//आदेश  //

            प्रस्‍तुत प्रकरणातील अर्जदार श्री. अमर भगत यांना  ग्राहक संरक्षण कायदयाच्‍या कलम 26 अंतर्गत सदरहू अर्ज दाखल केलेला आहे.  या अर्जातील जाबदार क्र 1 कैलास पार्क को. ऑ. हौंसींग सोसायटी व अन्‍य जाबदारांनी दाखल केलेला ग्राहक तक्रारअर्ज क्रमांक/ एपिडिएफ/174/2003 खोटा असल्‍यामुळे अर्जदारांनी कलम 26 अन्‍वये  हा अर्ज दाखल केला आहे.  जाबदारांचा वर नमूद ग्राहक तक्रार अर्ज दिनांक  30/11/2007 रोजी निकाली झालेला आहे.  या निकालपत्रात आदेशित केल्‍याप्रमाणे अर्जदारांनी पुर्तता केली नाही म्‍हणून त्‍यांना ग्राहक संरक्षण कायदयाच्‍या कलम 27 अन्‍वये दिनांक 30/12/2011 रोजी शिक्षा जाहीर करण्‍यात आलेली आहे.  अशा परिस्‍थितीत मुळ तक्रारअर्ज खोटा व खोडसाळ होता हे अर्जदारांचे म्‍हणणे संपूर्णत: बेकायदेशिर ठरते.  त्‍यातूनही अशा प्रकारे कलम 26 अन्‍वये स्‍वतंत्र अर्ज दाखल करण्‍याची तरतूद कायदयामध्‍ये नाही.  ग्राहक संरक्षण कायदयाच्‍या  तरतूदींच्‍या विरुध्‍द जाऊन दाखल केलेला हा अर्ज प्रथमदर्यानी अयोग्‍य व बेकायदेशिर असल्‍याने काढून टाकण्‍यास पात्र ठरतो असे मंचाचे मत आहे.  सबब सदरहू अर्ज दाखल करुन न घता काढून टाकण्‍यात येत आहे.

            सबब मंचाचा आदेश की,

            (1)   अर्जदारांचा अर्ज काढून टाकण्‍यात येत आहे.

            (2)   खर्चा बाबत कोणतेही आदेश नाहीत.