द्वारा – श्रीमती. स्‍नेहा म्‍हात्रे, अध्‍यक्षा

    तक्रारदार पुकारले असता गैरहजर. सामनेवाले यांचे नवीन वकील श्री.नैनेश अमिन यांचे प्रतिनिधी वकील श्रीमती.प्रज्ञा बामणे हजर त्‍यांनी प्राधिकारपत्र दाखल केले. तसेच प्रस्‍तूत तक्रार खारीज करणेकामी अर्ज दिला. सदर प्रकरणामध्ये तक्रारदारांनी प्रस्‍तूत तक्रार सन 2019 मध्‍ये ग्राहक संरक्षण कायदा 1986 अन्‍वये दि.11.09.2019 रोजी आयोगाच्‍या कार्यालयात दाखल केली असून, ती दि.20.09.2019 रोजी आयोगाने दाखल करुन घेतली आहे. सामनेवाले यांनी सदर प्रकरणामध्‍ये त्‍यांची लेखी कैफियत दि.15.11.2019 रोजी दाखल केली असून, त्‍याची प्रत त्‍याच दिवशी तक्रारदारांना दिल्‍याचे दि.15.11.2019 रोजीच्‍या रोजनाम्‍यात नमूद आहे. दि.07.01.2020 पासून प्रस्‍तूत प्रकरण तक्रारदाराच्‍या पुरावा शपथपत्रासाठी प्रलंबित असल्‍याचे मागील रोजनाम्‍यांवरुन दिसून येते. तसेच प्रस्‍तूत प्रकरणात तक्रारदार पुरावा शपथपत्र दाखल करणेकामी संधी देऊनही दि.04.01.21, 27.07.21, 29.09.21, 24.12.21, 25.03.22, 15.06.22, 16.09.22 तसेच आज दि.20.10.2022 रोजी सातत्‍याने गैरहजर आहेत सबब, तक्रारदाराच्‍या सततच्‍या गैरहजरीमुळे तक्रारदारांना प्रस्‍तूत तक्रार चालविण्‍यात स्‍वारस्‍य नाही असे दिसून येते. सबब,  सामनेवाले यांनी आजरोजी प्रस्‍तूत तक्रार खारीज करणेकामी दिलेला अर्ज मंजूर करुन ग्राहक संरक्षण कायदा 1986 च्‍या कलम 13 (2) (क) नुसार प्रस्‍तूत तक्रार खारीज करण्‍यात येते. प्रकरण निकाली. खर्चाबाबत आदेश नाहीत.