(निकालपत्र)

                           दिनांकः- 05/01/2015

                                तक्रारदारा तर्फे अॅड.श्री. वेलणकर हजर सदरचे प्रकरण दाखल करुन घेण्‍याबाबत युक्तिवाद एैकला. तक्रार अर्जाचे व दाखल केलेल्‍या कागदपत्राचे मंचाने अवलोकन केले असता, तक्रारदाराने याच आशयाची तक्रार मंचासमोर दाखल केली होती ज्‍याचा तक्रार क्रमांक 91/2012 हा होता व सदरची तक्रार मंचाने दिनांक 10/12/2013 रोजी निकाली काढून सदरचे प्रकरण फेटाळले      होते.  तक्रारदार हा प्रस्‍तुत प्रकरणात परिच्‍छेद क्रमांक 7 मध्‍ये नमुद करतो की, सदर निर्णयाविरुध्‍द त्‍याने महाराष्‍ट्र राज्‍य ग्राहक आयोग मुंबई खंडपीठ औरंगाबाद येथे अपील दाखल केले आहे. व ते प्रलंबीत‍ आहे.

      तक्रारदाराच्‍या तक्रार अर्जाचे, व दाखल केलेल्‍या कागदपत्राचे मंचाने अवलोकन केले असता, असे निदर्शनास येते की, तक्रार क्रमांक 91/12 मधील मागणी व प्रस्‍तुत प्रकरणातील मागणी एकाच कारणासाठी आहे व तक्रारदाराने दाखल केलेले अपील प्रलंबीत आहे. तक्रारदारास जे कांही म्‍हणायचे आहे ते अपीलामध्‍ये आपले म्‍हणणे दाखल करु शकतो म्‍हणून एकाच कारणासाठी व मागणीसाठी तक्रारदारास दुसरा तक्रार अर्ज मंचासमोर दाखल करण्‍याचा कायद्याने अधिकार नाही असे मंचाचे ठाम मत आहे त्‍यामुळे प्रस्‍तुतचे प्रकरण दाखल करुन घेण्‍याच्‍या प्राथमीक आवस्‍थेत फेटाळण्‍यात येते व सदरचे प्रकरण खारीज करुन संचीका बंद करण्‍यात येते.

       सौ.अनिता ओस्‍तवाल.      .                        श्री.प्रदीप.पी.निटूरकर

                मा.सदस्‍या.                                                                     मा.अध्‍यक्ष.