तक्रारदार त्‍यांचे प्रकरण स्‍वतः चालवितात. आज पुकारल्‍यावर गैरहजर आहे. सदर प्रकरण दाखलपूर्व सुनावनीकरता दि. 05 एप्रिल 2017 पासून आजपर्यंत आहे. मध्‍यंतरी तक्रारदार यांनी या प्रकरणात त्‍यांना वकील नेमायचा आहे असे सांगून तारीख वाढली. परंतू आजपर्यंत वकील नियुक्‍त केलेला नाही. प्रकरणाचे अवलोकन केल्‍यावर असे दिसते की, तक्रारदार यास आधार कार्डाचे कामाचे कारणावरुन 15,000/- रुपयास फसविण्‍यात आले. या प्रकरणाचे काळजीपूर्वक अवलोकन केल्‍यावर असे दिसते की, हे प्रकरण फौजदारी स्‍वरुपाचे आहे. या प्रकरणात ग्राहक संरक्षण कायद्याच्‍या तरतुदीचा कोणताही समावेश होत नाही. वरील कारणास्‍तव प्रकरण खारीज करण्‍यात येते.