द्वारा- श्रीमती. स्‍नेहा म्‍हात्रे, अध्‍यक्षा

         तक्रारदारातर्फे वकील श्री.विनोद सकपाळ हजर. सामनेवाले 1 ते 3 करीता प्रतिनिधी श्री.सर्यकांत अधाटे हजर व श्री.सौरव चौधरी हजर त्‍यांना सदर प्रकरणामध्ये सामनेवाले यांनी दिलेली मेमोरंडम ऑफ अॅथोरायजेशन अभिलेखावर उपलब्‍ध आहे. सदर प्रकरण तक्रारदारांनी तक्रारीत नमूद दुरध्‍वनी क्र.22817743 च्‍या जोडणी बाबत तक्रारदारांना तक्रारीत नमूद केल्‍याप्रमाणे असलेल्‍या आक्षेपाबाबत तसेच सदर क्रमांकाबाबतचा दुरध्‍वनी चालू नसल्‍यामुळे दाखल केली होती. आज रोजी तक्रारदाराचे वकील श्री.सकपाळ यांनी सामनेवाले क्र. 1 एमटीएनएल यांनी तक्रारदाराच्‍या वर नमूद दुरध्‍वनी क्र.22817743 पुन्‍हा जोडून दिला असून त्‍याची सेवा ते तक्रारदारांना देत असल्‍याने सामनेवाले 1 ते 3 यांच्‍या विरुध्‍द दाखल केलेली प्रस्‍तूत तक्रार तक्रारदारांना विनाशर्त मागे घ्‍यावयाची असल्‍याचे नमूद करुन त्‍यांनी त्‍याकामी अर्ज दाखल केला. सदर अर्जासह त्‍यांनी मिलन भिसे अॅन्‍ड कं.यांनी त्‍यांचे लेटर हेडवर दि.18.04.2022 रोजी वकील श्री. अमित भावे व वकील श्री. विनोद सकपाळ यांचे नावे लिहिलेल्‍या प्रस्‍तूत तक्रार मागे घेण्‍याबाबतच्‍या दिलेल्‍या सुचनेचे पत्राची प्रत जोडली आहे. त्‍याखाली तक्रारदाराची स्‍वाक्षरी दिसून येते. वर नमूद कारणास्‍तव प्रस्‍तूत तक्रार मागे घेण्‍यास तक्रारदारांना परवांनगी देण्‍यात येते. प्रकरण मागे घेतल्‍याने निकाली काढण्‍यात येते. खर्चाबाबत आदेश नाहीत.