द्वारा – श्रीमती. स्‍नेहा म्‍हात्रे, अध्‍यक्षा  

   मा. राज्‍य आयोगाच्‍या दि. 10/01/2022 रोजीच्‍या पत्रानुसार राज्‍यात COVID 19 (All Variants) च्‍या विषाणूमुळे होणारा संसर्ग तसेच वाढता प्रादूर्भाव लक्षात घेता, कन्‍फोनेट प्रणालीमध्‍ये वादसूचीवर सूचनांसह दर्शविल्‍याप्रमाणे प्रकरण त्‍याच टप्‍प्‍यावर ठेवून पुढील तारीख देण्‍यात आली आहे. पु.ने.ता. 28/04/2022. 

   प्रस्‍तूत प्रकरणामध्‍ये कन्‍फोनेट प्रणालीद्वारे सुनावणीची पुढील तारीख 28/04/2022 देण्‍यात आली असून, उभय पक्षात न्‍यायालयाबाहेर तडजोड झाली असल्‍यामुळे त्‍याबाबतची कागदपत्रे अभिलेखावर देण्‍याकामी तसेच प्रस्‍तूत तक्रार निकाली काढण्‍यासाठी आजच्‍या वादसूचीवर घेण्‍यात यावी अशी विनंती उभय पक्षाच्‍या वकीलांनी केली. वर नमूद कारणास्‍तव प्रकरण पुन्‍हा आजच्‍या वादसूचीवर घेण्‍यात येते.  तक्रारदारातर्फे वकील श्री. अविनाश मोरे तक्रारदारासह हजर. सामनेवाले 1 एकतर्फा. सामनेवाले 2 तर्फे वकील श्री. बालाजी उमाटे हजर. सदर प्रकरणामध्‍ये सामनेवाले 2 यांनी तक्रारदारांना दि. 05/01/2022 रोजीचा धनाकर्ष क्रमांक 864069 रक्‍कम रु.3,00,000/- दिला असून सदर धनाकर्ष तक्रारदारांना प्राप्‍त झाला असल्‍याचे निवेदन तक्रारदारांनी केले व त्‍याबाबतच्‍या धनाकर्षाच्‍या छायांकित प्रतीवर धनाकर्ष मिळाल्‍याबाबतची स्‍वाक्षरी केली. वर नमूद केल्‍याप्रमाणे, तक्रारदार व सामनेवाले 2 यांच्‍यात रक्‍कम रु.3,00,000/- सामनेवाले 2 यांनी तक्रारदारांना धनाकर्षाद्वारे दिली असल्‍याने अंतिम तडजोड झाली असल्‍याबाबत लेखी निवेदन देऊन तक्रारदारांनी तसेच तक्रारदाराच्‍या वकीलांनी प्रस्‍तूत तक्रार निकाली काढण्‍यात यावी असे लेखी नमूद केलेला अर्ज दाखल केला, त्‍यावर सामनेवाले यांच्‍या वकीलांनी वाचले असे नमूद करुन स्‍वाक्षरी केली. वर नमूद केल्‍याप्रमाणे तक्रारदार व सामनेवाले 2 यांच्‍यामध्‍ये अंतिम तडजोड झाली असल्‍याने तक्रारदाराच्‍या विनंतीवरुन प्रस्‍तूत तक्रार आजरोजी निकाली काढण्‍यात येते. प्रकरण निकाली.