दोन्‍ही पक्ष हजर, गैरअर्जदारांनी पुरसिस दाखल केली. गैरअर्जदारांनी पुरसिस प्रमाणे दि.04.01.2011 रोजी मंचामध्‍ये रु.19,612/- चा धनादेश दाखल केलेला आहे. यातील तक्रारीत झालेला आदेश हा दि.28.06.2010 रोजीचा आहे आणि अंमलबजावणी अर्ज हा दि.09.12.2010 रोजी दाखल केलेला आहे. त्‍यानंतर आदेशाप्रमाणे गैरअर्जदारांनी सदर आदेशाचे पालन प्रत मिळाल्‍यापासुन 30 दिवसांचे आंत करावयाचे होते. अर्जदाराने प्रथम गैरअर्जदारांना नोटीस दिली त्‍यानंतर सदर अंमलबजावणी अर्ज दाखल केल्‍याचे दिसुन येते. गैरअर्जदारांना मंचामार्फत नोटीस पाठविण्‍यांत आली होती, ती त्‍यांना मिळाल्‍यानंतर त्‍यांनी या प्रकरणात रक्‍कम जमा केलेली आहे. गैरअर्जदारांनी योग्‍य वेळी आदेशाचे पालन केले असते तर अर्जदाराला सदर अंमलबजावणी अर्ज दाखल करण्‍याची गरज पडली नसती. याकरीता गैरअर्जदारांनी खर्चादाखल अर्जदाराला रु.500/- द्यावे, सबब सदर अंमलबजावणी अर्ज निकाली काढण्‍यांत येतो.