ग्राहक तक्रार अर्ज क्र. 1399/2010
दाखल दिनांक. 18/10/2010
अंतीम आदेश दि. 20 /02 /2014
अतिरीक्त जिल्हा ग्राहक तक्रार निवारण न्यायमंच, जळगाव.
गोपीचंद इंडस्ट्रीज तर्फ, तक्रारदार
प्रो.प्रा. सुभाष गोपीचंद पाटील, (अॅड.वाय.एस.पाटील)
उ.व. 48, धंदा – व्यवसाय,
रा. प्लॉट नं. डी 78, एम.आय.डी.सी. एरीया,
जळगांव, ता.जि.जळगांव,
विरुध्द
कार्यकारी अभियंता, सामनेवाला
महाराष्ट्र राज्य वीज वितरण कं. (कोणीही नाही)
जळगांव विभाग, जळगांव.
निशाणी क्र. 01 वरील आदेश
मिलींद.सा.सोनवणे, अध्यक्ष – प्रस्तुत केसचे रेकॉर्ड पाहाता असे दिसून येते की, तक्रारदार व त्यांचे वकील तक्रार दाखल केल्या नंतर व आमच्या पुर्वाधिकारी मंचाने दि. 18/11/2010 रोजी, नि. 5 खालील मनाई हुकूम जारी केल्या नंतर सातत्याने गैरहजर आहेत. सामनेवाल्यांना मंचाने काढलेली नोटीस बजावणी साठी तक्रारदारांनी स्टेप्स घेतलेल्या नाहीत. त्या कामी नेमलेल्या प्रत्येक तारखांना ते सतत गैरहजर आहेत. आज रोजी देखील नेमलेल्या तारखेस तक्रारदार व त्यांचे वकीलांचा पुकारा केला असता ते आजही गैरहजर आहेत. तक्रारदाराची व त्यांचे वकीलांची प्रस्तुत कामी सततची गैरहजेरी पाहता तक्रारदारास त्यांची तक्रार पुढे चालविण्यात काहीएक स्वारस्य राहीले नसल्याचे स्पष्ट होते. परिणामी, तक्रारदाराची तक्रार ग्राहक संरक्षण कायदा, 1986 च्या कलम 13 (2) (सी) अन्वये त्याच्या अधिकारास बाधा न येता फेटाळण्यास पात्र आहे. परिणामी आमच्या पुर्वाधिकारी मंचाने दि. 18/11/2010 रोजी जारी केलेला नि. 5 खालील मनार्इ हुकूम रदद करण्यास पात्र आहे. प्रस्तुत केसच्या फॅक्टस विचारात घेता उभयपक्षांनी आपआपला खर्च सोसण्याचा आदेश न्यायसंगत ठरेल. यास्तव आम्ही खालील आदेश पारीत करीत आहोत.
आदेश
1. तक्रारदाराचा तक्रार अर्ज तक्रारदाराच्या हक्कास बाधा न येता अंतिमरित्या निकाली काढण्यात येतो.
2. दि. 18/11/2010 रोजी जारी करण्यात आलेला मनाई हुकूम रदद करण्यात येतो.
3. खर्चा बाबत कोणताही आदेश नाही.
दि. 20/02/2014 (श्री. सी.एम.येशीराव) (श्री.एम.एस.सोनवणे)
सदस्य अध्यक्ष
जिल्हा ग्राहक तक्रार निवारण न्याय मंच,जळगाव