मा. सदस्‍य विलंबाने अपेक्षित
तक्रारदार गैरहजर.
सामनेवाले क्र. 1 विना लेखी कैफियत / त्‍यांचे वकीलांचे प्रतिनिधी श्री. आशीष मिश्रा हजर.
प्रकरण आज तक्रारदारांनी जिल्‍हा ग्राहक कल्‍याण निधीमध्‍ये रु. 300/- भरण्‍याचे अटीवर त्‍यांना मुदत देण्‍यात आली होती. परंतु ते गैरहजर. प्रकरण सामनेवाले क्र. 2 यांना नोटीस बजाविण्‍याकामी व सामनेवाले क्र. 1 यांच्‍या अर्जाला जबाब सादर करण्‍याकामी नेमण्‍यात आले होते. परंतु तक्रारदार गैरहजर. तक्रारदार मागील तीन तारखांपासून सतत गैरहजर. तक्रारदारांनी मंचाच्‍या आदेशाची पूर्तता केलेली नाही. मंचाचा कार्यभार विचारात घेता त्‍याच टप्‍प्‍यावर तहकूब करणे योग्‍य होणार नाही. वेळ 11.37 मिनिटे . सबब योग्‍य आदेशाकामी प्रकरण मागे ठेवण्‍यात येते.
त्‍यानंतर मंच पूर्ण. प्रकरण पुन्‍हा पुकारण्‍यात आले. परंतु तक्रारदार गैरहजर. वेळ 12.12 मिनिटे.
सामनेवाले क्र. 1 विना लेखी कैफियत / त्‍यांचे वकीलांचे प्रतिनिधी श्री. आशीष मिश्रा हजर.
तक्रारदार यांना ही तक्रार चालविण्‍यात स्‍वारस्‍य असल्‍याचे दिसून येत नाही ते त्‍याबाबत सजग व जागृतही नाहीत. आमच्‍या मते, अशा परिस्‍थीतीमध्‍ये तक्रार खारीज करणे योग्‍य आहे. याकामी आम्‍ही मा. राष्‍ट्रीय आयोगाच्‍या प्रथम अपील क्र. 1616/2016 ए टू झेड मेंटेनन्‍स अँड इंजिनिअरींग सर्विसेस विरुध्‍द नॅशनल इन्‍शुरन्‍स कं. लि. निकाल दि 03/05/2018 व रिव्‍हीजन पीटीशन क्र. 04/2012, चंदरशेखर विरुध्‍द इस्‍टेट ऑफीसर हुडा, अधिक 1 निकाल दि 04/07/18 चा आधार घेत आहोत. सबब, खालील आदेश,
आदेश
1. तक्रार क्र. 32/2016 ग्रा.सं.कायदा कलम 13(2) (सी) प्रमाणे खारीज / Dismissed For Default करण्‍यात येते.
2. खर्चा बाबत आदेश नाही.
3. हाच अंतिम आदेश समजण्‍यात यावा.
4. या आदेशाच्‍या प्रती उभय पक्षकारांना निःशुल्‍क टपालाने पाठविण्‍यात याव्‍यात.
5. अतिरीक्‍त संच तक्रारदार यांना परत करण्‍यात यावे.
