प्रकरण आजच्‍या वादसूचीवर नाही.

सामनेवालेतर्फे वकील श्री.नितीन वाघमारे यांचेतर्फे त्‍यांचे प्रतिनिधी निशिता जोशी यांनी प्रकरण आजच्‍या वादसूचीवर घेण्‍याबाबत विनंती अर्ज दाखल केला. त्‍यांचे विनंतीवरुन प्रकरण आजच्‍या वादसूचीवर घेण्‍यात आले.

तक्रारदारातर्फे कुलमुखत्‍यारधारक श्रीमती रेखा पंढरीनाथ मते त्‍यांचे वकील श्री.एम.एस.लाड यांचेसह हजर. सामनेवालेतर्फे श्री.अविनाश परेरा, अधिकृत प्राधिकारी त्‍यांच्‍या वकीलांचे प्रतिनिधी निशिता जोशी यांचेसह हजर.

सदर प्रकरणी उभय पक्षकारांनी आपसांत तडजोड झाल्‍याबाबत तडजोडनामा (Consent Terms) दाखल केला. त्‍यासोबत सामनेवाले यांनी तक्रारदार यांचे नावे आहरीत केलेली आयसीआयसीआय बॅंक शाखा लोअर परेळ, मुंबई या शाखेची पे ऑर्डर क्र.504827, दिनांक 24 जुलै, 2024, रक्‍कम रु.6,06,449/- ची छायाप्रत तसेच तक्रारदार यांच्‍या आधार कार्डची छायाप्रत दाखल केलेली आहे. उभय पक्षकारांनी तडजोडनाम्‍यातील मजकूर खरा व बरोबर असल्‍याचे तसेच तडजोडनाम्‍यावरील सहया त्‍यांच्‍याच असल्‍याचे आयोगासमोर मान्‍य केले. तक्रारदाराने वर नमूद पे ऑर्डर प्राप्‍त झाल्‍याचे आयोगामोर कबूल केले.

उभय पक्षकारांनी तडजोडनाम्‍यात प्रस्‍तूतचे तक्रार प्रकरण निकाली काढण्‍यात यावे अशी विनंती केली असल्‍याने प्रकरण आज रोजी निकाली काढण्‍यात येते.

प्रकरण समाप्‍त.