मा. अध्‍यक्ष, श्री. विजय सी. प्रेमचंदानी यांच्‍या आदेशान्‍वये

आदेश

               तक्रारकर्त्‍याने ग्राहक संरक्षण कायदा 1986 च्‍या कलम 12 अन्‍वये प्रस्‍तुत      तक्रार  दाखल केलेली आहे.

1.      तक्रारकर्त्‍याने तक्रारीत असे कथन केले आहे की,  तक्रारकर्ता यांनी विरुध्‍द पक्ष यांच्‍याकडे रो-हाऊस क्रं. 229 हाय फिल्‍ड 1 बी.एच.के.  कन्‍हैय्या सिटी फेज क्रं. 3 एकूण क्षेत्रफळ 647 स्‍के. फिट. खसरा क्रं. 75 प.ह.क्रं. 46 मौजा. वाघधरा जि.नागपूर एकूण रुपये 6,99,000/- मध्‍ये खरेदी करण्‍याचा करार दिनांक 07.12.2010 रोजी केला.  तक्रारकर्त्‍याने विरुध्‍द पक्षाकडे वरील नमूद रो-हाऊस करिता रुपये 1,39,800/- रक्‍कमेचा भरणा केला होता. उर्वरित रक्‍कम तक्रारकर्त्‍याने विरुध्‍द पक्षाला देण्‍याची तयारी दर्शविली होती. विरुध्‍द पक्षाला वरील नमूद कराराप्रमाणे पूर्तता करण्‍यात आली नाही म्‍हणून विरुध्‍द पक्षाने परत तक्रारकर्त्‍या सोबत दिनांक 13.08.2013 रोजी विक्रीचा करार केला. परंतु विरुध्‍द पक्षाने कराराची पूर्तता केली नाही. तक्रारकर्त्‍याने विरुध्‍द पक्षाकडे वारंवांर संपर्क साधला असून त्‍यावर कोणतीही दखल घेतली नाही. म्‍हणून तक्रारकर्त्‍याने दिनांक 06.01.2016 रोजी विरुध्‍द पक्षाला नोटीस देऊन वादातीत रो-हाऊसचे विक्रीपत्र करुन देण्‍याची मागणी केली. परंतु त्‍यावर त्‍याने कोणतीही दखल घेतली नाही. विरुध्‍द पक्षाने तक्रारकर्त्‍याला न्‍यूनतम सेवा दिली असल्‍याने तक्रारकर्त्‍याने सदर तक्रार मंचासमक्ष दाखल केलेली आहे.
2.       तक्रारकर्त्‍याने तक्रारीत अशी मागणी केलेली आहे की,  विरुध्‍द पक्षाने तक्रारकर्त्‍याला वादातीत रो-हाऊसचे विक्रीपत्र करुन द्यावे व ताबा द्यावा किंवा ते शक्‍य नसल्‍यास तक्रारकर्त्‍याकडून घेतलेली रक्‍कम व्‍याजासह परत करावी. तसेच तक्रारकर्त्‍याला झालेल्‍या शारीरिक, मानसिक त्रासाबद्दल नुकसान भरपाई व तक्रारीचा खर्च देण्‍याचा आदेश व्‍हावा.
3.       तक्रारकर्त्‍याची तक्रार स्‍वीकृत करुन विरुध्‍द पक्षाला नोटीस  काढण्‍याचा आदेश पारित करण्‍यात आला. विरुध्‍द पक्ष यांना नोटीस प्राप्‍त होऊन सुध्‍दा प्रकरणात हजर झाले नाही. म्‍हणून दिनांक 20.11.2017 रोजी नि.क्रं. 1 वर विरुध्‍द पक्ष यांच्‍या विरुध्‍द प्रकरण एकतर्फी चालविण्‍याचा आदेश पारित करण्‍यात आला.

4.       तक्रारकर्त्‍याने दाखल केलेली तक्रार,  नि.क्रं. 4 वर दाखल दस्‍तावेज,  लेखी युक्तिवाद व तोंडी युक्तिवाद ऐकून मंच खालील निष्‍कर्षा प्रत आले.

निष्‍कर्ष

5.       तक्रारकर्त्‍याने दाखल तक्रार व नि.क्रं. 4 वर दाखल दस्‍त क्रं. 1 ते 4  वरुन असे निदर्शनास येते की, तक्रारकर्त्‍याने वादातीत रो-हाऊस करिता विरुध्‍द पक्ष यांच्‍या सोबत करार केला होता व त्‍याकरिता तक्रारकर्त्‍याने विरुध्‍द पक्षाला रुपये 1,39,800/- दिले होते. म्‍हणून तक्रारकर्ता विरुध्‍द पक्षाचा ग्राहक आहे असे सिध्‍द होते.  तक्रारकर्त्‍याने नि.क्रं. 4 वर दाखल दस्‍त क्रं. 5 ते 7 ची पडताळणी करतासंना असे दिसून आले की, विरुध्‍द पक्षाने तक्रारकर्त्‍याला वादातीत रो-हाऊस चे विक्रीपत्र करुन दिले नाही व उर्वरित रक्‍कम स्‍वीकारलेली नाही. विरुध्‍द पक्षाला सदर प्रकरणारत नोटीस प्राप्‍त होऊन ही प्रकरणात हजर झाले नाही व त्‍यांची बाजू मांडली नाही. म्‍हणून तक्रारकर्त्‍याने तक्रारीत विरुध्‍द पक्ष यांच्‍या विरुध्‍द लावलेले आरोप सिध्‍द होतात. विरुध्‍द पक्षाने तक्रारकर्त्‍याकडून वादातीत रो-हाऊसची अग्रिम रक्‍कम स्‍वीकारुन ही त्‍यानंतर त्‍या व्‍यवहाराबाबत पूर्तता केली नाही ही बाब विरुध्‍द पक्षाची तक्रारकर्त्‍या प्रती अनुचित व्‍यवहार पध्‍दतीचा अवलंब दर्शवितो व सिध्‍द होते. सबब खालीलप्रमाणे अंतिम आदेश.

अंतिम आदेश

1. तक्रारकर्त्‍याची तक्रार अंशतः मंजूर करण्‍यात येते.
2. विरुध्‍द पक्षाने तक्रारकर्त्‍याकडून घेतलेली रक्‍कम रुपये 1,39,800/-

दिनांक 07.12.2010 पासून द.सा.द.शे. 12 टक्‍के दराने व्‍याजासह प्रत्‍यक्ष अदाएगीपर्यंत तक्रारकर्त्‍याला अदा करावे .

3. विरुध्‍द पक्ष यांनी तक्रारकर्त्‍याला झालेल्‍या शारीरिक, मानसिक त्रासाबाबत  

नुकसान भरपाई म्‍हणून रुपये 10,000/- व तक्रारीचा खर्च म्‍हणून रुपये  5,000/- द्यावे.

4. वरील आदेशाची पूर्तता आदेशाची प्रत प्राप्‍त झाल्‍याच्‍या तारखेपासून 30   

दिवसाच्‍या आत विरुध्‍द पक्ष करावी.

5. उभय पक्षानां आदेशाची प्रत निःशुल्क देण्‍यात यावी.
6. तक्रारकर्त्याला  प्रकरणाची ‘ब’ व ‘क’ फाईल परत करावी.