| Complaint Case No. CC/227/2020 | | ( Date of Filing : 09 Jul 2020 ) |
| | | | 1. SMT. SHEELA PRAVIN KATKAR | | R/O. PLOT NO. 40, SHYAM SHANTI, VIVEKANAND NAGAR, KHAMLA NAGAR, NAGPUR-440015 | | NAGPUR | | MAHARASHTRA |
| ...........Complainant(s) | |
| Versus | | 1. JAGDAMBA REALTORS PVT. LTD., THROUGH DIRECTOR GOPAL KONDAVAR | | OFF. AT, 6TH FLOOR, NIKALAS TOWERS, CENTRAL BAZAR ROAD, RAMDASPETH, NAGPUR 440010 | | NAGPUR | | MAHARASHTRA | | 2. SHRI. ASHISH BHAGWAM BALPANDE | | R/O. PLOT NO.5, SAI KRUPA SOCIETY, NARENDRA NAGAR, NAGPUR | | NAGPUR | | MAHARASHTRA |
| ............Opp.Party(s) |
|
|
| Final Order / Judgement | (आदेश पारीत व्‍दारा श्री. एस आर आजने , मा. सदस्‍य) - वि.प क्रं. 1 ही प्रायवेट लिमीटेड कंपनी असुन त्यांचा रिअल इस्टेट डेव्हलप्मेंटचा व्यवसाय आहे. वि.प. क्रं.2 हा वि.प.1 च्या कंपनीशी संलग्न असुन वि.प.क्रं.1 यांचेशी वि.प. क्रं. 2 यांनी विकसीत केलेल्या भुखंडाचा विक्री करण्‍याचा करार केलेला आहे. तक्रारकर्तीने वि.प. चे मौजा- मंगरुळ, ख.नं. १०६/१, १०७/१, प.ह.न.७३, ता.जि.नागपूर येथील “जगदंबा प्राईड” मधील भुखंड क्रं.६५७(ए) एकुण क्षेत्रफळ ३०५.५४ चौ.मि. एकुण रुपये १५,२५,०००/- एवढया रक्कमेत विकत घेण्‍याचा करार दिनांक ६.४.२०१६ रोजी केला. तक्रारकर्तीने वि.प.ला भुखंड खरेदी पोटी आगाऊ रक्कम रुपये ९,३०,०००/- दिनांक ९.११.२०१३, ते दिनांक १.४.२०१६ या कालावधी रोख व धनादेश स्वरुपात अदा केली. तकारकर्तीने वि.प. ला दिनांक 30.8.2017 पर्यत १३,८०,०००/- अदा केले व उर्वरित रक्कम रुपये १,४५,०००/- भुखंडाचे विक्रीपत्राचे वेळी देण्‍याचे ठरले. करारानुसार भुखंडाचे विक्रीपत्र नोंदणी दि.३०.८.२०१७ ला किंवा त्यापूर्वी करुन देण्‍याचे ठरले व भुखंडाचे विक्रीकरता लागणारा पूर्ण खर्च तक्रारकर्तीला करावा लागेल असे करारात नमुद करण्‍यात आले व तक्रारकर्तीस भुखंडाचा ताबा मोकळा स्वरुपात देण्‍याचे ठरले.
- तक्रारकर्ती नमुद करते की, वि.प. क्रं.1 व 2 यांचेमधे कारस्थान दिसते. वि.प. क्रं. 1 यांनी जगदंबा प्राईड विकसित केली आणि वि.प. क्रं.2 यांनी विक्रीचा करारनामा केला व तो स्वतःला भुखंडाचा विक्रेता दर्शवितो. वि.प.क्रं.2 चे म्हणण्‍यानुसार त्यांने करारपत्रात नमुद केल्यानुसार भुखंडासंबंधी सर्व दस्तऐवज, गैरकृषी आदेश व मंजूर नकाश इ. पुरविले परंतु संपूर्ण करारनाम्यात वि.प.क्रं.2 ने हे नमुद केले नाही की, त्यांनी भुखंडाची जमीन कोणाकडुन खरेदी केली अथवा जमिन खरेदी केल्याचे खरेदी नोंदणीपत्र किंवा तो सदर भुंखडाचा मालक असल्याचे करारात नमुद केले नाही.
- तक्रारकर्तीने भुखंड खरेदीपोटी रुपये १३,८०,०००/- वि.प. ला अदा केल्याने भुखंडाचे विक्रीपत्र करुन देण्‍याबाबत विनंती केली. परंतु वि.प.1 यांनी तक्रारकर्तीस माहे- जानेवारी २०१८ पर्यत रुपये 25,000/- अदा करण्‍यास सांगीतले जेणेकरुन वि.प. विक्रीपत्र करुन देईल त्यानुसार तक्रारकर्तीने वि.प.ला दिनांक २२.१.२०१८ ला रुपये 25,000/- अदा केले व रक्कम मिळाल्याची पोचपावती श्री जी एल. कोंडावार यांनी साध्‍या कागदावर दिली. तक्रारकर्तीने वि.प.ला १४,०५,०००/- अदा करुनही तक्रारकर्तीला भुखंडाचे विक्रीपत्र करुन दिले नाही. तक्रारकर्तीने दिनांक 21.1.2020 च्या लोकसत्ता दैनिक वर्तमानपत्रातुन कळले की असंख्‍य भुखंड खरेदी करणा-यांनी जगदंबा रिअलेटर्स चे मालक श्री.गोपाल कोंडावार यांचे विरुध्‍द तक्रार दाखल केली असुन त्यांनी मौजा-मंगरुल, ता.जि. नागपूर येथील विकसन झालेल्या ले-आऊटमधील भुखंड एकापेक्षा जास्त लोकांना विकुन लोकांना फसविले आहे. वर्तमान पत्रातील बातमी वाचल्यावर त्यांचे मौजा- मंगरुल ता.जि.नागपूर येथील वि.प.चे जबदंबा रिअलटर्स येथील विकत घेतलेल्या भुखंड क्रं. ६५७(ए), बाबत चौकशी केली असता त्यांचे असे निर्देशनास आले की, वि.प.ने सदर भुखंड अन्य व्यक्तीला विकला आहे. तक्रारकर्तीने वि.प.चे कार्यालयास भेट दिली असता ते बंद असुन त्यास कुलुप असल्याचे आढळून आले. तक्रारकर्तीने वि.प. क्र.2 ला भेटण्‍याचा प्रयत्न केला असता त्यांनी भेटण्‍याचे टाळले करिता तक्रारकर्तीने मा. मंचासमोर ही तक्रार दाखल करुन खालीलप्रमाणे मागणी केली आहे.
- वि.प. 1 व 2 यांनी अनुचित व्यापार प्रथेचा वापर करुन त्रुटी पूर्ण सेवा दिल्याचे घोषीत करावे.
- वि.प. 1 व 2 यांना निर्देशीत करण्‍यात यावी की, वि.प. क्रं. 1 व 2 यांनी तक्रारकर्तीस भुखंड क्रं. ६५७(ए) एकुण क्षेत्रफळ-३०५.५४ चौ.मि. ख.क्र.१०६/१व१०७/१, मौजामंगरुळ प.ह.न.७३, ता.जि.नागपूर चे विक्रीपत्र करुन द्यावे किंवा तक्रारकर्तीस कायदेशीर विक्रीपत्र करुन देणे शक्य नसल्यास वि.प.ने भुखंडाचे विक्रीपोटी स्वीकारलेली रक्कम रुपये 18टक्के व्याजासह प्रत्यक्ष रक्कम अदा होईपर्यत अदा करावी किंवा त्याच परिसरात असलेल्या बाजारभावानुसार विकसित भुखंडाची किंमत अदा करावी.
- मानसिक व शारीरीक त्रासापोटीस खर्च अदा करावा अशी मागणी केलेली आहे.
- वि.प. क्रं.1 व 2 यांना दैनिक वर्तमानपत्रातुन जाहिर नोटीस काढुन मंचात उपस्थीत राहण्‍याबाबत सुचित करण्‍यात आले होते परंतु वि.प. क्रं.1 व 2 मंचात हजर झाले नाही म्हणुन प्रकरण त्यांचे विरुध्‍द एकतर्फी चालविण्‍याचा आदेश दिनांक ५.३.२०२१ रोजी पारित करण्‍यात आला.
- तक्रारकर्तीने तक्रारीत दाखल दस्तऐवज व लेखी युक्तीवाद याचे वाचन केले व तोंडी युक्तीवाद ऐकल्यावर खालील मूद्दे उपस्थित होतात.
मुद्दे उत्तरे - तक्रारकर्ता हा वि.प. चा ग्राहक आहे काय? होय
- वि.प. ने तक्राराचे सेवेत त्रुटी व अनुचित
व्यापारी प्रथेचा अवलंब केला आहे काय ? होय - आदेश? अंतीम आदेशाप्रमाणे
का र ण मि मां सा - तक्रारकर्तीने वि.प. चे मौजा-मंगरुळ, ख.नं. १०६/१, १०७/१, प.ह.न.७३ ता.जि. नागपूर येथील जगदंबा प्राईड मधील भुखंड क्रं. ६५७ (ए) एकुण क्षेत्रफळ ३०५.५४ चौ.मि. एकुण रुपये १५,२५,०००/- एवढया रक्कमेत विकत घेण्‍याचा करार दिनांक ६.४.२०१६ रोजी केला. तक्रारकर्तीने वि.प.ला भुखंड खरेदी पोटी एकुण रुपये १४,०५,०००/- अदा केले.
- तक्रारकर्तीने दाखल दस्तऐवजांचे अवलोकन केले असता असे निर्देशनास आले की तक्रारकर्ता हा वि.प. चा ग्राहक आहे. तसेच विरुध्‍द पक्ष यांनी मिळकतीचे विकसन करुन भूखंड तयार करण्‍याचे वचन दिलेले आहे आणि त्यासाठी प्रस्तावित ले-आऊटचा नकाशा तक्रारदाराला दिलेला आहे. म्हणुन मा. सर्वोच्च न्यायालयाच्या M/s. Narne Construction P.Ltd. Etc. Union of India and Ors. II (2012) CPJ 4 (SC) या प्रकरणातील निर्णयाप्रमाणे या मंचाला प्रस्तुत प्रकरण चा‍लविण्‍याचे अधिकार आहे.
- वि.प.ने तक्रारकर्तीकडुन भुखंडाचे विक्रीपोटी रुपये १४,०५,०००/- स्वीकारुन तक्रारकर्तीला भुखडांचे विक्रीपत्र करुन दिले नाही व सदरचा भुखंड अन्य व्यक्तीला विकुन तक्रारकर्तीचे प्रती अनुचित व्यापारी प्रथेचा अवलंब केला असे मंचाचे स्पष्‍ट मत आहे व खालीलप्रमाणे आदेश पारित करण्‍यात येतो.
आदेश - तक्रारकर्तीची तक्रार अंशतः मंजूर करण्‍यात येते.
- वि.प.क्रं. 1 व2 यांना आदेशीत करण्‍यात येते की, त्यांनी वैयक्तीक व संयुक्तीपणे मौजा- मंगरुळ, ख.नं. १०६/१, १०७/१, प.ह.न.७३, ता.जि.नागपूर येथील जगदंबा प्राईड मधील भुखंड क्रं.६५७(ए) एकुण क्षेत्रफळ ३०५.५४ चौ.मि चे विक्रीपत्र उर्वरित रक्कम रुपये १,२०,०००/- स्वीकारुन करुन द्यावे व भुखंडांचा प्रत्यक्ष ताबा द्यावा व विक्रीपत्राचा खर्च तक्रारकर्तीने सोसावा.
- वि.प.क्रं. 1 व 2 यांना मौजा- मंगरुळ, ख.नं. १०६/१, १०७/१, प.ह.न.७३ त.जि.नागपूर येथील जगदंबा प्राईड मधील भुखंड क्रं.६५७(ए) एकुण क्षेत्रफळ-३०५.५४ चौ.मि.चे विक्रीपत्र करुन देणे ते कायदेशीररित्या शक्य नसल्यास वि.प.क्रं.1 व 2 यांनी भुखंडाचे विक्रीपोटी स्वीकारलेली रक्कम रुपये १४,०५,०००/- द.सा.द.शे. 18 टक्के व्याजासह दिनांक ३०.८.२०१७ पासून प्रत्यक्ष रक्कमेच्या अदायगीपावेतो व्याजासह तक्रारकर्तीला अदा करावी.
- तक्रारकर्तीस झालेल्या मानसिक व शारिरिक त्रासापोटी रुपये 30,000/- (रुपये तीस हजार) व तक्रारीचे खर्चापोटी रुपये 20,000/- (रुपये वीस हजार) वि.प. क्रं.1 व 2 ने तक्रारकर्तीस अदा करावी.
- सदर आदेशाचे पालन वि.प.क्रं.1 व 2 यांनी संयुक्तीक अथवा वैयक्तीकरित्या आदेश पारित दिनांकापासून 30 दिवसाचे आत करावे.
- तक्रारकर्तीला आदेशाची प्रथम प्रत निःशुल्‍क देण्‍यात यावी.
- तक्रारीची ब व क प्रत तक्रारकर्त्यास परत करण्‍यात यावी.
| |
