निशाणी नं.१ वरील आदेश

(१)       सामनेवाले यांनी सेवेत त्रुटी केली आहे असे नमूद करुन, चुकीचे बिल रद्द करुन मिळावे, थकलेल्‍या बिलाची आकारलेली दंडाची रक्‍कम अतिरिक्‍त घेतलेली परत मिळावी या मागणीसाठी तक्रारदार यांनी सदरची तक्रार ग्राहक संरक्षण कायदा कलम १२ अन्‍वये या मंचात दाखल केली आहे. 

(२)       सदर प्रकरणी मंचासमोर कामकाज सुरु असतांना दि.०१-०७-२०१४ रोजी तक्रारदार यांनी नि.नं. १४ वर पुरसीस दाखल केली आहे.  त्‍यात त्‍यांनी “एम.एस.सी.बी. कंपनी धुळे यांच्‍या कार्यालयात आपसात तडजोड झालेली आहे. त्‍याप्रमाणे त्‍यांनी पुढील बिलात अॅडजेस्‍ट केले आहे. माझा एम.एस.सी.बी. चा वाद मिटलेला आहे.  त्‍यामुळे मी स्‍वताहून माझी तक्रार काढून घेत आहे” असे नमूद केले आहे व त्‍यावर त्‍यांची स्‍वाक्षरी आहे.

(३)       तक्रारदाराने दाखल केलेल्‍या पुरसीसचे अवलोकन करता, तक्रारदार व सामनेवाले यांच्‍यात मंचाबाहेर आपसात सामंजस्‍याने तडजोड झाली असून, उभयतात कोणताही वाद शिल्‍लक राहिला नसल्‍याचे स्‍पष्‍ट होते.  त्‍यामुळे तक्रारदारांच्‍या तक्रारीचे निवारण झाले असल्‍याने सदर प्रकरण निकाली काढणे योग्‍य होईल असे मंचाचे मत आहे.   सबब तक्रारदारांची पुरसीस मंजूर करण्‍यात आली असून, खालील प्रमाणे आदेश करण्‍यात येत आहे.   

आदेश

 (अ)  तक्रारदार यांची तक्रार निकाली काढण्‍यात येत आहे. 

      (ब)  तक्रार अर्जाचे खर्चाबाबत कोणताही आदेश नाही. 

धुळे.

दिनांक : ०१-०७-२०१४            

             (सौ.के.एस.जगपती)   (श्री.एस.एस.जोशी)     (सौ.व्‍ही.व्‍ही.दाणी)

                   सदस्‍या            सदस्‍य        अध्‍यक्षा

                        जिल्‍हा ग्राहक तक्रार निवारण मंच, धुळे.