जिल्‍हा ग्राहक तक्रार निवारण न्‍याय मंच,जळगाव यांचे समोर.
तक्रार क्रमांक 290/2011
तक्रार दाखल तारीखः- 21/06/2011
तक्रार निकाल तारीखः- 13/09/2012
1. सौ.मालती पुरुषोत्‍तम राणे,,
उ.व.सज्ञान धंदा – घरकाम, .........तक्रारदार
2. श्री.प्रविण पुरुषोत्‍तम राणे,
उ व सज्ञान धंदा -
दोघे रा. मंगरुळ रोड,गायत्री शिक्षा निकेतन जवळ,
खरगोन (म.प्र)
विरुध्‍द
1. कै.पुरुषोत्‍तम महाजन ग्रामीण बिगरशेती सह.पतसंस्‍था मर्या. .......विरुध्‍दपक्ष
चिनावल ता.रावेर जि.जळगांव.
तर्फे मॅनेजर.
2. चेअरमन,
कै.पुरुषोत्‍तम महाजन ग्रामीण बिगरशेती सह.पतसंस्‍था मर्या.
चिनावल ता.रावेर जि.जळगांव
कोरम –
श्री. डी.डी.मडके अध्‍यक्ष.
सौ. एस.एस.जैन. सदस्‍या.
-------------------------------------------------
तक्रारदार तर्फे अड.सौ.यु.आर.कुलकर्णी.
विरुध्‍दपक्ष तर्फे व्‍यवस्‍थापक.
.
नि का ल प त्र
श्री. डी.डी.मडके,अध्‍यक्ष ः तक्रारदार यांनी विरुध्‍द पक्ष पतसंस्‍थेत मुदत ठेव पावती अन्‍वये गुंतवलेली रक्‍कम मागणी करुन ही परत दिली नाही म्‍हणुन त्‍यांनी प्रस्‍तुत तक्रार या मंचात दाखल केली आहे.
2. तक्रारदार यांची थोडक्‍यात अशी तक्रार आहे की, तक्रारदार यांनी स्‍वतःच्‍या व आपल्‍या कुटुबियाच्‍या नांवे विरुध्‍द कै.पुरुषोत्‍तम महाजन ग्रामीण बिगरशेती सह.पतसंस्‍था मर्या (यापुढे संक्षीप्‍तेसाठी पतसंस्‍था असे संबोधण्‍यात येईल) या पतसंस्‍थेत मुदत ठेव पावतीत रक्‍कम गुंतविली होती त्‍याचा तपशिल खालील प्रमाणे.
पावती/एफडी क्रमांक | ठेव रक्‍कम | ठेव दिनांक | देय रक्‍कम | देय दिनांक |
सौ.मालती 1541 | 40,000 | 03/05/04 | 80,000 | 03/11/09 |
श्री.प्रविण 1357 | 15,000 | 22/12/03 | 30,000 | 23/06/09 |
3. तक्रारदार यांनी गुंतवलेल्‍या रक्‍कमेची मागणी विरुध्‍द पक्ष पतसंस्‍थेत केली असता त्‍यांनी सदर रक्‍कम देण्‍यास नकार दिला अशी तक्रारदार यांची तक्रार आहे. सबब विरुध्‍द पक्ष यांचेकडुन मुदत ठेव पावतीतील व्‍याजासह होणारी संपुर्ण रक्‍कम तसेच मानसिक त्रास व अर्जाच्‍या खर्चापोटी भरपाई मिळावी अशी विनंती तक्रारदार यांनी केली आहे.
4. विरुध्‍द पक्ष यांना नोटीसची बजावणी झाली. परंतु त्‍यांनी खुलासा सादर न केल्‍यामुळे प्रकरण विनाखुलासा चालवण्‍यात आले.
5. तक्रारदार यांची तक्रार पाहता तक्रारीच्‍या न्‍यायनिर्णयासाठी आमच्‍या समोर खालील मुद्ये उपस्थित होतात व त्‍याची उत्‍तरे आम्‍ही सकारण खालील प्रमाणे देत आहोत.
मुद्ये. उत्‍तर.
1. विरुध्‍द पक्ष यांनी तक्रारदार यांना द्यावयाच्‍या सेवेत त्रुटी
केली आहे काय? होय.
2 आदेश काय? खालीलप्रमाणे.
विवेचन
6. मुद्या क्र.1 – प्रस्‍तुत प्रकरणांत तक्रारदार यांनी तक्रारीचे अनुषंगाने दाखल केलेली कागदपत्रे पाहता त्‍यांनी पतसंस्‍थेमध्‍ये मुदतठेवीमध्‍ये रक्‍कम गुंतवली होती ही बाब सिध्‍द होते. तक्रारदार यांनी सदरची रक्‍कम मिळणेसाठी मागणी केली असता, सदर रक्‍कम त्‍यांना देण्‍यात आली नाही. वास्‍तविक तक्रारदार यांनी मागणी केल्‍यानंतर तात्‍काळ विरुध्‍द पक्ष कै.पुरुषोत्‍तम महाजन ग्रामीण बिगरशेती सह.पतसंस्‍था मर्या यांच्‍याकडील जमा असलेली रक्‍कम त्‍यांना परत करणे पतसंस्‍थेचे कर्तव्‍य होते. परंतु संस्‍थेने तक्रारदाराची रक्‍कम न देऊन सेवेत त्रुटी केली आहे या मतास आम्‍ही आलो आहोत. म्‍हणून मुद्या क्र. 1 चे उत्‍तर आम्‍ही होकारार्थी देत आहोत.
7. मुद्या क्र. 2 –– तक्रारदार यांनी त्‍यांच्‍या मुदत ठेवीमधील व्‍याजासह होणारी रक्‍कम व त्‍यावर 18 टक्‍के दराने व्‍याज, मानसिक त्रासापोटी रु.10,000/- तक्रारअर्जाचा खर्च रु.10,000/- मिळावे अशी मागणी केलेली आहे. तक्रारदार हे विरुध्‍द पक्ष कै.पुरुषोत्‍तम महाजन ग्रामीण बिगरशेती सह.पतसंस्‍था मर्या यांचेकडुन पतसंस्‍थेत जमा असलेली व्‍याजासह होणारी रक्‍कम मिळण्‍यास पात्र आहेत. पतसंस्‍थेच्‍या कृतीमुळे तक्रारदारास निश्चितच मानसिक व शारिरीक त्रास झाला आहे व मंचात तक्रारही दाखल करावी लागली आहे. तसेच त्‍यांना मानसिक त्रास होणे साहजिक आहे. त्‍यामुळे तक्रारदार मानसिक त्रासापोटी रु.2000/- व अर्जाच्‍या खर्चापोटी रक्‍कम रु.1,000/- मिळण्‍यास पात्र आहेत असे आम्‍हास वाटते.
8. वरिल विवेचनावरुन आम्‍ही खालील प्रमाणे आदेश देत आहोत.
आ दे श
(1) तक्रारदार यांचा तक्रार अर्ज अंशतः मंजुर करण्‍यात येत आहे.
(2) विरुध्‍द पक्ष मानसिक त्रासापोटी रु.2000/- मिळण्‍यास पात्र यांनी तक्रारदार यांना वरील निकालपत्राच्‍या कलम 2 मध्‍ये नमुद रक्‍कमेवर देय तारेखपासुन रक्‍कम देईपर्यंत द.सा.द.शे. 6 टक्‍के व्‍याजासह तक्रारदार यांना या आदेशाच्‍या प्राप्‍तीपासुन 30 दिवसांचे आंत अदा करावेत तसेच दावा खर्चापोटी रु.1,000/- व मानसिक त्रासापोटी रु.2,000/- अदा करावेत.
(3) वर नमुद आदेश क्र.2 मधील रक्‍कमेपैकी काही रक्‍कम अगर व्‍याज दिले असल्‍यास त्‍यावर कर्ज दिले असल्‍यास सदरची रक्‍कम वजावट करुन उर्वरित रक्‍कम अदा करावी.
(सौ.एस.एस.जैन) ( श्री.डी.डी.मडके )
सदस्‍य अध्‍यक्ष
जिल्‍हा ग्राहक तक्रार निवारण न्‍याय मंच,जळगाव.
