Dated the 05 Oct 2015

तक्रारदार  गैरहजर.  सामनेवाले क्र. 1 चे प्रतिनिधी शैलेश कदम हजर. सामनेवाले क्र. 2 गैरहजर.

प्रकरण आज तक्रारदारांचे पुरावा शपथपत्र दाखल करणेकामी त्‍यांना अंतिम संधी देऊन नेमण्‍यात आले होते. परंतु तक्रारदार गैरहजर.

प्रकरणात सामनेवाले यांनी वर्ष 2009 मध्‍ये लेखी कैफियत दाखल केली आहे. त्‍यानंतर तक्रारदारांना पुरावा शपथपत्र दाखल करणेकामी दीर्घकाळ संधी देऊनही त्‍यांनी ते दाखल केले नाही.

संचिकेची पाहणी केली असता असे दिसून येते की, तक्रारदार हा मंचापुढे नियमितपणे हजर राहत नाही. त्‍यांच्‍या गैरहजेरीमुळे प्रकरणात आवश्‍यक व योग्‍य ती प्रगती होऊ शकली नाही. तक्रारदार याला या प्रकरणांत तक्रार पुढे चालविण्‍यात स्‍वारस्‍य दिसून येत नाही व ते त्‍याबाबत जागृत/सजग व गंभीर आहे असे मंचास वाटत नाही. अभिलेखावर असलेल्‍या पुराव्‍यावरुन व तक्रारदार यांच्‍या गैरहजेरीमध्‍ये हे प्रकरण योग्‍यतेवर निकाली काढावे असे मंचास            प्रामाणिकपणे वाटत नाही. ज्‍याअर्थी तक्रारदार यांना स्‍वारस्‍य नाही त्‍याअर्थी अंतिम आदेश पारीत केल्‍यास तो कागदोपत्री सोपस्‍कार ठरेल. सबब, ही तक्रार ग्रा.सं. कायदा कलम 13(2)(सी) प्रमाणे खारीज/Dismissed For Default करण्‍यात येते.

खर्चाबाबत आदेश नाही.

हाच अंतीम आदेश समजण्‍यात यावा.

या आदेशाच्‍या प्रती उभय पक्षकारांना निःशुल्‍क टपालाने पाठविण्‍यात याव्‍यात.