::: आ दे श :::

                 ( पारीत दिनांक : 21.06.2016 )

आदरणीय सदस्या श्रीमती भारती केतकर यांचे अनुसार

                        सदर फिर्याद प्रकरणाच्या मुळ तक्रारीतील आदेशाविरुध्द गैरअर्जदार कंपनीने मा. राज्य ग्राहक आयोग नागपुर येथे दाखल केलेले प्रथम अपील क्र. 298/14 हे दि. 29/4/2015  रोजी मा. राज्य ग्राहक आयोग नागपुर यांनी खारीज केले होते.  त्यानंतर फिर्यादीने गैरअर्जदारांनी मंचात जमा केलेले रु. 1,75,000/- मिळणेसाठी अर्ज केला व मंचाने तो मंजुर केला व उर्वरित आदेशपुर्तीसाठी गैरअर्जदाराविरुध्द जमानती वॉरंट बजावण्यात आले.  परंतु गैरअर्जदार यांनी मा. उच्च न्यायालय नागपुर येथे रिट पिटीशन दाखल केले, ज्याचा क्र. 5722/2015 असा असून सदर फिर्याद प्रकरणाच्या कारवाई विरुध्द मा. उच्च न्यायालय दि. 13/10/2015 रोजी स्थगनादेश पारीत केला.  सदर प्रकरण मा. उच्च न्यायालयात प्रलंबित असून सदर फिर्याद प्रकरणाला स्थगनादेश असल्याने मा. उच्च न्यायालयाच्या आदेशाच्या अनुषंगाने फिर्यादीला पुन्हा फिर्याद दाखल करण्याची मुभा देऊन सदर फिर्याद नस्तीबध्द करण्यात येत आहे.