-  आदेश निशाणी क्र.1 वर  -

(मंचाचे निर्णयान्‍वये, श्री विजय चंद्रलाल प्रेमचंदानी, अध्‍यक्ष)

(पारीत दिनांक : 28 ऑगष्‍ट 2015)

                  अर्जदाराची तक्रारीचा थोडक्‍यात आशय असा आहे की,

            अर्जदाराने गैरअर्जदार कंपनी यांचेकडून त्‍याचे मालकीची कार याचा विमा काढलेला होता.  सदर कारचा दि.1.6.2014 ला गडचिरोली शहर येथे अपघात झाला व त्‍या अपघातामध्‍ये सदर कारचे दुरुस्‍तीकरीता अर्जदाराला रुपये 1,11,248/- खर्च आला.  अर्जदार कार दुरुस्‍तीचा आलेल्‍या खर्चावर गैरअर्जदार विमा कंपनीकडे दावा दाखल केला.  तो विमा दावा गैरअर्जदाराने नामंजूर केला, म्‍हणून सदर प्रकरण मंचासमक्ष दाखल करण्‍यात आले.  अर्जदाराची तक्रार व अर्जदाराचा प्राथमिक युक्‍तीवाद ऐकूण घेण्‍यात आला. अर्जदाराने सदर कारचा विमा चंद्रपूर येथे काढलेला असल्‍याने सदर तक्रार चालविण्‍याचा या मंचाचे अधिकार क्षेञात येत नाही व सदर तक्रार या मंचाचे कार्यक्षेञाबाहेर असल्‍याने, खालील प्रमाणे अंतिम आदेश पारीत करण्‍यात येते.

-  अंतिम आदेश  -

(1)   अर्जदाराची तक्रार अस्विकृत करुन खारीज करण्‍यात येते.  

(2)   अर्जदाराने तक्रारीचा खर्च स्‍वतः सहन करावा.  

(3)   अर्जदारास आदेशाची प्रत विनामुल्‍य देण्‍यात यावी.

गडचिरोली.

दिनांक :- 28/8/2015