-ः आदेश ः-

1. अर्जदारास सामनेवालेने दि.16-11-04 च्‍या रजिस्‍टर्ड करारानुसार अर्जात नमूद केलेल्‍या सदनिकेचा ताबा पूर्ण सुविधांसह त्‍यास सक्षम अधिका-याकडून बांधकाम पूर्णत्‍वाचा दाखला तसेच  भोगवटा प्रमाणपत्र मिळाल्‍यानंतर तीस दिवसाचे आत तक्रारदाराकडून रु.1,01,400/- एवढी राहिलेली बाकी रक्‍कम घेऊन  न चुकता दयावा. 

2. सामनेवालेने तक्रारदारास त्‍याच्‍या दरमहाच्‍या भाडयाचे जे नुकसान झाले आहे व त्‍याने आपल्‍या अर्जात दि.1-1-06 पासून ते दि.28-2-07 अखेर एकूण 14 महिन्‍याचे जे भाडे मागितले आहे ती रक्‍कम रु.56,000/- त्‍यास निकाल तारखेपासून तीस दिवसाचे आत दसादशे 6 टक्‍के व्‍याजदराने दयावी. 

3. तसेच दि.1-3-07 पासून ते अर्जदारास सदनिकेचा ताबा देईपर्यंत होणा-या दरमहाच्‍या भाडयाच्‍या नुकसानीपोटी दरमहा रक्‍कम रु.4,000/- याप्रमाणे होणारी एकूण रक्‍कम दयावी.  याप्रमाणे रक्‍कम सामनेवालेनी अर्जदारास न दिल्‍यास ती दसादशे 6 टक्‍के व्‍याजदराने त्‍यास रक्‍कम मिळपर्यंत वसूल करण्‍याचा अधिकार राहील. 

4. त्‍यास झालेल्‍या मानसिक त्रासापोटी व अर्जाच्‍या खर्चापोटी रक्‍कम रु.10,000/- सामनेवालेने आदेश पारित तारखेपासून 45 दिवसाचे आत दयावेत.  याप्रमाणे रक्‍कम न दिल्‍यास ती दसादशे 6 टक्‍के व्‍याजदराने वसूल करण्‍याचा अधिकार तक्रारदारास राहील. 

5. सामनेवालेने स्‍वतःचा खर्च स्‍वतः सोसण्‍याचा आहे. 

6. उभय पक्षकाराना आदेशाच्‍या सत्‍यप्रती पाठविण्‍यत याव्‍यात.

ठिकाण- रायगड-अलिबाग.

दि. 10-9-2007. 

                                                             (आर.डी.म्‍हेत्रस)                        (ज्‍योती अभय मांधळे)

                                                                  अध्‍यक्ष                                            सदस्‍या

                                                                रायगड जिल्‍हा ग्राहक तक्रार निवारण मंच, अलिबाग.