निशाणी नं.१ वरील आदेश

(१)       सामनेवाले यांनी सेवेत त्रुटी केली आहे असे नमूद करुन, त्‍यांचेकडून नुकसान भरपाई रक्‍कम मिळावी या मागणीसाठी तक्रारदार यांनी सदरची तक्रार ग्राहक संरक्षण कायदा कलम १२ अन्‍वये या मंचात दाखल केली आहे. 

(२)       सदर प्रकरणी मंचासमोर कामकाज सुरु असून, सामनेवालेंवर नोटीस बजावणी झालेली नाही.   त्‍यामुळे नोटीस बजावणीसाठी तक्रारदार यांनी पुढील आवश्‍यक त्‍या स्‍टेप्‍्स घेणे आवश्‍यक आहे.  तथापि तक्रारदार स्‍वत: व त्‍यांचे विद्वान वकील हे सदर प्रकरणी वेळोवेळी नेमलेल्‍या तारखेस दि.१७-०५-२०१३ ते दि.३०-०६-२०१४ या कालावधीत सलग सुमारे बारावेळा गैरहजर आहेत.   त्‍यांनी गैरहजेरी बाबत प्रकरणात काहीही खुलासा दाखल केलेला नाही व पुढील स्‍टेप्‍्सही घेतलेल्‍या नाहीत.  अशा परिस्थितीत सामनेवालेंविरुध्‍द प्रकरण पुढे चालविता येणार नाही.   यावरुन तक्रारदार यांना प्रस्‍तुत प्रकरण पुढे चालविण्‍यात स्‍वारस्‍य नाही असे स्‍पष्‍ट होते.     सबब तक्रारदारास सदर प्रकरण पुढे चालवावयाचे नाही असे समजण्‍यात येत आहे.

(३)       उपरोक्‍त सर्व विवेचनाचा विचार करता, सदर प्रकरण पुढे चालू राहण्‍याचे दृष्‍टीने तक्रारदाराने आवश्‍यक त्‍या स्‍टेप्‍्स न घेऊन हलगर्जीपणा केल्‍याचे कारणास्‍तव, प्रकरण निकाली काढणे (Dismiss in Default)  योग्‍य होईल असे या मंचाचे मत आहे.   सबब न्‍यायाचे दृष्‍टीने खालील आदेश पारित करण्‍यात येत आहे.   

        आदेश

                   (अ)  तक्रारदार यांची तक्रार निकाली (DID ) काढण्‍यात  येत  आहे. 

              (ब)  तक्रार अर्जाचे खर्चाबाबत कोणताही आदेश नाही. 

धुळे.

दिनांक : २४-०७-२०१४