निकालपत्र :- (दि.26/04/2012) (सौ.वर्षा एन.शिंदे,सदस्‍या)
(1) प्रस्‍तुतची तक्रार स्विकृत करुन सामनेवाला यांना नोटीसीचा आदेश झाला. सामनेवाला त्‍यांचे वकीलांमार्फत हजर झाले. त्‍यांनी लेखी म्‍हणणे दाखल केले. सामनेवाला वकीलांचा युक्‍तीवाद ऐकणेत आला. तक्रारदार व त्‍यांचे वकील अंतिम युक्‍तीवादाच्‍या वेळेस गैरहजर आहेत.
सदरची तक्रार तक्रारदाराचा विमा दावा सामनेवाला विमा कंपनीने नाकारल्‍या मुळे दाखल करणेत आला आहे.
(2) तक्रारदाराची थोडक्‍यात तक्रार अशी:- यातील तक्रारदार यांनी स्‍वत:च्‍या होंडा अॅक्‍टीव्‍हा स्‍कुटर नंबर MH-09-BS-5676 या वाहनाचा सामनेवालांकडे टू व्हिलर पॅकेज पॉलीसी या सदराखाली विमा उतरविलेला असून पॉलीसी क्र;3005/607577114/00/BOO असा असून विमा कालावधी हा दि.21/08/10 ते 20/08/11 असा आहे. सदर पॉलीसीच्‍या कालावधीतच दि.29/11/2010 रोजी तक्रारदाराची विमाधारक गाडी विवेकानंद कॉलेज, ताराबाई पार्क, कोल्‍हापूर येथून चोरीस गेली. तदनंतर लगेचच तक्रारदाराने शोधाशोध करुन पोलीस स्‍टेशनमध्‍ये त्‍याच दिवशी वर्दी दिली. परंतु तेथे कच्‍ची नोंद घेण्‍यात आली व नंतर एफ.आय.आर. केले. तसेच चोरीनंतर 6 दिवसांनी तक्रारदाराने सामनेवाला कंपनीमध्‍ये घडले घटनेबाबत कळविले व आवश्‍यक त्‍या सर्व बाबींची पूर्तता करुन क्‍लेम मागणी केला असता दि.26/05/2011 रोजीचे पत्राने ‘ अटी व शर्तींचा भंग केलेने क्‍लेम देता येत नाही.’ असे चुकीचे उत्‍तर देऊन तक्रारदाराचा न्‍याययोग्‍य क्‍लेम नाकारला आहे. त्‍यामुळे प्रस्‍तुतची तक्रार दाखल करणे भाग पडले आहे. सबब तक्रारदाराची तक्रार खर्चासह मंजूर करुन क्‍लेमची रक्‍कम रु.41,987/-,दि.29/03/11 पासून द.सा.द.शे.18 टक्‍के व्‍याजासह, मानसिक त्रासापोटी रक्‍कम रु.25,000/-,तक्रारीचा खर्च रु.1,000/-सामनेवाला यांचेकडून वसूल होऊन मिळावेत अशी विनंती तक्रारदाराने सदर मंचास केली आहे.
(3) तक्रारदाराने आपल्‍या तक्रारीच्‍या पुष्‍टयर्थसामनेवाला यांचे क्‍लेम नाकारलेचे दि.26/05/2011 चे पत्र व सर्टीफिकेट कम पॉलीसी शेडयूल इत्‍यादी कागदपत्रे दाखल केली आहेत.
(4) सामनेवालाने दाखल केलेल्‍या म्‍हणणेनुसार तक्रारदाराची तक्रार मान्‍य केले कथनाखेरीज परिच्‍छेदनिहाय नाकारलेली आहे.सामनेवाला आपल्‍या लेखी म्‍हणणेत पुढे सांगतात, तक्रारदाराची होंडा अक्‍टीव्‍हा स्‍कुटर नंबर MH-09-BS-5676 चोरी झालेनंतर तक्रारदाराने 92 दिवसांनी F.I.R. दाखल केली आहे. वास्‍तविक तक्रारदाराने गाडी चोरीला गेलेनंतर 24 तासाचे आत पोलीस स्टेशनला माहिती दिली असती तर तक्रारदाराची चोरीला गेलेली गाडी शोधण्‍यास पोलीसांना वेळ मिळाला असता. तसेच तक्रारदाराने त्‍याची होंडा अक्‍टीव्‍हा स्‍कुटर नंबर MH-09-BS-5676 दि.29/11/2010 रोजी चोरीला गेलेबाबत F.I.R. किंवा पंचनामा प्रस्‍तुत कामी हजर केलेला नाही. त्‍यामुळे तक्रारदारास सामनेवालाविरुध्‍द सदरची तक्रार दाखल करणेस लोकस स्‍टॅन्‍डी येत नाही. सबब तक्रारदाराची तक्रार दंडासह नामंजूर करणेत यावी अशी विनंती सामनेवाला यांनी सदर मंचास केली आहे.
(5) सामनेवालांनी आपल्‍या लेखी म्‍हणणेच्‍या पुष्‍टयर्थ टू व्हिलर गाडयांची विमा पॉलीसी टर्म व कंडिशन्‍स व नॅशनल कमिशन न्‍यु दिल्‍ली यांचेकडील अपील क्र.321/2005 च्‍या निकालाची प्रत दाखल केली आहे.
(6) तक्रारदाराची तक्रार, दाखल कागदपत्रे, सामनेवाला यांचे लेखी म्‍हणणे व दाखल कागदपत्रे व सामनेवालांचे वकीलांनी केलेला युक्‍तीवाद इत्‍यादीचे बारकाईने अवलोकन केले असता पुढील महत्‍वाचे मुद्दे निष्‍कर्षासाठी येतात.
1. सामनेवाला यांनी सेवेत त्रुटी केली आहे का? --- होय.
2. काय आदेश ? --- शेवटी दिलेप्रमाणे
मुद्दा क्र.1 व 2:- तक्रारदाराने होंडा अॅक्‍टीव्‍हा स्‍कुटर क्र.MH-09-BS-5676 या वाहनाचा वाहनाचा विमा सामनेवालांकडे उतरविलेला होता. त्‍याचा पॉलीसी क्र.3005/60757114/00/BOOअसलेचा सामनेवालांनी विमा पॉलीसी मान्‍य केलेली आहे. विमा पॉलीसीचा कालावधी हा 21/08/2010 ते 20/08/2011 असा आहे. सदर कालावधीत दि.29/11/2010 रोजी तक्रारदाराचे नमुद वाहन विवेकानंद कॉलेज, ताराबाई पार्क, कोल्‍हापूर येथून चोरीस गेले आहे. सदर चोरीनंतर पोलीस स्‍टेशनमध्‍ये त्‍याच दिवशी वर्दी दिली. परंतु तेथे कच्‍ची नोंद घेण्‍यात आली व नंतर एफ.आय.आर. केले. प्रस्‍तुत कागदपत्रांची पूर्तता करुन विमा रक्‍कम मिळणेबाबत क्‍लेम दाखल केलेला होता ही वस्‍तुस्थिती सामनेवाला यांनी मान्‍य केलेली आहे. दि.26/05/2011 चे दाखल पत्रानुसार सामनेवाला यांनी तक्रारदारास नमुद वाहनाचा पॉलीसी क्र.3005/60757114/00/BOO व क्‍लेम नंबर MOT01827179अन्‍वये तक्रारदारास लेखी कळवलेले आहे. त्‍यातील महत्‍वाचा मजकूर खालीलप्रमाणे-
1. The stolen vehicle FIR was lodged after 92 days of the theft of the Vehicle. This is violation of terms & conditions of Insurance Company. The FIR should have been immediately lodged after the theft. The Motor Insurance Policy issued to you states-In case of theft or criminal act which may be the subject of a claim under the Policy the insured shall give immediate notice to the Police and cooperate with the company in securing the conviction of the offender.
2. We have to further draw your attention, that the claim was intimated to the Insurer after 6 days. This is violation of policy terms & condition. As per policy terms-Notice shall be given in writing to the Company immediately upon the occurrence of any accident loss or damage or theft in the event of any claim and hereafter the insured shall give all such information and assistance as the company shall require.
वस्‍तुत: जनरल ट्रान्‍झॅक्‍शनचा विचार करता वाहनाच्‍या चोरीबाबत पोलीस त्‍वरीत तक्रार नोंदवून घेत नाहीत. वाहनाचा शक्‍यतो शोध घेऊन तदनंतरच वाहन खरोखरच चोरीस गेले आहे याची खात्री झालेनंतरच वाहन चोरीची फिर्याद नोंदवली जाते
तक्रारदाराने सामनेवाला यांना 6 दिवस विलंबाने नमुद वाहनाचे चोरीची सुचना देऊन क्‍लेम मागणी केलेला आहे. सदर वस्‍तुस्थितीचा विचार करता सदर वाहन चोरीची घटना ही दि.29/11/10रोजी घडलेली आहे. त्‍यानंतर तक्रारदाराने व पोलीसांनीही नमुद वाहनाची शोधाशोध केलेली आहे. तसेच मोटरसायकल चोरटयाकडून सदर वाहन प्राप्‍त न झालेने सरतेशेवटी प्रस्‍तुत वाहन खरोखरच चोरीस गेलेने चोरीची फिर्याद दाखल केलेली आहे. मात्र तत्‍पुर्वी तक्रारदाराने सदर वाहन चोरीची माहिती सदर पोलीस स्‍टेशन दिली होती व त्‍याची कच्‍ची नोंद केली होती ही वस्‍तुस्थिती नाकारता येत नाही. सबब वरील झालेला विलंब हा माफ करण्‍यायोग्‍य होता. तसे न करता सामनेवाला यांनी प्रस्‍तुत क्‍लेम नाकारुन सेवात्रुटी केली आहे.नमुद पॉलीसीच्‍या अट क्र.1 चा विचार करता प्रस्‍तुतची अट ही दिशादर्शक आहे ती निर्णायक नाही.
वरील वस्‍तुस्थितीचा विचार करता तक्रारदाराचे वाहन चोरीस गेलेची वस्‍तुस्थिती निर्विवाद आहे. विलंबाने चोरीची तक्रार दाखल करणेमागे तक्रारदाराचा कोणताही गैरहेतू दिसून येत नाही. केवळ विलंबाने क्‍लेम दाखल केला म्‍हणून विमा क्‍लेम नाकारणे उचित नाही. अशाप्रकारे क्‍लेम नाकारणे ही सेवात्रुटी आहे याकरिता हे मंच पुढील पूर्वाधार विचारात घेत आहे.
2010 (1) CPR 219 MAHARASHTRA STATE CONSUMER DISPUTES REDRESSAL COMMISSION, MUMBAI- Kamalabai Prakash Chavan Vs. The Authorised Signatory ICICI Lombard Insurance Co. Ltd. and Anr. F.A.NO.1052 of 2007 Decided on 5.10.2009- Consumer Protection Act, 1986-Sections 12 and 17-Group Personal Accident Insurance Policy Claim-Policy was obtained by State Government for farmers-Insured husband of complainant was a farmer and died in road accident-Claim was repudiated on ground of delayed intimation-District Forum accepted defence contention and dismissed complaint-Appeal-Claim was preferred after 106 days from death of deceased-Respondent ought not to have repudiated claim only because it was delayed by 106 days-Appellant held entitled to policy amount of Rs. 1,00,000/- with interest at 9% p.a. and cost Rs.2,000.
2007 NCJ 546 (NC) NATIONAL CONSUMER DISPUTES REDRESSAL COMMISSION, NEW DELHI – National Insurance Company Vs. Lajwanti Revision Petition No.3192 of 2005 Decided on 18.1.2005 Consumer Protection Act, 1986- Section 2(1)(g) 14(d) and 21(b) –Car stolen-Claim for insurance – Allowed-Appreciation of evidence-Case closed as car is untraceable –Theft not doubtful-Comprehensive in surence-Consideration of-Held-Warranting no interference in revisional jurisdiction-Revision dismissed.
2008 NCJ 788 (NC) NATIONAL CONSUMER DISPUTES REDRESSAL COMMISSION, NEW DELHI- Oriental Insurance Company Vs. Prakash Devi- Revision Petition No2745 of 2003 Decided on 26.3.2008 – Insurance-Condition of policy-Justification of-Held-Policy conditions then not clear capable of more than one interpretation the interpretation beneficial to consumer should be adopted.
सदर बाबीचा विचार करता तक्रारदार आयडी व्‍हॅल्‍यू ही 41,987/- तक्रारदाराचा क्‍लेम नाकारले तारखेपासून म्‍हणजे दि.26/05/2011 पासून ते संपूर्ण रक्‍कम मिळेपर्यंत द.सा.द.शे. 9 टक्‍के व्‍याजासह मिळणेस पात्र आहे. सामनेवालांचे सेवात्रुटीमुळे तक्रारदार झालेल्‍या मानसिक त्रासापोटी रक्‍कम मिळणेस पात्र आहे व तक्रारीच्‍या खर्चापोटी रक्‍कम मिळणेस पात्र आहे. सबब हे मंच खालीलप्रमाणे आदेश पारीत करीत आहे.
आदेश
1) तक्रारदाराची तक्रार मंजूर करण्‍यात येते.
2) सामनेवाला विमा कंपनीने तक्रारदारास आयडी व्‍हॅल्‍यू रक्‍कम रु.41,987/- (रु.एकेचाळीस हजार नऊशे सत्‍याऐंशी फक्‍त) दि.26/05/2011 पासून ते संपूर्ण रक्‍कम अदा होईपर्यंत द.सा.द.शे.9 टक्‍के व्‍याजदराने अदा करावेत.
3) सामनेवाला यांनी तक्रारदारास मानसिक त्रासापोटी रक्‍कम रु.1,000/-(रु.एक हजार फक्‍त) व तक्रारीच्‍या खर्चापोटी रक्‍कम रु.1,000/-(रु.एक हजार फक्‍त) दयावेत.
