सीसी/20/74                               दि ०७-०७-२०२०

                 मे. तिरुपती प्रेस्‍ट्रीस  – विरुध्‍द – म.रा.वि.वि.कंपनी मर्या.    

                   निशाणी 1 वरील आदेश

       तक्रार वाचली, दस्‍तं वाचले, तक्रारदार वकीलांचा युक्‍तीवाद ऐकला, लेखी युक्‍तीवाद वाचला ज्‍यावरुन आढळते की, तक्रारदार हा भागीदारी व्‍यवसायी आहे, ते या व्‍यवसायात १४ अश्‍वशक्‍तीच्‍या इंजीनकरीता विरुध्‍दपक्षाकडून दिलेला विद्युत पुरवठा वापरतात. सरासरी त्‍यांना दरमाह रुपये १,००,०००/- ते १,२०,०००/- चे देयक निष्‍पन्‍न होतात. अशा स्थितीत तक्रारदार ग्राहक संरक्षण कायदा १९८६ चे कलम २(१)(ड) अंतर्गत ग्राहक कसा ठरतो या वादाचे मुद्दे उपस्थित झाले. त्‍यावर स्‍पष्‍टीकरण देतांना तक्रारदार वकीलाने नमुद केले की, तक्रारदार विरुध्‍दपक्षाकडून विद्युत पुरवठा आपल्‍या व्‍यवसायाकरीता घेतो व व्‍यवसाय कुटुंबाकरीता आहे, त्‍यामुळे तो ग्राहक ठरतो. आम्‍ही या मताशी सहमत असलो तरी घेतलेला विद्युत पुरवठा व्‍यापारी व्‍यवसायाकरीता घेतलेला आढळतो. व्‍यापारी व्‍यवसायाकरीता झालेला व्‍यवहार किंवा विरुध्‍दपक्षाने देऊ केलेली सेवा ग्राहक या सदरात येत नाही असे आमचे मत आहे. म्‍हणुन खालील आदेश.

                          आदेश

१.    तक्रारदार ग्राहक नसल्‍यामुळे सदरची तक्रार काढून टाकण्‍यात येत 

     आहे.

         (श्रीमती शुभांगी कोंडे)          (सुदाम पं. देशमुख)           

                         मा. सदस्‍या                  मा. अध्‍यक्ष 

                      जिल्‍हा ग्राहक तक्रार निवारण मंच, अमरावती.