::: आ दे श :::

                 ( पारीत दिनांक : 25.06.2015 )

आदरणीय   श्रीमती एस.एम.उंटवाले, अध्‍यक्ष  यांचे अनुसार

                        ग्राहक संरक्षण कायदा 1986 चे, कलम : 12 अन्वये, सादर करण्‍यात आलेले सदर  प्रकरण आज विरुध्दपक्षास नोटीस बजावणीकरिता ठेवण्यात आले होते. त्यानुसार विरुध्दपक्ष मंचात हजर होते व त्यांनी प्रकरणात पुरसीस दाखल करुन मंचाला असे कळविले की, तक्रारकर्तीस व्याजापोटी रु. 56,012/- दि. 19/06/2015 रोजी तिचे बँक खाते, स्टेट बँक ऑफ इंडिया, शाखा शास्त्री नगर, येथे जमा केलेले आहेत व सदरची रक्कम तक्रारकर्तीस प्राप्त झालेली आहे.  सदर पुरसीसवर तक्रारकर्तीच्या अधिवक्त्याने “ नो ऑब्जेक्शन “ असे निवेदन दिले व दुसरी पुरसीस दाखल करुन मंचाला असे कळविले की, दाखल तक्रारीमध्ये तक्रारकर्ती व विरुध्दपक्ष यांच्या मध्ये कोर्टाबाहेर आपसी समझोता झाला व त्यानुसार तक्रारकर्तीला रु. 56,012/-  विरुध्दपक्षाकडून प्राप्त झालेले आहेत.  त्यामुळे ही तक्रार चालवावयाची नाही,

            तक्रारकर्ती व विरुध्दपक्ष यांचे उपरोक्त  पुरसीसनुसार सदर तक्रारीतील कार्यवाही कायमची येथेच थांबविण्यात येत असून, सदर तक्रार नस्तीबध्द करण्याचे निर्देश देण्यात येत आहेत व अशा प्रकारे सदर तक्रार कायमची निकाली काढण्यात येत आहे.

 (सौ.एस.एम.उंटवाले )

           अध्‍यक्षा    

जिल्‍हा ग्राहक तक्रार निवारण न्‍यायमंच,अकोला