यातील तक्रारकर्त्‍याचे म्‍हणण्‍याप्रमाणे तक्रारकर्ता ही एक व्‍यावसायीक कंपनी आहे आणि त्‍या कंपनीच्‍या कर्मचा-यावर लक्ष ठेवण्‍यासाठी त्‍यांना सॉफ्टवेअर बनवावयाचे होते व यासंबंधीचे काम गैरअर्जदारांकडे होते. गैरअर्जदारांनी ते केले नाही यासाठी ही तक्रार मंचात दाखल केलेली आहे, तक्रारकर्ता ही कंपनी  त्‍यांचे व्‍यवसायाचे उपयोगाकरीता सदरचे सॉफ्टवेअर बनवणार होते, असे तक्रारकर्त्‍याचे उघडपणे आपल्‍या तक्रारीत नमुद केले आहे. त्‍यामुळे तक्रारकर्ता हा ग्राहक संरक्षण कायद्याप्रमाणे ‘ग्राहक’ ठरत नाही आणि ही तक्रार विचारात घेण्‍याचा मंचास अधिकार नाही, यास्‍तव सदर तक्रार निकाली काढण्‍यांत येत आहे.