आदेश

(मंचाचे निर्णयान्वये, सादिक मो. झवेरी (सदस्य))

पारित दि. 30/03/2017

                                          ग्राहक संरक्षण कायदा 1986 कलम १२ अंतर्गत अर्जदार श्री. नीलकंठ लहूजी देशमुख, यांनी या मंचामद्धे दि. 17/01/2017 ला ग्राहक तक्रार क्र. 1/2017 दाखल केले. सदर प्रकरणामद्धे दि. 23/01/2017 अर्जदार तर्फे प्राथमिक सुनावणी ऐकण्यात आली. तक्रार स्वीकृत करून गैरअर्जदारास नोटीस काढण्यात आले.

                                          सदर तक्रार या मंचामद्धे सुरु असतांना अर्जदार तर्फे दाखल केलेले सदर तक्रार CC/1/2017 या न्यायमंचाच्या क्षेत्रात येत नाही व चंद्रपूर ग्राहक मंच क्षेत्रात येत असल्यामुळे, सदर अर्ज परत घेऊन चंद्रपूर न्यायमंचामद्धे दाखल करण्याची परवानगी अर्ज अर्जदाराने दि. 27/03/2017 ला दाखल केले असल्यामुळे व सदर अर्जावर दि. 30/03/2017 ला अर्जदारद्वारे न्यायमंचासमोर तोंडी दरखास्त करून सदर अर्ज मंजूर करून प्रकरण परत करण्यास विनंती केली असल्यामुळे, सदर प्रकरण अर्जदाराच्या विनंतीवरून चंद्रपूर न्यायमंचामद्धे दाखल करण्याची परवानगी सह सदर तक्रार परत घेण्याची मंजुरी हे न्यायमंच देत आहे.

                                        वरील विवचनावरून या न्यायमंचमद्धे खालील अंतिम आदेश पारीत करण्यात येत आहे.

अंतिम आदेश

1. अर्जदाराच्या विनंतीवरून प्रकरण परत घेऊन चंद्रपूर न्यायमंचामद्धे दाखल करण्याची परवानगी देण्यात येत आहे. (Application Disposed By Way of Withdraw)
2. अर्जदाराच्या मूळ तक्रार मद्धे असलेले दस्तावेज नक्कल प्रत घेऊन परत करण्यात यावे.
3. दोन्ही पक्षांनी आप आपला खर्च स्वतः सोसावा.
4. आदेशाची प्रत दोन्ही पक्षांना विनामूल्य देण्यात यावी.