तक्रारदार स्‍वतः हजर.

सा.वाले यांचे वकील श्री. दत्‍ता सोलणकर हजर.

     सा.वाले यांनी दाखल केलेला अर्ज क्रमांक एम.ए. क्र 38/2017  वर वेगळा लेखी आदेश पारीत करण्‍यात आला.

तक्रारदार यांनी त्‍याच्‍यावर सामनेवाले यांनी केलेल्‍या मोतीबिंदू शस्‍त्रक्रियेमूळे उद्दभवलेल्‍या दोषातुन ही तक्रार दाखल करण्‍यात आली. तक्रारदाराप्रमाणे सा.वाले यांनी सेवा देतांना निःष्‍काळजीपणा केला. सामनेवाले हे नोटीस प्राप्‍त झाल्यानंतर मंचात उपस्थित झाले व  त्‍यांची भूमिका स्‍पष्‍ट केली. तक्रारदार व सामनेवाले यांनी पुराव्‍याचे शपथपत्र सादर केले. त्‍यानंतर सामनेवाले यांनी तक्रारदार यांच्‍या उलट तपासणीची परवानगी करीता अर्ज सादर केला. त्‍याला तक्रारदारानी सविस्‍तर जबाब सादर केला. अर्जाला आदेश पारीत करतांना उपरोक्‍त अनुक्रमांक देण्‍यात आला.

2. सामनेवाले तर्फे  वकील श्री.दत्‍ता सोलणकर व तक्रारदार यांना  अर्जाबाबत ऐकण्‍यात आले.   सामनेवाले यांनी निवेदनाच्‍या पृष्‍ठर्थ मा. राष्‍ट्रीय आयोगानी रिव्‍हीजन पिटीशन नं 518/2002 Con Dcor विरूध्‍द श्रीमती. स्‍मृती कन्‍ना घोसे निकाल तारीख 16/04/2002 चा आधार घेतला आहे. तसेच मा. राज्‍य ग्राहक तक्रार निवारण आयोग पंजाब,   चंदीगड यांनी रिव्‍हीजन पिटीशन 60/2010 डॉ. वरींदर पाल सिंग विरूध्‍द गुरूदेव सिंग निकाल तारीख 07/03/2014 चा आधार घेतला.

3.  सामनेवाले यांनी दाखल केलेला Con Dcor च्‍या उपरोक्‍त निर्णयाप्रमाणे अपवादात्‍मक प्रकरणात उलट तपासणीची परवानगी देता येऊ शकते. आमच्‍या मते ही तक्रार अपवादात्‍मक प्रकारात समाविष्‍ट होत नाही. तक्रारदार यांनी तक्रारीच्‍या पृ.क्र. 7 वर स्‍पष्‍टपणे लिहीले आहे की, लेन्‍स वाकडी बसविण्‍यात आली होती. पृ.क्र 19 डॉ. अशोक टी. भोळे यांनी उपचारात ही बाब स्‍पष्‍टपणे नमूद केल्‍याचे दिसून येते. सामनेवाले यांनी त्‍यांच्‍या उपरोक्‍त अर्जात तक्रारदार यांनी काही बाबी दडवून ठेवल्‍या व त्‍या अभिलेखावर आणणे आवश्‍यक आहे, असे नमूद केले. आमच्‍या मते  सामनेवाले यांनी कशी योग्‍यप्रकारे शस्‍त्रक्रिया केली, उपचार केले व कोणताही निष्‍काळजीपणा केलेला नाही हे दाखविणे आवश्‍यक आहे. सबब, या प्रकरणातील बाबींचा विचार करता, आमच्‍या मते तक्रारदार यांच्‍या  उलटतपासणीची आवश्‍यकता नाही. हा मंच तक्रार समरी पध्‍दतीने चालवित असल्‍यामूळे  उलट तपास घेतल्‍यास प्रकरणात निर्णयाला विलंब होतो व या प्रकरणात तक्रारदार हे जेष्‍ठ नागरीक आहेत. आम्‍ही मा. राष्‍ट्रीय आयोगानी तक्रार क्र 97/2014 डॉ. हरेक्रिष्‍णा विश्‍वास विरूध्‍द स्‍टेट बँक ऑफ इंडिया व इतर निकाल तारीख 09/07/2014 चा आधार घेतला आहे. सबब खालील आदेश.

                              आदेश

1. अर्ज क्रमांक एम.ए.क्र 38/2017  फेटाळण्‍यात येतो.
2.  प्रकरण तक्रारदार यांच्‍या लेखीयुक्‍तीवादासाठी नेमण्‍यात येते. 

npk/-