍ठा व शारिरिक व मानसिक

त्रासाबद्दल नुकसान भरपाई म्‍हणून रक्‍कम रु.५०,०००/- विरुध्‍दपक्षाने तक्रारकर्त्‍याला देण्‍याचा आदेश व्‍हावा ही विनंती केली.

सदर तक्रार तक्रारकर्ते यांनी शपतेवर दाखल केलेली असुन त्‍या सोबत एकुण ५ दस्‍ताऐवज पुरावे म्‍हणुन दाखल केलेले आहे.

2)   विरुध्‍द पक्षाचा लेखी जवाब :- विरुध्‍द पक्षाने त्‍यांचा लेखी जबाब  (निशाणी 11 ) दाखल करुन बहुतांश विधाने नाकबूल केली आहे. त्‍याचा थोडक्‍यात आशय असा,  दि.१५.०५.२०११ रोजी लेखी करारा नुसार दोन बसेस प्रासंगिक करारा करीता दि.१५.०५.२०११ रोजी तक्रारकर्त्‍याला लग्‍नासाठी देण्‍याचा करार केला होता. बसेस करारा प्रमाणे सकाळी १० वा मोहजा येथे पोहोचतिल व बसेस आगारामध्‍ये पोहचण्‍याची वेळ रात्री १२ वा., असेल असे करारा नुसार ठरले होते. तक्रारकर्त्‍याने त्‍यांच्‍या स्‍वतःच्‍या हस्‍तांक्षरात व सहीनिशी अर्ज  व करारनामा भरुन दिला होता. त्‍यावरील शर्ती व अटी वाचून समजुन घेऊन त्‍यावर स्‍वाक्षरी करुन विरुध्‍दपक्षाशी करार केला होता. ठरलेल्‍या तारखेला व वेळेवर दोन्‍ही बसेस मोहजा येथे पोहचल्‍या, मोहजा येथून आसोला येथे व-हाडी मंडळीला सुखरुप लग्‍न ठिकाणी पोहोचऊन बसेस परत आपल्‍या दैनंदिन फे-या मारण्‍या करीता परत आल्‍यात व तक्रारकर्त्‍याच्‍या विनंतीवरुन व करारनाम्‍या नुसार पुन्‍हा दोन्‍ही बसेस रात्री ९ : ३० वा आसोला येथे परत आणण्‍यास गेल्‍या. परंतु लग्‍नाच्‍या नंतरच्‍या विवाहातील इतर कार्यक्रमांमुळे विलंब झाला तक्रारकर्त्‍याच्‍या चुकीमुळे गाडया रात्री २ : ३० वा आगारामध्‍ये परत पोहचल्‍या. करारा नुसार दोन्‍ही गाडया

                       ..५..           तक्रार क्रमांक  : १८/२०१२   

रात्री १२ पर्यंत आगारात पोहचणे अपेक्षीत होते.  महा मंडळच्‍या नियमा नुसार व करारा नुसार दोन्‍ही बसेस रात्री १२ च्‍या नंतर अडीच तास उशिरा पोहचल्‍यामुळे

प्रत्‍येक गाडीवर परिपत्रका प्रमाणे दररोजचा किमान आकार रु.५,६००/- प्रत्‍येकी म्‍हणजे एकुण ११,२००/- व त्‍यावर खोळंबा आकार प्रत्‍येकी ८८०/- एकुण रु.१७६०/- असे एकुण रु.१२,९६०/-व दोन्‍ही चालकांचा प्रत्‍येकी भत्‍ता रु.१५०/- एकुण रु.३००/- असे पुर्ण रु.१३,२६०/-एवढी रक्‍कम विरुध्‍दपक्षाला गाडया निर्धारित वेळेत परत आल्‍या असत्‍या तर घेणे होते.  परंतु गाडया निर्धारित वेळे पेक्षा उशिरा आल्‍यामुळे दुस-या दिवशीचे किमान भाडे रु.५,६००/- प्रत्‍येकी एकुण रु.११,२००/- एवढे अतिरिक्‍त लागले व तक्रारकर्त्‍याची विरुध्‍दपक्षाकडे जमा असलेली रक्‍कम रु.४,५००/- वजा करता तक्रारकर्त्‍याकडे रु.६,४६०/- घेणे बाकी आहेत. म्‍हणुन तक्रारकर्त्‍याला उर्वरित रक्‍कमेची मागणी केली त्‍यावर चिडुन जाऊन व पैसे देण्‍यास टाळा-टाळा करण्‍याचे उद्देशाने चुकीची तक्रार दाखल केली. विरुध्‍दपक्षाचा लौकीक हा देशभरात आहे तक्रारकर्त्‍याने केलेल्‍या खोटया व खोडसाळपणाच्‍या तक्रारीमुळे विरुध्‍दपक्षाला मानहाणी झालेली असुन त्‍यामुळे  अप्रतिष्‍ठा झाल्‍यामुळे कॉम्‍प्‍ेसेटरी कॉस्‍ट म्‍हणुन रु.५०,०००/- तक्रारकर्त्‍याने विरुध्‍दपक्षाला देणे बाबत आदेश व्‍हावा तसेच तक्रारकर्त्‍याकडे असलेली रक्‍कमरु.६,४६०/- विरुध्‍दपक्षाला देणे बाबत त्‍वरीत आदेश व्‍हावा हि मागणी केली.

3)   कारणे व निष्कर्ष ः-

      उभय पक्षांचे वकीलांनी तोंडी युक्तिवाद केला. सदर प्रकरणातील संपूर्ण

                                             ..6..                                           तक्रार क्रमांक  : १८/२०१२    

तसेच दाखल केलेल्‍या कागदपत्रांचे अतिशय काळजीपूर्वक अवलोकन करुन सखोल विचार केला असता, असे निदर्शनास येते की,

१.     तक्रारकर्त्‍याने विरुध्‍दपक्षाकडे रु.१८,०००/- अग्रीम रक्‍कम भरुन घेतल्‍या बाबत पावती क्र.००१०२८ ची सत्‍यप्रत वि.न्‍यायमंचात दाखल केली. विरुध्‍दपक्षाला सदरहु रक्‍कम स्विकारल्‍या बाबत मान्‍य आहे. तक्रारकर्ता व विरुध्‍दपक्षामधे झालेल्‍या करारा प्रमाणे दि.१५.०५.२०११ रोजी तक्रारकर्त्‍याच्‍या लहान भावाच्‍या विवाहा निमित्‍य दोन एस.टी. बस विवाह ठिकाणी म्‍हणजेच मौजे असोला ता. रिसोड येथे जाण्‍या करीता पुरविण्‍यात आल्‍या. तक्रारकर्त्‍याने प्रतिउत्‍तर प्रतिज्ञालेख (निशानी १२ व १३ ) मध्‍ये सांगितलेकी सदरहु एस.टी.बसेस वेळेवर आल्‍या नाहीत व त्‍या कारणाने त्‍यांना अतोनात त्रास मानहानी व गैरसोय सहन करावी लागली.

२.       विरुध्‍दपक्षाच्‍या म्‍हणन्‍या नुसार गाडीवर परिपत्रका प्रमाणे दररोजचा किमान आकार रु.५,६००/- प्रत्‍येकी म्‍हणजे एकुण ११,२००/- व त्‍यावर खोळंबा आकार प्रत्‍येकी ८८०/- एकुण रु.१७६०/- असे एकुण रु.१२,९६०-व दोन्‍ही चालकांचा प्रत्‍येकी भत्‍ता रु.१५०/- एकुण रु.३००/- असे पुर्ण रु.१३,२६०/-एवढी रक्‍कम विरुध्‍दपक्षाला गाडया निर्धारित वेळेत परत आल्‍या असत्‍या तर घेणे होते. परंतु   विवाह समारंभात उशिर झाल्‍यामुळे दोन्‍ही एस.टी.बसेस रात्री उशिरा २:३० वाजता बस अगारात परत पोहचल्‍या त्‍या कारणाने परिपत्रका प्रमाणे दुस-या दिवशीचे  किमान भाडे रु.५६००/- प्रत्‍येकी  एकुण रु.११२००/- एवढे अतिरिक्‍त भाडे

                                               ..7..                                           तक्रार क्रमांक  : १८/२०१२    

लागले. तक्रारकर्त्‍याने अगर विरुध्‍दपक्षाने उभयपक्षास झालेल्‍या कराराची प्रत दाखल केली नाही. तसेच  दोन्‍ही एस.टी. बसेस हया उशिरा रात्री २:३० वाजता आगारात दाखल झाल्‍या बाबत आवक-जावक नोंद वहीची प्रत अथवा  लॉग बुक पुरावा म्‍हणुन सादर केलेला दिसुन येत नाही. किंवा एस.टी.चालकांचा पुरावा दाखल केला नाही त्‍यामुळे विरुध्‍दपक्षाचे कथन मान्‍य करता येणार नाही.  

उभयपक्षाचे युक्‍तीवाद व दाखल केलेल्‍या सर्व दस्‍तऐवजांचे सखोल अवलोकन केले असता या न्‍याय मंचाच्‍या असे निर्दशनास आले कि, विरुध्‍दपक्षाने तक्रारकर्तेचे उर्वरीत रक्‍कम म्‍हणजेच करारापोटी जमा केलेली रक्‍कम रु.१८,०००/- वजा १३,२६०/- करुन रु.४,७४०/- दिलेली नाही. उलट विरुध्‍दपक्षाने तक्रारकर्त्‍यास नोटीस देवुन रु.६,४६९/-या रक्‍कमेची  मागणी केली हे योग्‍य नाही. तक्रारकर्त्‍याने त्‍याची उर्वरीत रक्‍कम  वेळोवेळी मागणी केल्‍यानंतर देखील  त्‍यास विरुध्‍दपक्षाने टाळाटाळ करुन त्‍याला मानसीक व शारिरीक  त्रास दिला. विरुध्‍दपक्षाने करारा प्रामाणे तक्रारकर्त्‍यास योग्‍य ती सेवा न पुरवून आपल्‍या सेवेमध्‍ये न्‍युनता व कसुर केला आहे.  अश्‍या निष्‍कर्षाप्रत हे न्‍याय मंच आलेले आहे.

     सबब खालील प्रमाणे अंतीम आदेश पारीत करण्‍यात आलेला आहे.

अंतीम आदेश

1.        तक्रारकर्त्‍याची तक्रार अंशतः मंजुर करण्‍यात येत आहे.

2.        विरुध्‍दपक्ष यांनी दि.१८.०४.२०११ रोजी तक्रारकर्तेयांनी जमा केलेल्‍या

           रु.१८,०००/- रकमेपैकी, उर्वरीत रक्‍कम म्‍हणजेच रु.४,७४०/-

         (अक्षरी, चार हजार सातसे चाळीस) ही प्रकरण दाखल ता.२१.०६.२०१२

                                               ..८..                                           तक्रार क्रमांक  : १८/२०१२    

पासुन प्रत्‍यक्ष  रक्‍कम  अदाई पर्यन्‍त  द.सा.द.शे ६% व्‍याज

          दराने  दयावी.                                        

३.       तक्रारकर्त्‍याला झालेल्‍या शारीरीक, मानसीक, आर्थिक नुकसानीपोटी

          रु.५०००/- (अक्षरी,पाच हजार) व तक्रारीचा खर्च रु.२०००/-

          (अक्षरी, दोन  हजार) विरुध्‍दपक्ष यांनी तक्रारकर्तेयांना दयावा.  

६.        विरुध्‍दपक्ष यांनी आदेशाचे पालन आदेश प्रत मिळाल्‍यापासुन

          ४५   दिवसाचे आत करावे.  

६.        उभयपक्षकारांना आदेशाची प्रत निःशुल्‍क देण्‍यात यावी.

दि�.२7.०६.२०१४

स्‍टेनो/गंगाखेडे