//आदेश  //

            प्रस्‍तुत प्रकरणातील अर्जदार श्री. अमर भगत यांना  ग्राहक संरक्षण कायदयाच्‍या कलम 27 अन्‍वये दि 30/12/2011 रोजी शिक्षा जाहीर करण्‍यात आली होती. मंचाचा हा आदेश स्‍थगित करण्‍यात याव असा किरकोळ अर्ज क्र 02/2011 अर्जदारांनी दि 30/12/2011 रोजी  मंचापुढे दाखल केला.  पी आर बॉन्‍ड व जामिन देण्‍याच्‍या अटीवरती अर्जदारांचा अर्ज मंजूर करुन मंचाने शिक्षेच्‍या आदेशाला स्‍थगिती दिली होती.   यानंतर तक्रारदारांनी मंचाच्‍या आदेशा विरुध्‍द सन्‍मा. उच्‍च न्‍यायालय, मुंबई यांच्‍यापुढे  रिट पिटीशन क्र 572/12 दाखल केले होते.  कालांतराने अर्जदारांनी हे रिट पिटिशन काढून घेतले.  यानंतर  स्‍थगिती आदेश प्राप्‍त करण्‍यासाठी अर्जदारांना संधी देण्‍यात आली होती.   मात्र अर्जदारांनी वरिष्‍ठ न्‍यायालयाचा स्‍थगिती आदेश मंचापुढे दाखल केलेला नाही.  सद्य परिस्थितीमध्‍ये मंचाच्‍या आदेशास स्‍थगिती नाही याचा विचार करिता अर्जदारांचा किरकोळ अर्ज  नामंजूर करुन त्‍यांना दिलेल्‍या शिक्षेची अंमलबजावणी करणे आवश्‍यक ठरते.  सबब अर्जदारांनी दाखल केलेला किरकोळ अर्ज क्र 2/11 नामंजूर करुन निकाली करण्‍यात येत आहे.